Македонија
Грчката заедница во САД контра Попоски

ПЈРМ, а не Грција, е ирационалната страна во спорот со името, обвинува грчката заедница во САД, реагирајќи на изјавата на шефот на дипломатијата Никола Попоски дадена за Вашингтон Тајмс (Washington Times) на 7-ми февруари.
ПЈРМ, а не Грција, е ирационалната страна во спорот со името, обвинува грчката заедница во САД, реагирајќи на изјавата на шефот на дипломатијата Никола Попоски дадена за Вашингтон Тајмс (Washington Times) на 7-ми февруари.
Во реакцијата упатена од Американскиот Хеленски институт до весникот, се вели дека е „апсурдно“ Македонија, како земја основана во 1991 година да ја „узурпира 2.500 години старата хеленска историја“.
Од организацијата наведуваат и листа на потези, што според нив, ја докажувала ирационалноста на Македонија.
„На пример: аеродромот во Скопје е преименуван во ‘Александар Велики’, автопатот е именуван како ‘Александар Велики’, главниот стадион во Скопје е преименуван според ‘Филип Втори Македонски’, во официјалните географски карти во својата територија ја вклучува и грчката провинција Македонија и половина од грчкиот полуостров, ПЈРМ подигна бројни дупликати на антички македонско-хеленистички личности и ги преименуваше улиците и плоштадите на различни места, додека во септември 2011 година беше подигната статуа на Александар Велики во центарот на Скопје, висока 20 метри и вредна 5 милиони долари“, се вели во реакцијата објавена во „Вашингтон Тајмс“.
Од организацијата наведуваат дека Грција се залага за „сложено име за земјата“, кое ќе прави разлика меѓи грчкиот и бугарскиот дел на Македонија.
„Обидот на Министерот за надворешни работи Попоски да ја претстави позицијата на Грција како неразумна преку изедначувањето со евентуално противење на Канада и Мексико на името на Соединетите Американски Држави бидејќи го вклучува зборот ‘Америка’ пропадна. Името на нашата земја е ‘Соединети Американски Држави’, а не ‘Америка’“, се вели во писмото потпишано од претседателот на организацијата Ник Ларигакис. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) ВМРО-ДПМНЕ ги објави имињата на уште осум кандидати за градоначалници

Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори.
ВМРО-ДПМНЕ донесе одлука да му предложи на Централниот комитет.
1. Македонски Брод – Жарко Ристески.
2. Могила – Драганчо Саботковски
3. Пробиштип – Тони Тоневски
4.Богданци – Марјан Пеев
5. Демир Капија – Наталија Димитриева
6. Росоман – Ѓорги Крстевски
7. Новаци – Стевче Стевановски
8. Дебарца – Златко Силјановски
Пратеникот Антонијо Милошоски по состанокот изјави дека овие 8 кандидати за градоначалници се одговорни, исполнителни личности кои што својата активност ја докажале не само во рамките на коалицијата на ВМРО-ДПМНЕ туку имаат углед и во самите општини. Ним ќе им биде препорачано во следниот период, да си отворат што поголема комуникација со локалните граѓани во општините за да може да поработат директно на терен за составување на програмата која што е потребна за локални избори.
Централниот штаб ќе биде на располагање заедно со еден тим кој што ќе биде формиран за локалните избори, да им помогне за одредени проекти, кој што се од поголемо капитално значење за Македонски брод, Могила, Новаци, Пробиштип, Богданци, Демир Капија, Росоман и Дебарца.
„Цениме дека со овие 8 вечерва објавени кандидати за градоначалници и претходните 25, ВМРО-ДПМНЕ со самодоверба чекори кон локалните избори бидејќи сме единствената партија која што во моментов има обзнането имиња на 33 кандидати за градоначалници за кои што сметаме дека се на добар пат и да ја добијат довербата на граѓаните“, рече Милошоски.
За оние кои што се актуелни градоначалници, партијата смета дека дека со досегашната работа, ќе имаат добар кредит да ја добијат и понатамошната доверба.
Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.
Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.