Македонија
Му украл пиштол на полицаец и го натепал
Момче успеало да му го украде службениот пиштол на невнимателен локален полицаец, во угостителски објект во Струмица, соопшти денеска МВР
Момче успеало да му го украде службениот пиштол на невнимателен локален полицаец, во угостителски објект во Струмица, соопшти денеска МВР.
До инцидентот дошло кога Ѓ.Ч (25), успеал од футролата на каишот да го одзеде службениот пиштол на полицискиот службеник, кој во моментот додека седел во објектот бил свртен со грб.
Откако го украл пиштолот Ѓ.Ч. со трчање го напуштил објектот. Оштетениот полицаец кој во моментот не бил на службена должност, успеал да го стигне момчето, кое пак му задало удар со лакт во пределот на градите и главата и повторно успеало да избега.
Кога стигнал во куќата во која престојува, Ѓ.Ч. пиштолот го скрил во пластична кофа во дворното место, кој подоцна е пронајден и со потврда за привремено одземени предмети е одземен.
По наредба на Дежурен Јавен обвинител, Ѓ.Ч. е задржан во СВР-Струмица и по целосно расчистување на настанот против него ќе биде поднесена соодветна пријава. /крај/со/мс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.