Бројката загинати во ерупциите на индонезискиот вулкан Мерапи која почна на 26-ти октомври досега загинаа 240 лица, соопшти претставник на безбедносните служби, пренесе AFP

„Според најновите податоци во ерупцијата на Мерапи загинале 240 лица. Речиси 390 илјади луѓе мораа да ги напуштат своите домови и да се сместат во привремени прифатилишта“, изјавил неименуваниот индонезиски функционер.Претходните податоци говореа за 204 загинати и 380 илјади евакуирани. Власите забранија враќање на населението во нивните населби бидејќи вулканот се’ уште е активен и непредвидлив.„Не можеме да ги предвидиме следните ерупции, затоа населението мора да остане во засолништата до новите прецизни процени на ситуацијата’, изјавил вулканологот Субандрино од државниот институт за вулканологија.Во саботата спасувачките служби откриле две нови тела на подрачјето околу вулканот во близина на градот Јогјиарта на централниот индонезиски остров ЈаваВо петокот навечер вулканот Мерапи цел час повторно исфрлал нови облаци од пепел кои достигнале далечина и од десет километри од кратерот. Вулканот Мерапи се наоѓа на 26 километри од градот Јогјиарта и е најактивниот од 69-те активни вулкани на Индонезија.Во последната ерупција на вулканот Мерапи кој е на височина од 2.914 метри од 2006 г. загинаа две лица. Таа се случи два дена пред земјотресот со магнитуда од 6,3 степени по Рихтер кој го погоди градот Јогјиарта и околината, при што настрадаа околу 5.800 лица. Најстрашната ерупција на овој вулкан се случила во 1930 г., кога животите ги изгубиле 1.300 луѓе.Ерупцијата на Мерапи се совпадна со цунамито кое ги погоди оддалечените острови на земјата предизвикано од земјотресот со магнитуда од 7,7 степени по Рихтер во кое загинаа најмалку 450 луѓе.Индонезија се наоѓа во ткн. Огнен прстен во Тихиот Океан, подрачје во кое на спојувањето на континенталните плочи се случува силна сеизмичка активност. Земјотрес со магнитуда од 7,9 степени на 30-ти септември минатата година го погоди индонезискиот остров Суматра, во кој загинаа повеќе од илјада лица. Во декември 2004 г., северо-западниот брег на индонезискиот остров Суматра беше погоден од еден од најсилните земјотреси во светот изминатите 40 години, при што беше предизвикано разорно цунами од кое настрадаа стотици илјади луѓе во 12 земји во Индискиот Океан. Серија земјотреси ја тресеа Папуа и во средината на јуни кога загинаа три лица, а Индонезија на 12-ти февруари годинава беше погодена од силен земјотрес во кој 60 лица беа повредени а илјадници и луѓе останаа без домови.На 26-ти август 1883 г. е забележана ерупцијата на познатиот вулкан Кракатау, кој се наоѓа во Зондскиот теснец меѓу Јава и Суматра. Тогаш почнала првата ерупција која траела до утрото на 27-ми август. Од потресите на околните острови биле уништени многу домови. На 27-ми август, околу 10 часот утрото се случила огромна експлозија, а еден час подоцна и втората вулканска експлозија со иста голема сила. Се проценува дека повеќе од 18 кубни километри камени фрагменти и пепел биле исфрлени во атмосферата.Цунами брановите предизвикани од експлозиите, ги опустошиле градовите, селата и шумите на бреговите на Јава и Суматра. Многу острови исчезнале под водата заедно со населението. Цунамито од оваа легендарна ерупција на Кракатау било толку моќно што било почуствувано на целата планета. Тогаш на Јава и на Суматра исчезнале вкупно 295 градови и села, при што загинале повеќе од 36 илјади луѓе, а стотици илјадници луѓе останале без домови. Катаклизмата го изменила брегот на Суматра и Јава до непрепознатливост.