Македонија
Средба Реџепи-Јанкулоска: Првоосомничените од ’Монструм’ немаат косовско државјанство
Двајцата првооосомничени за петкратното убиство кај Смилковското езеро од минатата година, Алил Демири и Африм Исмаиловиќ, ниту имале, ниту аплицирале за добивање косовско државјанство.
Ова во вторник вечер го истакнал министерот за внатрешни работи на Косово, Бајрам Реџепи на билатералната средба со министерката за внатрешни работи Гордана Јанкулоска на маргините од Конференција на министрите за внатрешни работи на „Брдо Процесот“, што се одржува во Брдо кај Крањ во Словенија.
Реџепи нагласил дека косовските власти ќе ги почитуваат сите меѓународни норми во ваквите случаи.
Министерот за правда, Блерим Беџети во средата го откажа учеството на настанот во Апелацискиот суд во Скопје и на негово место дојде заменик министерот за правда, Билјана Бришковска-Бошкоски.
Таа изјави дека Министерството за правда испратило барање до косовските власти за екстрадиција на двајцата обвинети и дека се очекува одговор од Косово.
Властите во Косово тврдат дека осомничените за случајот „Монструм“ немаат косовски државјанства, додека нивниот адвокат во Македонија тврди дека имаат.
Јавноста беше доведена во забуна, кога министерот за правда на Косово рече дека Косово не екстрадира свои граѓани, за потоа да се поправи и да каже дека Демири и Исмаиловиќ не се граѓани на Косово./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
100 санкционирани возачи во Скопје
Секторот за внатрешни работи Скопје во текот на вчерашниот ден продолжи со контролите во областа на сообраќајот.
„На територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење, пет санкции за некористење сигурносен појас…“, велат од МВР.
Од таму додаваат дека сообраќајните контроли продолжуваат и во наредните денови.
Македонија
„Доколку ДПМНЕ добие преголема моќ ќе се стави крај на европските перспективи, независните медиуми и независното судство“, вели СДСМ
„Потребен е силен СДСМ во Собранието, да не се дозволи повторно инсталација на режим од страна на ДПМНЕ и играње со иднината, стабилноста и безбедноста на државата“, вели СДСМ.
„Доколку десничарска партија како ДПМНЕ добие преголема моќ, извесно е дека ќе се стави крај на европските перспективи, независните медиуми и независното судство.
Тоа ќе значи враќање назад повеќе од 20 години.
Поддршка за СДСМ и обединување на сите прогресивни сили во земјата е единствениот начин да се спречи повторно режим“, соопшти СДСМ.
Македонија
Пендаровски по повод Светскиот ден на слобода на медиумите: Да имаме доблест да ја прифатиме критиката и да ја поддржиме слободата на изразувањето
Претседателот Стево Пендаровски упати порака по повод 3 Мај − Светскиот ден на слобода на медиумите.
„Слободата на медиумите е еден од темелите на демократските вредности и е од суштинско значење за демократскиот развој на македонското општество.
Квалитетните, професионални и независни новинари, коишто ја сфаќаат сериозноста и тежината на креирање на јавното мислење, можат да претставуваат силен глас на јавноста.
Затоа мора да продолжиме да вложуваме во воспоставувањето стандарди со кои медиумите ќе можат слободно и независно да работат и да се развиваат. Да градиме атмосфера во која медиумските работници ќе се чувствуваат безбедно и заштитено. Да имаме доблест да ја прифатиме критиката и да ја поддржиме слободата на изразувањето. Само така ќе имаме моќни и силни медиуми и новинари коишто ќе бидат објективни во известувањето и ќе ѝ служат на јавноста, а не на политичките елити и на изворите на финансирање. На сите медиумски работници им го честитам Светскиот ден на слобода на медиумите“, порача претседателот Пендаровски.