Македонија
Земјата се тресе – населението во страв
Серијата земјотреси што ја погодија југоисточна Македонија достигна 180,најсилниот беше 5,4 степени по Рихтер,кај населението владее паника
Серијата земјотреси што ја погодија југоисточна Македонија достигна 180, најсилниот од 5,4 степени според Рихтер беше вчера 18:17 часот, кај населението владее паника заради континуитетот на потресите.
Епицентрите на земјотреси што започнаа во саботата се наоѓаат на 125 км југоисточно од Скопје и потекнуваат од валандовското епицентрално подрачје.
Центарот за управување со кризи соопшти дека се забележани пукнатини и оштетувања на постари куќи и помошни објекти во селата Башибоз, валандовско и Ѓопчели и Црничино, дојранско.
Министерот за труд и социјална политика, Џељаљ Бајрами при вчерашната посета на погодените региони најави помош во износ од две просечни плати за погодените семејства.
Според последните податоци на Сеизмолошката опсерваторија при Природно- математичкиот факултет во Скопје, ноќеска помеѓу 24 и 01 часот, беа почувствувани уште два земјотреса.
Овие потреси се почувствувани во Богданци и Валандово со интензитет од 5 степени според Европската макросеизмичка скала.
Земјотресите, синоќа го потресоа и струмичкиот регион, а како што јави Македонското радио не се пријавени штети.
Во тој регион на секој чекор е присутна загриженост и неизвесност. За многумина минатата ноќ беше најдолга.Голем број граѓани ноќта ја поминаа во автомобилите, или на отворено пред зградите и дворовите.
Министерот за одбрана, Зоран Коњановски, министерот за труд и социјална политика, Џељал Бајрами, заменик-министерот за труд и социјална политика Спиро Ристовски и директорот на Центарот за управување со кризи, Панде Лазаревски, денес ќе го посетат селото Башибоз, најмногу погодено од серијалот земјотреси./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Од пазарот се повлекуваат бисквити поради можност од присуство на надворешно тело, соопшти АХВ
Од македонскиот пазар се повлекуват производите на „Атлантик Штарк“: Кексичи како перелив 220 гр. серија 1507482842 и Најлепше жеље кукис 145 гр. ноисет, серија 1507483391, двата со рок на траење до 11.05.2025 година, поради можност за присуство на надворешно тело, соопшти Агенцијата за храна и ветеринарство.
„Агенцијата за храна и ветеринарство (АХВ) вчера, од компанијата „Атлантик траде Скопје Доо“ Илинден доби известување дека поради можност за присуство на надворешно тело, од пазарот ги повлекува следниве производи:
– 280766 Кексичи како перелив 220 гр. серија 1507482842 со рок на траење 11.05.2025
– 281061 Најлепше жеље кукис 145 гр. ноисет, серија 1507483391 со рок на траење 11.05.2025.
Производител на производите кои се повлекуваат според известувањето е „Атлантик Штарк доо Белград“, Република Србија“, се нагласува во информацијата од АХВ.
Агенцијата како одговорна институција за безбеднста на храната согласно законските надлежности, како што додаваат од таму, ја следи состојбата со повлекувањето на производите.
„До потрошувачите како и компанијата увозник, упатуваме апел доколку ги купиле посочените производи со сериските броеви и рокови на употреба истите да не ги консумираат или да ги вратат на продажното место од каде ги купиле“, истакнуваат од Агенцијата за храна.
Македонија
Меџити на средба со словенечкиот амбасадор Прескер: Словенија за нас е пример во делот на заштитата на природата, инвестирањето во зелена економија и зелениот развој
Првиот заменик-претседател на Владата и министер за животна средина и просторно планирање, Изет Меџити, денеска, оствари средба со амбасадорот на Република Словенија Грегор Прескер.
На средбата се разговараше за досегашната соработка меѓу двете држави, кои имаат потпишано спогодба за развојна соработка помеѓу владите на Република Северна Македонија и Република Словенија и имаат формирано заедничка мешовита комисија за билатерална соработка.
Вицепремиерот Меџити истакна дека Словенија за нас е пример во делот на заштитата на природата, инвестирањето во зелена економија и зелениот развој.
Амбасадорот Прескер ја потврди подготвеноста на Словенија да ја поддржи нашата држава на патот кон ЕУ-интеграцијата и на имплементација на активностите со кои ќе се забрза зелениот развој на државата.
Меѓу другото, Меџити и Прескер разговараа и за тековните политички прашања.
Македонија
Муцунски до Столтенберг: Вашата значајна улога во турбулентните години го зајакна и модернизира НАТО
Министерот за надворешни работи и надворешна трговија, Тимчо Муцунски, во рамките на работната посета на Брисел се сретна со генералниот секретар на НАТО, Јенс Столтенберг, кој набргу ќе замине од оваа позиција. По тој повод, министерот му врачи на Столтенберг благодарница и плакета за извонредни достигнувања и придонес за евро-атлантската безбедност.
Изразвувајќи благодарност за неговото лидерство и водењето на организацијата, истовремено нагласувајќи ја важната поддршка за нашето членство во алијансата, министерот Муцунски го истакна значењето на личните напори на Столтенберг за зачувување на заедничките вредности и одржување на мирот и стабилноста во Западен Балкан, регион од стратешко значење за НАТО, известува МНР.
Воедно, тој ја потенцира и посветеноста кон политиката на отворени врати на алијансата како клучен фактор за зачувување на регионалната стабилност.
„Вашата значајна улога во турбулентните години го зајакна и модернизира НАТО правејќи ја алијансата покредибилна и поподготвена за зачувување на мирот и стабилноста во евро-атлантската област“, нагласи Муцунски на средбата.