Свет
Парното во декември ќе поскапи за 30 отсто
“Топлификација” нема да се жали на одлуката на Регулаторната комисија за енергетика дека нема причина за поскапување на парното, но во декември ќе побара повисока цена.
“ТОПЛИФИКАЦИЈА” И ОДГОВАРА НА КОМИСИЈАТА ЗА ЕНЕРГЕТИКА
“Топлификација” нема да се жали на одлуката на Регулаторната комисија за енергетика дека нема причина за поскапување на парното, но во декември ќе побара повисока цена. Директорот на компанијата, Димитар Хаџи-Мишев, вчера истакна дека парното греење мора да поскапи бидејќи цената на мазутот во однос на ланската сезона е повисока за 40 отсто.
– Мазутот учествува со 65 отсто во производната цена на топлинската енергија. Ова значи дека парното сега треба да поскапи најмалку 26 отсто. Со барањето за повисока цена од 12 отсто се обидовме да го намалиме ударот врз буџетот на граѓаните – рече Хаџи-Мишев. Според него, Комисијата, формално гледано, со право го отфрлила нивното барање бидејќи “Топлификација” досега не купила мазут, а според утврдената методологија, цената се пресметува врз основа на платено гориво во последните три месеци.
– Затоа веќе во декември ќе побараме ново зголемување на цената врз основа на фактури за платен мазут. Секако ќе го искористиме правото што ни го дава методологијата во барањето да ги кумулираме сите поголеми трошоци, што ќе предизвика многу повисок еднократен процент на поскапување на парното греење – објасни Хаџи-Мишев.
Тој не сакаше да каже колкав ќе биде тој процент, иако според упатените, декемвриското поскапување нема да биде помало од 30 отсто.
Во “Топлификација” вчера ги отфрлија обвинувањата дека граѓаните во Македонија плаќаат скапо парно поради монополската положба на компанијата. Меѓу аргументите што ги наведоа, истакнаа и дека во последните 12 години компанијата само три пати ја зголемила цената на парното за вкупно 25 проценти, додека мазутот во истиот период поскапел повеќе од двојно. “Топлификација” не ги прифаќа ниту обвинувањата од Сојузот на стопански комори, според кои, во Скопје парното е поскапо од сите градови во бившата СФРЈ.
– Тоа се неточни и произволни констатации. Во Љубљана е поскапо иако тамошната топлана работи на јаглен, кој е тројно поевтин од мазутот. Во Загреб топлинската енергија е поевтина за помалку од еден отсто, но и таму како погонско гориво се користи јагленот, а во Нови Сад и во Белград е поскапа, иако и таму топланите користат јаглен и тоа домашен – објаснуваат во компанијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израелска армија: Убиени околу десет високи команданти на Хезболах
Портпаролот на израелската армија, контраадмирал Даниел Хагари, изјави дека заедно со Ибрахим Акил, во денешниот израелски воздушен напад врз јужен Бејрут биле убиени околу десет високи команданти на либански Хезболах.
Хагари на прес-конференција рече дека Акил и другите членови на елитната единица Радван на Хезболах се собрале во подрумот на една зграда кога биле мета и убиени.
Весникот „Тајмс оф Израел“ наведува дека Хагари рекол дека тоа биле „командантите кои го подготвиле и го воделе планот на терористичката организација Хезболах за напад на северната територија на државата Израел.
Портпаролот на израелската војска тврди дека како дел од таа инвазија, Хезболах планирал упад на израелска територија сличен на нападот на Хамас од Газа на јужна израелска територија на 7 октомври минатата година. Тогаш започна војната меѓу Израел и таа палестинска исламистичка организација.
Во меѓувреме, израелскиот министер за одбрана Јоав Галант на платформата X објави дека ќе продолжи „секвенцата на акции во новата фаза“ од конфликтот со Хезболах додека не се постигне целта за безбедно враќање на Израелците раселени поради прекуграничниот конфликт во нивните домови.
Свет
Трамп: Ако загубам во ноември, Евреите ќе изгубат многу
Поранешниот американски претседател и републикански кандидат на претстојните претседателски избори, Доналд Трамп, на настан во Вашингтон, чија цел е борба против антисемитизмот, изјави дека ако загуби во ноември, „Евреите ќе изгубат многу“.
„Нема смисла“, рече Трамп за Евреите кои гласаа за потпретседателката на САД и демократска кандидатка Камала Харис, објави Политико.
Трамп рече дека секој Евреин што гласа за неа треба да ја прегледа главата.
Регион
(Видео) Maж падна од опасна карпа на Паг и почина, спасена алпинистка
При искачување на опасна карпа на Паг, еден маж почина, а една жена беше спасена во голема операција на хрватската служба за спасување.
„Добивме пријава во 13 часот и 32 минути дека две лица наводно се качувале на карпа кај Метајна. Едното лице паднало и починало. Другото е на карпата. Засега не може да им се пристапи од копно“, рекоа од полицијата.
Покрај полицијата, на местото на настанот има и други служби за итна помош – брза помош, пожарникари.
Малку по 17:00 часот од карпите е спасена жена, откако спасувачите со чамци се приближиле до карпата од морската страна.