Свет
Продолжуваат судирите околу Преах Вихaр
Силите на Тајланд и на Камбоџа и во вторникот продолжуваат со судирите на границата, со престрелка кај храмот Преах Вихaр, 150 километри источно од местото каде веќе четири дена има борби, соопшти тајландската армија. Ова е прв знак дека судирот може да се прошири и на другите подрачја.
Портпаролот на тајландската армија, Сансем Каевкамнерд, изјави дека двете страни во судирот користат ракети со краток дострел и автоматски пушки. Борбите се водат околу хиндуистичкиот храм кој потекнува од 12-от век.По судирите во февруари, беше воспоставено примирје меѓу двете страни, кој траеше до неодамна. Двете страни меѓусебно се обвинуваат за предизвикување на новите судири. Во неделата Генералниот секретар на Обединетите нации, Бан Ки-Мун, ги повика двете земји на примирје, предупредувајќи дека граничниот спор не може да се реши со воени средства и дека еден пат до мирот е сериозен дијалог. Ки-Мун апелираше до двете страни максимално да се воздржуваат и итно да преземат мерки за прогласување примирје. Судрите, во кои од петокот загинаа 11 војници на двете страни, продолжи и изутринава западно од храмот Преах Вихар, додека локалното население масовно се евакуира од регионот. По судирите во февруари беше воспоставено примирје кое траеше сѐ до петокот. И двете страни меѓусебно се обвинуваат за предизвикување на новите судири.Во февруари годинава судирот меѓу единиците на армиите на двете земји траеја четири дена и во нив имаше повеќе од десет загинати и ранети. Тензиите околу подрачјето во областа во којашто се наоѓа древниот будистички храм Преах Вихар траат повеќе десетина години. И двете земји тврдат дека полагаат право на древниот храм кој Меѓународниот суд на правдата во 1962 г. и4 го додели на Камбоџа.. Пред три години Преах Вихар беше ставен на списокот на светско културно наследство на УНЕСКО што предизвика одушевување во Камбоџа и бес во Тајланд.Покрај тоа, дополнителни проблеми предизвикува и фактот што неколку зони долж границата меѓу Тајланд и Камбоџа не се разграничени, што ги поттикнува оспорувањата меѓу двата соседа како и честите оружени инциденти во кои и во периодот меѓу 2008 и 2009 г. имаше повеќе загинати и ранети.Чести се престрелките меѓу војските на Тајланд и Камбоџа во регионот каде се протега спорната границата, но досега стануваше збор за краткотрајни пррестрелки без жртви. Тие обично беа надминувани со лична средби на командантите на воените единици кои размениле оган.Во моментов, сепак, односите меѓу Тајланд и Камбоџа се мошне напнати. Територијалниот спор околу земјиштето на кое се наоѓа древниот храм Преа Вихеар (Пхра Вихран) кој е на списокот на светско културно и историско наследство на УНЕСКО, ги доведе двете царства на работ од војна.Во последните неколку седмици, и од двете страни на границата трупаат армиски сили, вклучувајќи и оклопни единици.Според аналитичарите, конфликтот кој се активира а потоа згаснува во текот на изминатите 50 години се јавува поради внатрешните политички проблеми на Тајланд. Во пресрет на општите избори што ќе се одржат во 2011 г,, тајландските националисти нагло ги зголемија активностите со нивните радикални говори и улични протести, барајќи „чистење на окупираните тајландски територии“ од камбоџанските војници и доселеници.Во моментов односите меѓу Тајланд и Камбоџа се многи тензични. Територијалниот спор околу земјиштето на кое се наоѓа древниот хинду храм Преах Вихеар или Пхра Вихран, кој е на листата на УНЕСКО на светското културно и историско наследство ги доведе двете земји кои по уредување се царства, на работ од војна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Шолц: Мирот на Балканот не е нешто што се зема здраво за готово
Германија интензивно се залага за прием на земјите од Западен Балкан во Европската Унија бидејќи членството одамна е ветувано, изјави германскиот канцелар Олаф Шолц на средбата со Денис Беќировиќ, член на Претседателството на БиХ, пишува „Дојче веле“.
