Македонија
Илинденска затворена за сообраќај од Ленинова до Рузвелтова
Од утре 19 април до 1 јуни Илинденска ќе биде целосно затворена за сообраќај на потегот од крстосницата со Ленинова до потегот со Рузвелтова (Зоолошка градина) и сите други крстосници на овој потег, крстосницата со Наум Наумовски Борче кај фонтаната и влезот во Собранието на Град Скопје
Сообраќајот ќе биде пренасочен по преостанатата улична мрежа, првенствено по ул. „Орце Николов“ и бул. „Партизански одреди“Затвoрањето на овој потег на ул. „Илинденска“ се врши поради безбедноста на учесниците во сообраќајот, бидејќи технологијата на изградба ќе вклучува користење голема градежна механизација. Покрај тоа, градежниот зафат ќе се одвива на повеќеслојна површина и при трасирањето на новата сообраќајница ќе се изведуваат работи на поголеме длабочина и истите ќе претставуваат голем ризик за моторните возила.Се молат граѓаните да ја почитуваат поставената сообраќајна сигнализација и во наведениот временски период да ги користат за сообраќај алтернативните улици.Град Скопје на улицата Илиденска ја почна реализацијата на проектот за проширување во булевар со четири коловозни ленти, нови пешачко-велосипедски патеки, средишно зеленило од Рузвелтова до 8 Септември, нови семафори на крстосниците и ново улично осветлување. Вкупната вредност на инвестицијата изнесува 122 милона денари и целосно се финасира од Буџетот на Град Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Денеска без струја делови од Аеродром, Сопиште и Зелениково
Поради планирани прекини во електро снабдувањето денеска, без електрична енергија ќе бидат следните корисници:
– Во период од 09.00 до 15.00 часот дел од корисниците во Тоар, Ново Село, Градовци, Гумалево, Орешани, Смесница, Тисовица, Дејковци, Добрино, Пакошево. (општина Зелениково)
– Во период од 09.00 до 12.00 часот дел од корисниците од село Горно Соње (кај црквата) (општина Сопиште).
– Во период од 09.00 до 14.00 часот во Поликлиника Јане Сандански (општина Аеродром)
Македонија
Времен прекин на вода за жителите на улицата Васил Стефановски 16 во Скопје
Од ЈП Водовод и канализација – Скопје, изветсуваат дека денеска поради изведување на водоводен приклучок ф-80 мм на ул. Васил Стефановски 16, прекинато водоснабдување ќе имаат корисниците на дел од истата улица.
Водоснабдувањето ќе биде прекинато од 09:00 часот до завршување со работните активности, информираат надлежните.
Македонија
Променливо облачно време со сончеви периоди
Времето ќе биде променливо облачно со сончеви периоди. Наместа ќе има услови за слаб локален дожд. Ќе дува слаб до умерен ветер од јужен правец. Минималната температура ќе биде во интервал од 2 до 13, а максималната ќе достигне од 16 до 20 степени.
Во Скопје променливо облачно со сончеви периоди. Ќе дува слаб до умерен ветер од југоисточен правец. Минималната температура ќе се спушти до 8, а максималната ќе достигне до 20 степени.
Во деновите од викендот ќе се задржи променливо облачно и посвежо време со услови за слаб локален дожд. Потоа следува период на стабилно и тивко време со ниски утрински температури. По одделни котлини ќе има услови за појава на утринска магла.