Свет
Над 100 килограми марихуана скриена во џип
Дрогата со потекло од Албанија е откриена во близина на гаражата на ЈСП , во џип "мерцедес" со косовски регистарски таблички управуван од Х.Е. (24) од Пеќ, а во него бил и Ѓ.Б. (35) од Кукс, Албанија
ПОЛИЦИЈАТА ПРЕСЕЧЕ НАРКОКАНАЛ ВО АКЦИЈА ВО СКОПСКАТА НАСЕЛБАТА АВТОКОМАНДА
Дрогата со потекло од Албанија е откриена во близина на гаражата на ЈСП , во џип "мерцедес" со косовски регистарски таблички управуван од Х.Е. (24) од Пеќ, а во него бил и Ѓ.Б. (35) од Кукс, Албанија
Скопската полиција, завчера, запленила сто килограми и 470 грама опојна дрога марихуана. Во акцијата, како што соопшти МВР бил пресечен меѓународен шверцерски канал и биле лиши од слобода двајца странски државјани. По целосното расветлување на случајот уапсените ќе му бидат предадени на истражен судија од Основниот суд Скопје1 кој се очекува да им одреди и притвор.
Дрогата е откриена околу 21 часот во скопската населба Автокоманда, во близина на гаражата на ЈСП, во џип "мерцедес" со косовски регистарски таблички. Возилото било упавувано од Х.Е. (24) од Пеќ, а во него бил и Ѓ.Б. (35) од Кукс, Албанија.
Марихуаната била спакувана во седум најлонски вреќи во кои имало 99 пакувања, секое со тежина од околу еден килограм.
Според досегашната истрага е утврдено дека дрогата потекнува од Албанија и оти била наменета за продажба во Македонија.
Дрогата била најпрво пренесена во Косово, а потоа Х.Е. и Ѓ.Б. ја внеле во Македонија за да му ја предадат на лице од Скопје, за цена од 150 евра за килограм. Цената на марихуаната на наркопазарот изнесува околу 1.000 евра за килограм.
Од почетокот на годинава, МВР има запленето 290 килограми марихуана и околу 150 килограми хероин при што биле пресечени три меѓународни канали за шверц на дрога и биле уапсени повеќемина нарко шверцери. (П.А.Л.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Дунав поплави село во Србија: До него се стигнува само со брод
Рибарско викенд село кај Сомбор е поплавено поради покачувањето на нивото на реката Дунав и единствен начин да се стигне до селото е со брод.
Водата ги поплави викендичките до висина на прозорците.
View this post on Instagram
– Во ова викенд одморалиште нема струја и во моментов се стигнува само со брод – пишува во описот на видеото објавено на Инстаграм.
Се наведува и дека ваков вид поплави годинава се случуваат по трет пат и дека мештаните се навикнати секогаш да бидат први на удар.
Свет
Столтенберг им порачува на европските лидери да не се плашат од Трамп, туку да соработуваат со него
Шефот на НАТО во заминување Јенс Столтенберг им порача на европските лидери да не се плашат од републиканскиот претседателски кандидат Доналд Трамп, туку да соработуваат со него.
Во интервју за Политико, ден пред заминувањето од функцијата, генералниот секретар на Алијансата рече дека скептичните европски влади „треба да направат сè што можат“ за да го убедат Трамп да ја продолжи американската поддршка за Украина, доколку победи на изборите во ноември.
„Кој и да победи на претседателските избори во САД во ноември, мислам дека е важно европските сојузници да се ангажираат за да обезбедат САД да продолжат да ја поддржуваат Украина“, рече Столтенберг.
Свет
Трамп: Јас сум единствениот американски лидер за време на чиј мандат Русија не ги нападна соседите
Поранешниот претседател на САД и кандидат на републиканците на претстојните претседателски избори, Доналд Трамп изјави дека тој е единствениот американски лидер во последните години за време на чиј мандат Русија не ги нападна своите „соседи“, вклучително и Украина.
Во интервју за „Вашингтон пост“, Трамп изјави дека рускиот претседател Владимир Путин никогаш немаше да започне војна против Украина додека е тој на власт.
„Ние би разговарале за тоа, тоа би било негов сон, но тој никогаш не би го направил тоа со мене на власт“, истакна тој.