Парламентарците денеска ја изгласаа одлуката за испраќање припадници на АРМ за учество во мировна операција во Авганистан во состав на Школата за воена полиција во рамките на НАТО мисијата за обука во Авганистан (NTM-А).

Парламентарците денеска ја изгласаа одлуката за испраќање припадници на АРМ за учество во мировна операција во Авганистан во состав на Школата за воена полиција во рамките на НАТО мисијата за обука во Авганистан (NTM-А).Министерот за одбрана Зоран Коњановски образложи дека станува збор за тројца припадници на АРМ кои ќе работат како обучувачи во состав на Школата за воена полиција во рамките на НАТО мисијата за обука во Авганистан, со што ќе придонесат за јакнење на капацитети на авганистанските сили. Припадниците на АРМ ќе бидат испратени во септември, а во Школата ќе бидат до февруари 2012 година, кога ќе се направи првата ротација.Пратениците од СДСМ го поддржаа предлогот , но забележа за намалувањето на буџетот за армијата. „Буџетот за војниците не треба да биде пренаменет за други министерства“, рече пратеникот Оливер Спасовски од СДСМ и додаде дека извештаите од мисиите не доаѓале во Собранието.На тоа министерот Коњановски одговори дека по враќањето на војниците од мисија извештаите редовно се доставувале во Собранието и посочи оти за пренамената на средствата се залагаат за развој на одбраната и оти во овој период немало потреба од купување на застарени тенковски гранати. /крај/бд