Македонија
Берзански извештај за сабота
Дополнителен трговски ден на македонската берза во саботата не изобилуваше со трансакции односно беше остварен промет од 3.542.805,46 денари.
Дополнителен трговски ден на македонската берза во саботата не изобилуваше со трансакции односно беше остварен промет од 3.542.805,46 денари.
МБИ10 оствари незначително намалување од 0,15% при вредност од 3.215,17 индексни поени и го продолжи опаѓачкиот тренд кој трае веќе три дена.
МБИД исто така го продолжи опаѓачкиот тренд со намалување од 1,47% при вредност од 3.274,49 индексни поени. ОМБ остана на истото ниво од 106,43 индексни поени. На официјалниот пазар прометот изнесуваше 2.784.303,46 денари при реализирани 36 трансакции, додека редовниот пазар оствари промет од 758.502,00 денари при реализирани 16 трансакции.. Тргувањето со државните обврзници изнесуваше 920.058,46 денари. Државната обврзница за денационализација од осмата емисија имаше најголем промет од целата берза, а изнесуваше 950.058,46 денари. Просечната цена од 80% беше без промена. Истргувана беше количина од 18.800 обврзници која се реализира преку 2 трансакции. Втора по ликвидност од официјалниот пазар беше Алкалоид Скопје со промет од 370.000,00 денари. Просечната цена од 5.441,18 денари значеше намалување од 0,71%. Истргувана беше количина од 68 акција. Со акцијата на Комерцијална Банка Скопје беше остварен промет од 357.400,00 денари. Со просечната цена од 3.249,09 денари значеше незначителен пад од 0,03%. Истргувани беа 110 акции. Од редовниот пазар најтргувана беше Лозар – Пелистерка Скопје со промет од 183.000,00 денари. Просечната цена изнесуваше 3.000,00 денари и беше без дневна промена. Истргувани беа 61 акции преку 3 трансакции. Втора по ликвидност од редовниот пазар беше ФЗЦ 11 Октомври Куманово со промет од 182.000,00 денари. Просечната цена од 1.300,00 денари забележа пораст од 0,35%. Истргувани беа 140 акции. Пет најтргувани хартии од вредност1. Р.Македонија – Денационализација 082. Алкалоид Скопје3. Комерцијална Банка Скопје4. Гранит Скопје5. Стопанска Банка Битола Хартии од вредност со најголем пораст 1. Арцелормиттал (ХРМ) Скопје 2,86% 2. Фершпед Скопје 1,26%3. Гранит Скопје 0,71%4. Макпетрол Скопје 0,70%5. ФЗЦ 11 Октомври Куманово 0,35%Хартии од вредност со најголем пад1. Попова Кула Демир Капија 10,00%2. Прилепска Пиварница Прилеп 9,30%3. Топлификација Скопје 1,72%4. Алкалоид Скопје 0,71%5. УНИ Банка Скопје 0,33%
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВЛЕН: Осуда за провокациите кои го отежнуваат динамизирањето на патот на Северна Македонија кон ЕУ
ВЛЕН изразува загриженост и ги осудува изјавите на „некој маргинален проруски политичар во Бугарија“ кој тврди дека „нема ништо пологично од припојување на Македонија кон Бугарија“.
„Ваквите изјави не придонесуваат кон подобрување на односите меѓу двете соседни земји, ниту пак го олеснуваат процесот за интеграција на Северна Македонија во Европската Унија. Сакаме да потсетиме дека Бугарија, со Договорот за добрососедство, се обврза да биде партнер, промотор и поддржувач на Северна Македонија на патот кон членство во Европската Унија.
Коалицијата ВЛЕН во рамки на Владата вложува сериозни напори за отстранување на пречките за исполнување на условите за полноправно членство во ЕУ. Но, ваквите провокации го враќаат процесот назад и прават штета на искрените напори за динамизирање на патот на Северна Македонија кон целосна интеграција во европското семејство. ВЛЕН ќе продолжи да работи на заштита на интересите на граѓаните на Северна Македонија и на обезбедување сигурен пат кон европските интеграции“, се вели во соопштението на ВЛЕН.
Македонија
Ако СДС сака да стане сериозен општествен фактор, да им се извини на граѓаните што му дозволи на Груби да ја краде Македонија, вели ВМРО-ДПМНЕ
„СДС се тие кои дозволија Артан Груби да прави што сака и да ја краде државата. Артан Груби со друга владина структура не би можел така да се однесува. Но, бидејќи СДС беа гладни за власт и сакаат да останат во владините фотелји што подолго и по секоја цена, му дозволија на Груби да краде од Државна лотарија и од други институции, да игра фудбал по државни институции и да покажува ароганција на највисоко ниво“, велат од ВМРО-ДПМНЕ.
„СДС со сигурност од прв ден знаеле што прави Груби. Затоа што не е можно да не знаеле а заедно, седум години, да ја водат владата, која впрочем, поради ДУИ и опстојувала.
Ако целта не им беше само гола власт и ако барем малку се грижеа за државата и граѓаните, СДС ќе го спречеа криминалното делување на Груби и истиот ќе го изведеа пред лицето на правдата. Но, очигледно, наместо државните интереси, на СДС на прво место им бил интересот да останат на власт.
И сега во опозиција СДС мудро молчи по однос на бегалецот од правдата, Груби. Ниту се оградуваат од него, ниту го повикуваат да се врати во Македонија за да се соочи со правдата. Нема ниту извинување до македонските граѓани затоа што го створија и го толерираа Артан Груби.
Од Груби се откажаа и самите ДУИ, како и Тетовскиот Универзитет кој што му даде отказ од работното место, но СДС од него никако не се откажува.
Доколку СДС како партија сака да стане сериозен општествен чинител во Македонија, треба да им се извини на македонските граѓани затоа што го толерирале Артан Груби и затоа што против него не покренаа никаква постапка пред правосудните органи. После тоа да ги повикаат и сите нивни функционери кои тоа го овозможиле.
Во спротивно ќе продолжат да тонат на македонската политичка сцена и наместо со политичките партии, по рејтинг да се споредуваат со невладини организации“, се наведува во соопштението на ВМРО-ДПМНЕ.
Македонија
„Јавноста е сведок дека има обиди да се забошоти последниот случај со смртта на седуммесечното бебе; кого штити Таравари?“, прашува СДСМ
„Состојбите во здравството се влошуваат од ден на ден. Алармантно расте бројот на смртните случаи, 20 бебиња почнаа во изминатите 7 месеци, се влошуваат услугите за граѓаните. Мора да има одговорност за она што се случува, мора да има одговорност за починатите бебиња“, велат од СДСМ.
„Јавноста е сведок дека има обиди да се заташка последниот случај со смртта на седуммесечно бебе на Клиниката за детски болести, кое било одбиено за хоспитализација, без да се издаде никакво образложение за причините.
Зошто бебето не било примено? Зошто немало специјалист кога го донеле бебето во болница? Кој е одговорен за ова?
Клучното прашање е кого штити Таравари? Себе си? Неговиот кадар Мемеди? Ова е недозволиво.
Министре за здравство Таравари, се работи за деца, ова се трагични бројки, заедно со директорот на Клиниката за детски болести Мемеди, треба излезете и да си поднесете оставки.
Болниците кубурат со основни медицински материјали, листите за чекање се огромни, а новопоставените директори ги заплашуваат здравствените работници за да не зборуваат јавно за проблемите во здравството.
Катастрофата во здравството не може да се крие. Одговорност мора да има!“, бара СДСМ.