Свет
Француската новинарка го тужи Строс-Кан за малтретирање
Француската новинарка и писателка Тристан Банон одлучи да го тужи за малтретирање поранешниот челник на Меѓународниот монетарен фонд (ММФ) Доминик Строс-Кан, јави AFP повикувајќи се на изјава на нејзиниот адвокат Давид Кубби
„Мојот клиент поднесе тужба за обид за силување против г-дин Доминик Строс-Кан. Тужбата до обвинителот ќе ја поднесеме утре, на 5-ти јули, а обвинителството ќе ја прими во среда наутро“, изјави адвокатот Давид Кубби.Станува збор за сексуален напад врз Тристан Банон, наводно сторен од страна на Строс-Кан во 2002 година. Претходно Банон најави дека нема да го тужи поранешниот шеф на ММФ, додека против него се води процесот во САД.Кубби тврди дека одлуката за тужбата со обраќање до обвинителството и тој и Банон ја поднеле уште во средината на јуни. Адвокатот, исто така, вели оти случајот на Банон и случајот во САД против поранешниот шеф на ММФ немаат никаква поврзаност. Строс-Кан беше уапсен на 14-ти мај Њујорк по обвинување на собарката од хотелот „Софител“ на Мехетен за сексуален напад. Неколку дена по неговото апсење тој мина во затвор, а потоа Врховниот суд на Њујорк се согласи да го ослободи со кауција од милион долари и го стави во домашен притвор. Првиот ден од јули, на Строс-Кан му беше вратена кауцијата, но личните исправи со кои може да замине во странство се’ уште се запленети. Неговото наредно појавување пред судот е закажано за 18-ти јули. Обвинителството претходно изјави дека изјавата на собарката е проблематизирана, имајќи предвид дека давала лажни изјави при добивањето азил во САД, ги мамела даночните и социјалните служби, а веројатно дала и лажна изјава под заклетва во сведочењето пред големата порота во овој случај. Според Банон, Строс-Кан во 2002 година врз неа извршил сексуален напад. Тогаш нејзината мајка, со оглед на тоа што немало силување, ја одвратила од поднесување на тужбата, за да не ја наруши својата животна репутација на „вистинска девојка“. Во 2007 година, во една телевизиска емисија Банон раскажа за инцидентот со Строс-Кан. Кога се појави веста за апсењето на Строс-Кан во САД под обвинение за злосторство од сексуална природа, Банон повторно ја потсети јавноста за нејзиниот случај. Медиумите повикувајќи се на нејзиниот адвокат тогаш објавија дека таа има намера да поднесе тужба против поранешниот шеф на ММФ, но потоа нејзиниот застапник ја промени својата позиција. Кубби изјави дека Банон и Строс-Кан имаат што да си кажат еден на друг, но оти тоа ќе се случи во Франција. Тој, исто така, истакна дека Банон не сака да да биде исползувана од страна на американскиот правен систем и да помогне во тоа да ги обединет двата случаи – па таа одлучи да почека пред поднесувањето на тужбеното барање.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.
Свет
Евакуација на аеродромот во Москва поради дојава за бомба
Еден од катовите на зградата на аеродромот Внуково во Москва е евакуиран поради закана за бомба, соопшти полицијата.
„Едниот кат е евакуиран. Во тек е проверка и контрола“, се наведува во соопштението и се додава дека евакуацијата не влијаела на функционирањето на аеродромот.
Евакуиран е седмиот кат од зградата на управата на аеродромот.
Неименуван извор изјавил за агенцијата ТАСС дека евакуацијата уследила по закана за бомба.
– Се проверуваат сите простории и канцеларии – изјавил овој извор.
Свет
Хутите истрелаа три проектили на два брода во Црвеното Море: оштетен британски танкер
Американската војска објави дека јеменските бунтовници Хути лансирале три противбродски балистички ракети врз два брода во Црвеното Море, при што лесно е оштетен британски танкер за нафта.
Американската централна команда (CENCOM) преку соопштение на платформата „Х“ соопшти дека е оштетен танкерот со нафта „МВ Андромеда Стар“, како и дека проектил паднал во близина на друг брод „МВ Маиша“, но не го оштетил.
Хутите од ноември минатата година напаѓаат комерцијални бродови во Црвеното Море и Аденскиот Залив со ракети и беспилотни летала како знак на, како што велат, поддршката на палестинската милитантна група Хамас во конфликтот со Израел во Појасот Газа.