Македонија
Липоски:Лага е дека лани сум заработил 2,4 милиони евра
Лазо Липоски, кој извесни медиуми го посочија дека е човекот кој ги заработил двата милиони евра како провизија од трансфер на фудбалери, денес на прес конференција ги демaнтира овие информации.
Лазо Липоски, кој извесни медиуми го посочија дека е човекот кој ги заработил двата милиони евра како провизија од трансфер на фудбалери, денес на прес конференција ги демaнтира овие информации.
Според Липоски, овие информации се лажни, му нанеле огромна штета на угледот во деловниот свет пред доверителите и партнерите со кои работи, како и на неговото семејство кое претрпело огромен притисок од јавноста која ги сврте очите кон нив, јави охридскиот портал охрид1.ком.
„Тие објави се целосно не точни. Јас посредував во траснфер на фудбалер, но тоа беше оваа година, поточно во фебруари 2011, а информациите кои се објавени од УЈП се однесуваат на период од 2010 година. Целосно ги демантирам овие објави, кои се лажни, непрофесионални и дилетантски“, рече Липоски на прес- конференцијата.
Тој посочи дека штетите кои ги претрпел се огромни, пред се во бизнисот каде странските партнери и меаџери останале изненадени и почнале да гледаат на него со недоверба, а исто така угледот му се нарушил и во Струга каде некои доверители кон кои имал обврски да плаќа останале запрепастени и побарале веднаш да си наплатат.
„Моите колеги во странство со кои работиме останаа зачудени. Ако некој зел провизија од 2 милиони и 400 илјади евра во нашиот бизнис тогаш тој треба да направи трансфер врден 24 милиони евра, за да земе толку голема провизија. Тоа ги шокира менаџерите со кои работам и буквално морав да се вратам веднаш во Македонија, за да барам канали преку кои ќе ја докажам вистината дека тој човек не сум јас, бидејќи колегите почнаа да гледаат на мене како да сум ги изиграл во некој договор“, рече Липоски.
„Проблеми ми се направија и во Струга. Јас овде градам куќа. На некои луѓе и фирми треба да им платам за материјали, работна рака. . . Од една страна јас сум замолил да ме почекаат со плаќања неколку седмици, а од друга страна се објавуваат инфорамции дека сум заработил толкави пари кои реално се незамисливи за мене, па испадна и нив дека ги блефирам и лажам. Штетата која ја претрпев по мојот углед во работата е огромна и незнам како ќе ја исправам бидејќи сите сега гледаат со недоверба во мене“, вели Липоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.
Македонија
Силен СДСМ во Собранието е потребен за иднината на државата, велат социјалдемократите
Граѓаните треба масовно да излезат да гласаат на 8 мај, со својот глас да ја поддржат идејата за напредна, слободна и европска држава, да го поддржат СДСМ и Коалицијата за европска Македонија, велат од СДСМ преку соопштение.
„Силен СДСМ во Собранието е потребен заради иднината на државата, за ДПМНЕ да не го донесе повторно режимот во најава, кој толку долго прогресивните сили во државата се трудеа да го срушат.
Ако десничарска партија како ДПМНЕ на гордиот наследник на Груевски добие преголема моќ, тоа ќе ги убие ЕУ перспективите, ќе ја загрози слободата и демократијата.
Доволно долго Македонија седеше во чекалната за Европа, додека други држави поминуваа, и никој не сака пак да се вратиме таму.
ДПМНЕ ќе ја одложува евроинтеграцијата во недоглед, тие немаат ниту план ниту пак се доследни во остварувањето на стратешките цели. Тоа го правеше и Груевски, тие само ќе продолжат кај што застана тој“, се вели во соопштението.