Свет
Јозеф Фрицл на суд ги призна силувањето и инцестот
![](https://makfax.com.mk/wp-content/uploads/2016/11/af6d2615-9b35-49fb-91e9-96da071ea860.jpeg)
Австриецот Јозеф Фрицл кој 24 години во подрум ја криел својата ќерка, на суд го призна силувањето и инцестот, но ги одрече убиството и ропството
Судењето на Фрицл започна утрово. Тој се товари со обвинение дека 24 години ја држел својата ќерка во подрумот од својата куќа, при што постојано ја силувал. Судењето е обезбедено со силни мерки на безбедност и голема медиумска покриеност.Тројцата судии и осумте поротници ќе решаваат за вината на Фрицл, кој е обвинет за убиство, држење во ропство, противправно одземање на слободата, силување, тешки закани, принуда и родосквернавење.По најавата од неговиот адвокат Рудолф Мајер, Фрицл го призна силувањето, инцестот и злоставувањето, но ги отфрли обвиненијата за убиство и ропство. Судењето треба да трае пет дена, а пресудата се очекува на 20 март. Мајер смета дека судењето може да заврши и порано, а се очекува дека Фрицл ќе добие казна доживотен затвор.Жртвите на Фрицл, ќерката и нејзините деца, нема да излезат пред судот. Ќерката Елизабет, која има 42 години, во текот на истрагата дала искази, а видеоматеријалите со нејзините искази и испитувања во вкупно траење од единаесет часа, на поротата и’ служат како важна основа за донесувањето на одлуката.На отворањето на постапката, судијката Андреа Хумер нагласи дека обвинетиот Јозеф Фрицл има право на коректна и фер постапка, а судот е обврзан на најстрога објективност. На прво место, според судијката, треба да се земат предвид правата на жртвите. Не е дозволено да се известува за нивните страдања само поради ниските интереси на човековиот сензационализам.Фрицл кој има 73 години влезе во судницата покривајќи си го лицето со голема сина фасцикла. Тој при влегувањето во судницата не одговори на ниедно новинарско прашање. Почетокот на судењето на „австрискиот монструм“, како што го нарекуваат сите светски медиуми, го проследија повеќе од 200 новинари од целиот свет, а над судската зграда е одредена зона за забрането летање. На 28 август 1984 година, 18-годишната Елизабет Фрицл била намамена од нејзиниот татко да појде во подрумот од семејната куќа. Таму тој ја заклучил, ја дрогирал, ја врзал со лисици и ја малтретирал цели 24 години. Вистината за мачните случувања кои се одвивале сите тие години во подрумот без прозорец, заклучен со врата со шифриран код кој го знаел само тој, беше откриена кога болната Кирстен, 19-годишната ќерка од инцестниот однос меѓу Јозеф и Елизабет, минатата година била однесена во болница во Моствиертел поради напад на бубрег. Истрагата започна по барање на докторот Алберт Рајтер, бидејќи му требале дополнителни информации за да и’ помогне на болната девојка.ДНК-анализата потврди дека Јозеф е татко на децата на својата ќерка, иако тој на сите им тврдел дека Кирстен ја нашол оставена на куќниот праг, а му ја оставила нејзината мајка Елизабет која всушност живее во бизарна секта. Лекарот не му поверувал и тргнал во потрага по Елизабет, што на крај довело до неверојатното откритие. Јозеф Фрицл тврдеше дека ќерката ја заклучил во подрум за да ја заштити од дрога и лошо друштво, бидејќи, според неговите зборови, таа била многу непослушно дете.Елизабет во подрумот забременила осум пати, родила седум деца, од кои едното починало неколу дена по породувањето. Татко и’ го запалил телото на детето. Првите неколку месеци Елизабет била заврзана со јаженце за кучиња, будејќи Јозеф се плашел оти ќе побегне.Целото време додека ја држел во ропство, Фрицл и’ се заканувал на Елизабет дека ќе го претвори подрумот во гасна комора. Сите тие години тој глумел грижлив и добар татко. Сестрите и браќата на Елизабет имале се’ што можеле да посакаат, без воопшто да се посомневаат што всушност се случува во нивниот дом. Фрицл почнал да го гради подрумот уште во 1978 година, а дозвола за тоа побарал под изговор дека сака да има место на кое би можел да го засолни семејството во случај на нуклеарна војна. Тогаш Елизабет имала 12 години, а татко и’ веќе една година почнал со злоставувањето. Неговата сопруга Розмари цело време тврди дека не знае што се случувало во нејзината куќа, не излегува во јавност поради стравот од реакцијата на луѓето, а во меѓувреме се иселила од нејзината семејна куќа во Амстетен и во моментов живее кај родителите и привремено кај некои пријатели.Преку неговиот адвокат, Фрицл пратил порака дека се кае, а исто така веќе се знае дека утре ќе ја признае вината за сите точки од обвинението, освен убиството на новороденчето во 1997 година. Тој рекол дека во затворот го мачи несоница, а исто така се наоѓал во „тешка депресија“. Чувар во затворот рекол дека Фрицл цело време зборува дека сака да ги види жена му и Елизабет и да се увери дека децата се добро. Меѓутоа, неговите желби нема да бидат исполнети, бидејќи Розмари и Елизабет изјавиле дека не сакаат веќе никогаш да го видат.Истражната постапка не пронајде докази дека и мајката била вмешана во случајот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.