Македонија
Спасов: Не знаев дека Мартин е во животна опасност
Да знаев дека Мартин е тешко повреден и во животна опасност, на раце ќе однесев до болница, рече „Тигарот“ Игор Спасов на крајот од својот исказ во судскиот процес во кој му се суди за смртта на скопјанецот Мартин Нешковски.
Да знаев дека Мартин е тешко повреден и во животна опасност, на раце ќе однесев до болница, рече „Тигарот“ Игор Спасов на крајот од својот исказ во судскиот процес во кој му се суди за смртта на скопјанецот Мартин Нешковски.
Претходно, Спасов објасни дека Нешковски неколку пати се обидел да се качи на бината каде била во тек прославата за изборната победа на владејачката партија. Во еден момент, Нешковски почнал да бега, а кон него тргнал Спасов. Мартин во еден момент се сопнал од кабел и се онесвестил. Спасов, мислејќи дека Нешковски симулира, го удрил да стане. Откако сфатил дека е онесвестен, му дал прва помош.
Спасов е обвинет за убиство на Мартин Нешкоски, кое се случи вечерта по парламентарните избори.
Судењето, според најавите од судот ќе трае, неколку дена по ред.
Се очекува за првпат во судница јавно да се слушне што се случувало на плоштадот во Скопје каде сега обвинетиот тврди дека не присуствувал како обичен граѓанин, туку како вработен во МВР со задача да го обезбедува премиерот.
Обвинетиот Игор Спасов, пред истражен судија изјавил дека со неговите колеги, ноќта на петти јуни, биле работно ангажирани до 23 часот, а само половина час откако се вратиле во базата добиле усна наредба од нивниот претпоставен за враќање на плоштадот.
Според Спасов, неговата обврска била да го обезбедува премиерот во еден поширок круг. Се очекува да се појават и сведоци кои ќе ја потврдат неговата изјава.
Убиството на момчето предизвика лавина реакции и протести на младите во Скопје. Со денови се штрајкуваше пред Собранието пред МВР и низ целиот град. Младите меѓу кои и братот на убиеното момче бараа одговорност за смртта на нивниот пријател. /крај/ач/км
Спасов: Нешковски се сопна од кабли и се онесвести >>
„Тигарот“ Спасов побара да биде ставен на полиграф >>
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.