Германскиот канцелар потоа потсети дека членството во Европската Унија, пред сѐ, зависи од условите што земјата членка мора да ги исполни на патот кон таа цел. Можеби тоа беше мал одговор на сите оние од Западен Балкан што се чувствуваа заобиколени откако на крајот на минатата година им беше отворен патот на преговорите на Украина и Молдавија по скратена постапка. Сега Шолц уште еднаш јасно стави до знаење дека патот е долг, а за некои многу, многу долг.
Тој се осврна и на безбедносната ситуација во регионот и рече дека мирот на Западен Балкан „не е нешто што се зема здраво за готово“.
„Босна и Херцеговина игра важна улога овде и ќе се спротивставиме на секој обид за загрозување на територијалниот интегритет и суверенитет на Босна и Херцеговина“, рече Шолц и нагласи дека затоа Германија ќе истрае да учествува во воените мисии „Еуфор“ и „Алтеа“.
Свет
Популарноста на Америка опаѓа во светот, а на Русија и на Кина расте, покажува истражување
Популарноста на Америка како глобална сила опаѓа ширум светот, особено во земјите со мнозинско муслиманско население, додека на Русија и Кина расте, според Индексот за перцепција на демократијата за 2024 година.
Анализирајќи околу 63.000 испитаници од 53 земји, индексот ги сумира ставовите кон демократијата, геополитиката и играчите на глобалната моќ.
Политико известува дека меѓународната репутација на Америка е нападната од почетокот на 2023 година, особено во муслиманските земји каде што непоколебливата поддршка на Вашингтон за Израел во неговата војна во Газа се покажа како интензивно раздор.
Сега кон трендот се приклучува и Европа, тврди политичкиот магазин.
„За прв пат од почетокот на мандатот на администрацијата на Бајден, многу западноевропски земји се вратија на нето негативната перцепција за САД. Овој пораст и пад, од негативни ставови кон позитивни [и] назад кон негативни ставови, е особено изразен во Германија, Австрија, Ирска, Белгија и Швајцарија“, рече Фредерик ДеВо, постар истражувач за истражувачката компанија Латана, која го состави индексот.
Во меѓувреме, позитивните перцепции за Кина во Азија, Северна Африка, Блискиот Исток и Латинска Америка продолжуваат да растат, доведувајќи ја глобалната перцепција на Пекинг до нето позитивна, и покрај континуираниот европски скептицизам.
Свет
Одложено судењето на Трамп за тајните документи, датум за продолжување не е утврден
Федералниот суд во Флорида го одложи, без да одреди датум за продолжување, почетокот на судскиот процес против поранешниот американски претседател Доналд Трамп поради несовесно постапување со документи класифицирани како тајни.
Тоа е едно од четирите процеси што се водат против Трамп, а требаше да започне на 20 мај, но федералниот суд оцени дека тој рок е неодржлив поради бројните претходни претставки поднесени до судот.
Ајлин Кенон, судијката назначена од поранешниот претседател, не одреди нов датум.
На републиканскиот претседателски кандидат во моментов му се суди во Њујорк за сомнителни исплати пред претседателските избори во 2016 година.
Во судскиот процес против него во Флорида, Трамп е обвинет, заедно со двајца лични секретари, дека однеле доверливи документи во приватна резиденција во Мар-а-Лаго по напуштањето на Белата куќа во јануари 2021 година.
Според обвинението, Трамп со чувањето на овие документи ја загрозил националната безбедност. Меѓу нив имало и воени планови како и информации за нуклеарно оружје, кои во согласност со законот требало да ги врати во Националниот архив.
Тој беше обвинет и за обид за уништување докази. Најсериозните обвиненија може да му донесат затворска казна од десет години.
Неговите адвокати направија се за да се одложи судењето.