Свет
Меѓу обвинетата четворка и кошаркарскиот ас Петар Наумоски
Кражбата на близу два тона цигари сопственост на “Гемак трејд” влегува во судска постапка
Наумоски ќе треба да одговара за кривично дело прикривање
Кражбата на близу два тона цигари сопственост на “Гемак трејд” влегува во судска постапка
Наумоски ќе треба да одговара за кривично дело прикривање
ЉубиШа СтанковиЌ
За исчезнувањето на близу два тона цигари, сопственост на приватната фирма “Гемак трејдди, што беше извршено на 15 февруари годинава во центарот на Скопје, Основното јавно обвинителство на Скопје веќе изготви обвинителен акт кој се однесува на сторени кривични дела: затајување, лажно пријавување и прикривање.
Според обвинението, возачот во “Гемак трејдди, Шенол Рамадани се товари за две дела, односно за сторено затајување и за лажно пријавување. Елвис Симоновски и Драгиша Николовски ќе треба да одговараат за сторено дело затајување, а кошаркарскиот ас и актуелен пратеник во Собранието, Петар Наумоски, ќе одговара за дело: прикривање. Првите тројца се обезбедени, бидејќи непосредно по нивното апсење за нив беше одредена мерка притвор, но на Наумоски, најверојатно ќе му се суди во отсуство, со оглед на тоа што тој подолго време е надвор од земјата.
Како што е наведено во обвинението, Шенол Рамадани дента превезувал разни видови цигари, со тежина од 1.850 килограми, вредни три милиони денари. На Шенол, кој го управувал службеното комбе, некаде на булеварот “Маркс и Енгелсси, со возило “ладааи (со таблички СК-510-БЦ) му се приближил Драгиша Николовски, а кога пристигнале на улицата “Самоиловааи, тие ги запреле возилата. По ова Шенол му се приклучил на Драгиша во “ладатааи, а потоа се упатиле кон паркингот кај Саемот. Некако во исто време Елвис Симоновски со комбето, полно со цигари, се упатил кон населбата Керамидница, односно кон магацинот на трговското друштво “Сава-мак Михајло Наумовскиии. Некаде околу 15 часот обвинетиот Петар Наумоски го примил товарот, односно сторил прикривање на затајувањето на цигарите. Според Обвинителството, Наумоски знаел дека цигарите биле набавени на недозволен начин.
Подоцна Елвис го вратил комбето, а заедно со Драгиша се упатил кон улицата “Ташко Караџааи каде што го оставиле возилото. Со автомобилот на Драгиша тие се упатиле кон населбата Шуто Оризари каде што, според претходно направениот договор, го врзале со селотејп лента, а тој, пак, во ПС “Гази Бабааи лажно пријави кривично дело.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Украинците објавија снимка: Го уништивме рускиот систем Бук, не можеа да го изгаснат пожарот
Украинските сили за специјални операции тврдат дека го уништиле лансерот на рускиот противвоздушен ракетен систем Бук на линијата на фронтот во регионот Суми.
Според извештаите, операторите во украинската единица забележале руски противвоздушен ракетен систем Бук-М1 додека изведувале борбени операции на фронтот.
Операторите потоа користеле нападни беспилотни летала за да ја нападнат целта. Русите неуспешно се обиделе да го изгаснат пожарот и да ја спасат својата опрема, тврдат Украинците. Тие споделија и видео на кое се гледа експлозијата и последователниот пожар.
Украинците наведуваат дека лансерот со шест проектили бил уништен со прецизен удар. Инаку, Украинците во вторникот пријавија и уништување на два Бука на истиот дел од бојното поле.
Свет
Турција ја прекина целата трговија со Израел
Турција од вчера го прекинува целиот извоз и увоз со Израел, соопшти турското Министерство за трговија, наведувајќи ја како причина „влошената хуманитарна трагедија“ на палестинските територии.
„Суспендирани се извозни и увозни трансакции поврзани со Израел и тоа се однесува на сите видови производи“, соопшти турското Министерство за трговија.
„Турција строго и решително ќе ги спроведе овие нови мерки додека израелската влада не дозволи непречен и доволен проток на хуманитарна помош во Газа“, се додава во соопштението.
Израелскиот министер за надворешни работи Израел Кац изјави претходно вчера дека турскиот претседател Реџеп Таип Ердоган „ги прекршил договорите (меѓу Израел и Турција) блокирајќи го израелскиот увоз и извоз на пристаништата.
Uncategorized
Иран воведе санкции кон САД и Велика Британија поради поддршката кон Израел
Иранските власти денеска објавија дека воведуваат санкции против неколку американски и британски поединци и субјекти поради нивната поддршка на Израел во војната против палестинското движење Хамас во Појасот Газа.
Иранската дипломатија соопшти дека санкциите се однесуваат на седум Американци, меѓу кои и генералот Брајан Фентон, шеф на командата за специјални операции и вицеадмиралот Бред Купер, поранешен шеф на американските поморски сили на Блискиот Исток.
Од британските функционери и субјекти цел на санкциите се министерот за одбрана Грант Шапс и британската кралска морнарица во Црвеното Море.
Санкции беа најавени и против американските компании „Локид Мартин“ и „Шеврон“ и британските компании „Елбит системс“, „Паркер Мегит“ и „Рафаел УК“.
Иранското Министерство за надворешни работи додаде дека санкциите вклучуваат „блокирање на сметки и трансакции во иранскиот финансиски и банкарски систем, блокирање на средства под јурисдикција на Иран, како и забрана за издавање визи и влез на иранска територија“.
Влијанието на овие мерки врз поединци или субјекти, како и врз можните средства или трансакции со Иран, сепак, останува неизвесно.
Од почетокот на војната во Појасот Газа, предизвикана на 7 октомври со нападот на палестинското исламистичко движење Хамас на израелска територија, нагло се зголемија тензиите меѓу Израел од една страна и Иран и неговите сојузници, особено либанскиот Хезболах, од друга.
Ситуацијата се вжешти на 13 април, кога Иран изврши напад врз Израел, со 350 беспилотни летала и проектили, од кои повеќето беа пресретнати со помош на САД и други земји.
Иранските власти тогаш објавија дека дејствувале во „самоодбрана“ по смртоносниот напад што му се припишува на Израел врз иранскиот конзулат во Дамаск на 1 април.