Македонија
Бабановски: Не постои соработничко досие за Ивановски
Иван Бабановски, поранешен оперативен работник во Управата за државна безбедност, тврди дека за досегашниот претседател на Уставниот суд, Трендафил Ивановски, не постои досие за соработка со тајните служби.
Тврди дека за Ивановски во времето кога бил ученик во гимназијата во Струмица се водело лично досие поради неговите заложби за обединување на Македонија, што во тоа време се сметало како непријателска дејност.
„Од материјалите што се понудени пред комисијата за лустрација, апсолутно се работи за замена на тези. Се располага и врз основа на тие материјали се одлучувало така како што се одлучувало. Се располага со лично досие кое било секогаш од службите формирано врз основа на сознанија за одредена непријателска дејност на одредена личност или групација. Во целото досие на господинот Трендафил Ивановски не постои ниту еден елемент кој ќе докаже дека бил соработник на службата за државна безбедност, бидејќи не постои неговото соработничко досие“, вели Бабановски.
Тој денеска пред Управниот суд, каде Ивановски покрена тужба против решението на Комисијата за верификација на фактите за негова наводна соработничка активност со тајните служби, се појави во улога на стручен помагач. Бабановски ја образложуваше целокупната постапка за формирање на едно досие, било да се работи за лично, соработничко или пак досие за предмет. Тој објасни дека извештаите на соработникот во тоа време најчесто се доставувале писмено на конспиративни состаноци, а за неговата активност било можно соработникот да пари како награда за сработеното или како средства за покривање на оперативните трошоци. Според Бабановски, соработката со службата можела да помогне при вработување.
Ивановски, откако Комисијата за верификација на фактите донесе одлука дека тој бил соработник на тајните служби, почна постапка пред Управниот суд. Тој тврди дека неговото досие било досие на жртва, а не соработник на тајните служби. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.