Македонија
Талер: Ако нема датум за преговори, ќе дојде до разочарување
„Јас лично повеќепати го кажувам тоа, кога ќе почнат преговорите Македонија ќе биде многу посилна. Ние знаеме дека тука има и некои моменти кои треба да се решат, меѓутоа до декември има време, па се надеваме дека ќе се најде некој практичен договор“, рече денеска Талер
„Датумот за преговори ќе значи многу за обичните граѓани на Република Македонија затоа што со тоа се приближуваат до Европа. Македонија напредуваше со препораката од ЕК, а сега треба да се направи напор и да се напредува во декември. Ако тоа не се случи, тогаш знаеме, ќе дојде до разочарување, до пад и ќе биде многу потешко повторно да се дојде до истото ниво“, истакна Зоран Талер,известувачот на Европскиот парламент за Македонија по средбата во Валадата со вицепремиерите Зоран Ставрески и Васко Наумовски. Тој додаде дека Европскиот парламент во ноември ќе биде активен и се надева дека пораката ќе биде Македонија да почне преговори за полноправно членство и што поскоро да постане полноправна членка.Во врска со решавањето на спорот со името Талер, како што рече од лично искуство, знае дека за такви проблеми најмногу помага директна комуникација и да се види дали има нови моменти кои можат да дојдат до компромис. Тој додаде дека понекогаш помага тоа колку времето е пократко, затоа што како што потенцираше, толку е полесно да се најде решение.Талер вели дека не дојден тука да дава препораки, туку дека неговата порака е генерална и позитивна. „Ние ќе правиме се, што се однесува до Европскиот парламент, тоа прашање што поскоро да се реши“, истакна Талер.Во врска со вчерашното интервју на А1 телевизија во кое рече дека доколку не се одреди датум за преговори ќе дојде до разочарување и негативците ќе се огласат, тој вели дека не мислел на македонските политичари, туку општо, дека постојат политичари кои растат од проблемите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.
Македонија
Остануваат уште 9 дена изборна кампања: партиските агенди и денеска набиени
Уште 9 дена изборна кампања. И денеска лидерите на партиите, заедно со носителите на листи, како и кандидатите за претседател, ќе ги презентираат своите изборни програми.
Кандидатот за претседател поддржан од СДСМ, Стево Пендаровски, денеска ќе оствари средба со жителите на село Велебрдо и со жителите на општина Маврово.
Гордана Силјановска Давкова, исто така, ќе има средби со граѓани, додека коалицијата што ја поддржува предводена од ВМРО-ДПМНЕ ќе ја презентира програмата за парламентарните избори пред граѓаните во Могила, Ресен, Демир Хисар и Битола.
Претседателот на Движењето ЗНАМ – За наша Македонија, Максим Димитриевски, ќе оствари средби со граѓаните на Крушево, Кичево, Струга и Охрид.
Во Штип на народен собир ќе се обрати претседателот на Левица, Димитар Апасиев.
Првиот човек на ДУИ, Али Ахмети, ќе се сретне со граѓаните на Струга и Дебар, а претседателот на Демократското движење, Изет Меџити, дел од Коалицијата „Вреди“ во рамките на изборните активности ќе даде изјава за медиумите во 12 часот во близина на „Веро“ во Чаир.
Македонија
Основците и средношколците од утре на пролетен распуст
Од утре до 6 мај, учениците од основните и средните училишта ќе бидат на пролетен распуст.
Пролетниот распуст е воведен првпат во оваа учебна година, па затоа има промена и во календарот за настава.
Па така, учебната 2023/2024 година за основците ќе заврши на 17 јуни, а за средношколците, како и во минатите години – на 10 јуни.
Училиштата нема да работат на 8 мај (среда) кога ќе се одржуваат вториот круг од Претседателските избори и Парламентарните избори 2024.
Ден претходно, односно на 7 мај, вторник, во училиштата каде што ќе се организира гласањето, ќе имаат скратени часови и работно време до 11 часот.
Неработните денови поради изборите ќе бидат одработени во работни денови со подолг престој на учениците во училиштата за да се реализираат дополнителни часови.
Учениците во Скопје треба да надоместат и за пропуштената наставата на 30 ноември лани кога во главниот град беше организиран Советот на министри на ОБСЕ.
За планирањето и организирањето на дополнителните часови, Министерството за образование и наука ги задолжи директорите на училиштата.