Свет
Верушевски го искористи правниот вакуум и си го испрати синчето во Игало
Нејаснотиите за тоа кој имал право да му дозволи на Александар Верушевски, да се лекува во странство при пресуда од една година затвор и вчера правниците не можеа да ги разјаснат.
Нејаснотиите за тоа кој имал право да му дозволи на Александар Верушевски, да се лекува во странство при пресуда од една година затвор и вчера правниците не можеа да ги разјаснат.
Проблематичниот син на разузнавачот Зоран Верушевски, минатата недела, најверојатно со татко му заминал за Игало, Црна Гора во Институтот за физијатрија и ревматологија „Д-р Симо Милошевиќ“. Тука, Верушевски помладиот, официјално ја лечи едната нога во која бил застрелан при бандитската пресметка во скопската населба Тафталиџе.
Од МВР велат дека тие едноставно постапуваат по наредба на судот.
– Ние добивме наредба од Основниот суд Скопје 2 да ја издадеме таа привремена патна исправа за тој да се лечи во Црна Гора. Од судот во Струга не сме добиле никаква наредба. Пасошот на Верушевски е кај нас, го добивме од Основниот суд Скопје 2, кога таму завршила постапката против него како малолетник – вели Горан Павловски, портпарол на МВР.
Ова за „Време“ и вчера го потврди Бојан Ефтимов, претседателот на скопскиот суд.
– Постапката против него кај нас заврши. Како малолетник тој беше осуден на засилен надзор од социјален орган и психијатриско лекување од слобода. Пресудата стана правосилна во февруари годинава. По правосилноста, неговиот пасош го вративме во МВР – вели Ефтимов.
Меѓутоа, во струшкиот суд, ,ладиот Верушевски на 7 октомври беше осуден на една година затвор поради изнуда. Оваа пресуда се уште не е правосилна, но овој суд нема никаква информација за патувањето на Верушевски.
– Ние како суд не сме донеле мерка да му се одземе пасошот, ниту пак, да му се издаде некаков привремен пасош. Бидејќи му беше определена мерка притвор, не постоеше можноста да избега, па затоа не е барано да му се одземе пасошот. Скопскиот суд водел постапка против него, па најверојатно од таму ја црпи надлежноста да издаде таква наредба до МВР – вели Никола Спасевски, претседател на струшкиот суд.
Според Ѓорѓи Марјановиќ, пензиониран професор од Правниот факултет, нема колизија на двата суда.
– Знам, изгледа нелогично, но тука законот не е прекршен. Тоа е во нашата правна држава – коментираше Марјановиќ.
„Време“ вчера не доби образложение од лекарите што побарале Верушевски да се лекува во Игало. Тој бил опериран од хирурзите Александар Јосифовски и Борче Антевски. Тој ни рече дека не смее да дава изјави без дозвола на директорот на неговата клиника. Горан Кондов, пак, директорот на торакално, не упати на д-р Андреа Јосифовски, директорот на Клиничкиот центар. И тој вчера цел ден бил зафатен по состаноци.
Во судот не знаат колку време ќе се лечи Верушевски во Црна Гора.
Според Законот за кривична постапка, ако пресудата од една година затвор од моментот кога ќе стане правосилна, осуденикот не ја издржи во наредните четири години, тогаш воопшто нема да ја издржува. Со други зборови, посочуваат правни експерти, Верушевски може да се лечи четири години во Игало и потоа да се врати во Македонија „чист“. Поради застареност на пресудата, во тој случај, Верушевски не би ја издржал едногодишната затворска казна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Трамп вели дека Америка треба да се повлече од војната во Украина
Републиканскиот претседателски кандидат, Доналд Трамп, изјави дека САД треба да се повлечат од војната во Украина и дека демократската потпретседателка, Камала Харис и претседателот Џо Бајден немаат намера да го сторат тоа.
„Бајден и Камала не’ воведоа во војната во Украина и сега не можат да не’ извлечат. Не можат да не’ извлечат“, рече Трамп во својот говор во Џорџија.
САД немаат војска во Украина, но обезбедија воена и хуманитарна помош вредна милијарди долари.
„Мислам дека сме заглавени во таа војна, освен ако не станам претседател. Ќе ја прекинам. Ќе преговарам и ќе излеземе. Мораме да излеземе“, рече Трамп.
Свет
Зеленски: Војната со Русија е поблиску до крајот отколку што мислат луѓето
Претседателот на Украина, Володимир Зеленски, денеска изјави дека војната со Русија е поблиску до крајот отколку што се мисли.
„Мислам дека сме поблиску до мир отколку што мислиме. Само треба да бидеме многу силни“, изјави Зеленски за ABC News.
Тој додаде дека победничкиот план што ќе му го претстави на американскиот претседател Џо Бајден оваа недела ќе бара од сојузниците да „помогнат за зајакнување“ на украинската армија.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.