Свет
Лекарски скандал со фотографии од Хаити
Хуманитарната мисија за помош на жртвите од земјотресот на Хаити се претвори во срам и лекарски скандал, сличен на оној што го имавме околу Нова година со објавувањето фотографии на фејсбук од лекарка во чија заднина беше беспомошна пациентка во бесознание
Неколку лекари кои во Порторико им помагаат на повредените Хаиќани се фотографирале со оружје или со хируршка опрема додека се подготвуваат да ампутираат екстремитет, како пијат алкохол, но и фотографии од голи пациенти, пренесе CNN.Комисијата за етика на медицинскиот персонал на Комонвелтот по овие информации соопшти дека покренала истрага за тоа дали вклучените во скандалот ќе бидат соодветно санакционирани.Лоренцо Гонзалес, министер за здравство на Поротрико, изјавил дека ова е „тажна ситуација“, според кој погрешната процена на неколкумина нанесува голема штета на оние кои настојуваат да им помогнат на жртвите.Некои од фотографиите кои се објавени на интернет-мрежите за дружење како што е Фејсбук, ги покажуваат лекарите како се однесуваат несоодветно, а на една е прикажан и гол пациент во болнички кревет.„Никогаш не смеете да фотографирате пациент освен во случај на писмена согласност, а во никој случај не смеете да ги објавувате нивните фотографии. Ова е децидно кршење на Хипократовата заклетва. Ќе ги преземеме сите мерки кој можеме за да го исправиме ова“, изјавил др. Едуардо Ибара. Тој додал дека некои од нив веќе ги загубиле работните места, но сигурно е дека некои ќе ги загубат и кариерите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Активистите го обвинија папата Франциско дека не направил доволно за да се искорени сексуалното насилство
Папата Франциско не направи доволно за да се искорени сексуалната злоупотреба од страна на свештенството и прикривањето на овие злосторства, изјавија активисти и жртви на митингот во Рим.
Римокатоличката црква долго време се соочува со обвинувања за сексуална злоупотреба, а овој протест беше организиран пред утрешниот фестивал на Светскиот ден на детето во Ватикан, пренесува Ројтерс.
„Сакаме да ги заштитиме младите луѓе кои присуствуваат на фестивалот“, изјавија дел од организаторите.
Свет
Русите денеска 15 пати го нападнаа Харков, убиени 6 лица
Гувернерот на областа Харков во Украина, Олег Синегубов соопшти дека во напад на руската армија врз тој регион загинале шест лица, а 16 се ранети.
Руската армија употреби ракетни системи С-300 во овие напади, напиша Синегубов на платформата Телеграм како што пренесува Униан, Харков денеска бил цел на 15 пати.
Украинскиот претседател Володимир Зеленски напиша на платформата X дека руските сили го искористуваат недостатокот на украински системи за воздушна одбрана и нејзината способност да уништува ракетни фрлачи во близина на границата.
Зеленски додаде дека тоа не е слабост на Украина, туку на меѓународната заедница „која три години не се осмели да се справи со терористите на начин на кој тие заслужуваат“.
Свет
Песков: Како наследник на СССР, Русија ја задржува својата позиција за независна Палестина
Русија, како наследник на СССР, останува на ставот дека ја признава независноста на Палестина, изјави денеска портпаролот на Кремљ, Дмитриј Песков.
„Гледаме во контекст дека Палестина беше призната како независна држава уште во времето на Советскиот Сојуз. Русија, како наследник на Советскиот Сојуз, ја задржува оваа позиција“, истакна Песков, пренесува ТАСС.
До денес, Палестина е призната од девет земји-членки на ЕУ.
Осум земји – Бугарија, Кипар, Чешка, Унгарија, Малта, Полска, Романија и Словачка – го презедоа овој чекор во 1988 година, пред да влезат во ЕУ, а Шведска во 2014 година.