Македонија
Mилион денари штета доколку се препечатува „Општество“
Штетата за препечатување на целиот спорен учебник „Општество“ би чинела околу еден милион денари, доколку за истиот се одлучи дека треба цел да се препечатува, рече Министерот за образование и наука, Никола Тодоров.
„Рецензијата е завршена, и во вечерните часови имаме договорено состанок со рецензентскиот тим каде ќе разговараме за тоа дали учебникот ќе треба да претрпи промени или ќе треба да биде повлечен,“ одговори Тодоров на новинарско прашање. Тој информираше дека од вечерашната одлука ќе зависи дали авторите на учебникот ќе добијат хонорари. Министерот кажа дека хонорарите за авторите изнесуваат околу 2.500 до 3.000 евра вкупно, а за рецензентите четири илјади денари за еден учебник. „Денеска ќе одлучиме дали ќе препечатуваме само една страница и доколку е така тогаш станува збор за мала штета, а доколку се препечатува целиот учебник тогаш станува збор за прилично поголема штета и тогаш воопшто нема ни да размислуваме за хонорарите,“ рече Тодоров и додаде дека дури и ако се препечатува цел учебник, истиот ќе стигне до учениците во септември. „Техничките можности на печатниците се исклучително големи и печатењето на еден учебник не одзема повеќе од 10 до 12 часови,“ рече Министерот и додаде дека е започната и дистрибуцијата на учебниците за прво до трето одделение и истата треба да заврши до оваа среда. Изјавите на министерот следуваат по бурните реакции во јавноста откако излезе учебникот за петто одделение „Општество“ во кој на 42. страница како значајни културни дејци од македонската култура се споменати Нора Шаќири, Ферус Мустафов, Тони Михајловски и други.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бесплатни уролошки прегледи денес во амбулантата на Специјализираната болница за геријатриска и палијативна медицина
По повод Месецот на машкото здравје – Мовембер, во амбулантата на Специјализираната болница за геријатриска и палијативна медицина „13 Ноември” – Скопје денеска со почеток во 10 часот ќе се вршат бесплатни уролошки прегледи, како и ехо прегледи на бубрези и простата.
Целта е подигнување на свесноста за значењето на навремената грижа за машкото здравје. Ова е одлична можност за навремена проверка, превенција и грижа за здравјето, информира болницата „13 Ноември” – Скопје.
Уролошки прегледи ќе врши Дарко Марковски, уролог од ГОБ „8-ми Септември“, а ехо на бубрези и простата докторките Марика Филипова и Марија Сековска – специјалисти интернисти во Специјализирана болница за геријатриска и палијативна медицина „13 Ноември“ .
Македонија
Поради сообраќајка се пренасочува сообраќајот на магистралниот пат Куманово-Крива Паланка
Сообраќајот на магистралниот пат Куманово-Крива Паланка од 9:15 часот се одвива со наизменично пропуштање на возилата, информира АМСМ.
Петходно од АМСМ соопштија дека поради случена сообраќајна незгода од 8:30 часот во целосен прекин е сообраќајот на магистралниот пат Куманово-Крива Паланка.
Македонија
Студено утро, во Маврово снег и температури под нулата
Најмногу дожд 40 литри на квадратен метар во изминатите 24 часа наврна во Демир Капија, по што следат Радовиш и Пожар со 37, Гевгелија со 35 и Штип со 28. Деветнаесет литри на квадратен метар наврнаа во Струмица, 16 во Виница, 15 во Куманово, 13 во Кавадарци и Крива Паланка, 12 во Попова Шапка, 11 во Претор, 10 во Маврови Анови и Скопје-Петровец, 8 во Берово, 7 во Лазарополе, 6 во Велес, 5 во Пожаране, 4 во Битола, Тетово, Крушево и Прилеп и по еден во Скопје – Зајчев Рид и Тополчани.
Утринава најстудено беше во Маврови Анови, Лазарополе и Пожар каде е измерена температура од -1 степен Целзиусов, во Пожаране и Крушево, 1 во Крива Паланка, 2 во Претор, Охрид, Тополчани, Куманово и Виница, 3 во Тетово, Штип, Прилеп, Берово и Скопје – Зајчев Рид, 4 во Битола, Велес, Кавадарци, Струмица, Демир Капија и Скопје-Петровец, а најтопло беше во Гевгелија каде се измерени 5 степени Целзиусови.
Времето денеска ќе биде променливо облачно со сончеви периоди. На планините и на повисоките места ќе провејува слаб снег. Ќе дува слаб до умерен ветер од северозападен правец. Максималната температура ќе биде во интервал од 5 до 11 степени Целзиусови.
И во Скопје ќе биде променливо облачно со сончеви периоди. Ќе дува умерен северен ветер. Максималната температура ќе достигне до 8 степени Цезлиусови.

