Рускиот премиер Владимир Путин ќе го земе развојот на насилниот севернокавкаски регион под своја лична контрола, како претседател на новата наменска комисија, јавува РИА Новости

Во комисијата, исто така, ќе членуваат и претседателскиот емисар за Северен Кавказ, Александар Клопонин, претседатели на регионалните влади и министри од руската влада. Русија се бори со милитантите во регионот од почетокот на 1990-те години, а во Чеченија водеше и две крвави војни.И додека во Чеченија, која сега е под водство на некогашниот сепаратистички лидер, а сега сојузник на Москва, Ранзан Кадиров, бројот на терористички напади во последниве години значително се намали, насилства се засилија во соседните федерални републики Ингушетија и Дагестан.Комисијата треба да почне со работа утре, на 1 октомври. Целта на основањето на оваа комисија е да му се помогне на Клопонин, кој беше назначен за претседателски емисар во новооснованиот Федерален округ на Северен Кавказ во јануари годинава, да ги координира регионалните министерства, освен оние кои се одговорни за безбедноста.Шефот на рускиот Центар за политички технологии од Москва, Борис Макаренко, вели дека вмешувањето на Путин ќе помогне да се привлечат странски и домашни инвестиции во регионот.„Авторитетот на Путин и неговите гаранции до инвеститорите тука ќе играат значајна улога“, смета Макаренко.