Лидерот на СДСМ, Бранко Црвенковски во петокот побара од премиерот Груевски да распише референдум за новиот урбанистички план на Скопје, затоа што тоа според него е прашање на идентитет.

Лидерот на СДСМ, Бранко Црвенковски во петокот побара од премиерот Груевски да распише референдум за новиот урбанистички план на Скопје, затоа што тоа според него е прашање на идентитет.

„Вие велите дека секогаш го слушате гласот и ја следите волјата на народот. Ве повикувам барем еднаш да останете доследни на кажаното и прашајте го народот што мисли за оваа ваша фараонска идеа? Прашајте го дали се согласува неговите пари да се трошат за реализација на овој Ваш приватен проект“, истакна Црвенковски.

Тој додаде дека народот е тој кој одлучува за идентитетот и затоа смета дека треба да се прашаат граѓаните, а нивната одлука ќе ја почитува и опозицијата и власта.

„Во ситуација на сеопшта сиромаштија и економско пропаѓање да се донесе одлука да се трошат стотици милиони евра народни пари за задоволување на лични хирови и фрустрации, на фараонски проекти и наметнување на сопствениот не вкус како нов културен, урбан и национален идентитет на еден народ и една држава не може секој. Или поточно речено не може никој освен Груевски.“, истакна Црвенковски.

Тој го прашува Груевски дали знае каде живее, дали ја познава историјата на сопствениот народ, колку болници, училишта и фабрики се кријат во таквите градби.

Црвенковски го потенцираше прашањето дали Премиерот знае колку човечки и семејни судбини со парите потрошени за скулптури можат да се променат на подобро.

„Таман помисливме дека веќе нарачаните скулптури и започнатите музеи се врв на една неодговорна расипничка, кичерајска политика, Груевски побрза да нè убеди дека тој секогаш може повеќе. Очигледно е дека контактот со било каква реалност е дефинитивно изгубен“, рече Црвенковски.крај/бд