Свет
Уапсени милитантите одговорни за киднапирањата во Нигерија
Нигериската армија ја уапси милитантната банда одговорна за серијата киднапирања во делтата на реката Нигер, соопшти армијата, пренесува Reuters
Се верува дека бандата, која броела 51 припадник заедно со лидерот Обесе, е одговорна за киднапирањето на 19 странци. Двајцата Американци, двајца Французи, двајца Индонезијци, еден Канаѓанец и 12 Нигеријци беа ослободени во средата од кампот на Обесе во провинцијата Риверс, при што дошло и до престрелка.Армијата соопшти и дека зазела неколку кампови на милитантите во делтата на Нигер, средиштето на најголемото производство на нафта и гас во Африка, како и дека нападите ќе продолжат се до целосното искоренување на припадниците на вооружените банди.Немирите во делтата се закануваат да го поткопаат кредибилитетот на претседателот Гудлак Џонатан при неговата повторна кандидатура за претседател на оваа африканска држава. Џонатан е првиот шеф на држава од нафтениот регион кој договори амнестија со милитантите минатата година.Клучните теренски команданти на најголемата милитантна група, „Движење за еманципација на делтата на Нигер“ (МЕНД) ја прифати амнестијата. Но, милитантите секогаш биле подлежни на фракционирање и веќе почнуваат да се појавуваат нови команданти кои одбиваат соработка со властите, како што е Обеса.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Америка изрази сочувство за смртта на иранскиот претседател
Соединетите држави денеска испратија „официјални изрази на сочувство“ за смртта на иранскиот претседател Ебрахим Раиси и други официјални лица во хеликоптерска несреќа, објави Стејт департментот.
„Додека Иран избира нов претседател, ние ја потврдуваме нашата поддршка за иранскиот народ и неговата борба за човекови права и основни слободи“, изјави портпаролот на Стејт департментот Метју Милер.
Американскиот министер за одбрана Лојд Остин денеска изјави дека нема увид во причината за хеликоптерската несреќа во која загина иранскиот претседател Ебрахим Раиси, додавајќи дека не мора да го гледа поширокото влијание на тој настан врз регионалната безбедност.
„Не можам да шпекулирам што би можело да биде причината“, рече Остин пред новинарите.
Американскиот Стејт департмент додаде дека САД ќе продолжат да се спротивставуваат на поддршката на Иран за тероризмот, ширењето на опасно оружје и унапредувањето на неговата нуклеарна програма.
Свет
Бајден: Барањето за апсење на Нетанјаху е изедначување на Израел и Хамас
Барањето на обвинителот на Меѓународниот кривичен суд да се издаде налог за апсење на израелските лидери е безобразно и САД не се согласуваат со споредбата меѓу Израел и Хамас, изјави американскиот претседател, Џо Бајден.
„Да бидам јасен, што и да се обидува да имплицира овој обвинител, нема изедначување на Израел и Хамас“, рече Џо Бајден.
Државниот секретар на САД, Ентони Блинкен, пак, предупреди дека таква одлука може да ги загрози напорите за постигнување договор за прекин на огнот, договор за заложниците и за зголемување на хуманитарната помош во Газа.
„Го отфрламе обидот на обвинителот да го изедначи Израел со Хамас“, нагласи Блинкен.
Главниот обвинител на судот, Карим Кан, претходно денеска изјави дека се поднесени налози за апсење против Нетанјаху и министерот за одбрана Јоав Галант под обвинение за „поттикнување истребување, поттикнување глад како метод на војна, вклучително и задржување на хуманитарна помош и намерно таргетирање на цивили во конфликтот“.
Покрај тоа, денеска судот побара апсење на лидерите на Хамас – Јахја Синвар, Мохамед Деиф и Исмаил Ханије, кои се обвинети за „истребување, убиство, земање заложници, силување и сексуални напади“.
Регион
Маж во Тузла ги убил сопругата и двете деца
М.Ч. синоќа во Тузла ги убил сопругата и двете малолетни деца, а потоа си го одзел животот скокајќи од 14 кат од зграда.
Маж се самоуби синоќа околу 21 часот и 15 минути, а денеска полицијата во станот го пронашла телото на неговата 34-годишна сопруга и децата на возраст од две и девет години.
Според неофицијалните информации кои ги објавија сараевските медиуми, мажот работел како медицински техничар во Германија, а во Тузла пристигнал пред неколку дена.
Истражните екипи денеска пронајдоа секира во станот во населбата Ступине во Тузла, со која наводно ги убил сопругата и децата.
Портпаролот на обвинителството во Тузла, Адмир Арнаутовиќ изјави дека ќе бидат издадени наредби за обдукција на телата на загинатите за да се утврдат точните причини за смртта.
Ќе биде издадена наредба за биолошко вештачење, ДНК анализа, како и други истражни дејствија и вештачења, со цел да се утврдат сите околности поврзани со овој настан, вклучително и начинот и начинот на трите убиства“, рече Арнаутовиќ.