Македонија
Разбиена македонско – српска нарко мрежа за шверц на хероин
Тројца Македонци и осум Срби се вмешани во шверцот на 170 килограми кокаин кој пред неколку дена беше запленет на пристаништето во Солун.
Тројца Македонци и осум Срби се вмешани во шверцот на 170 килограми кокаин кој пред неколку дена беше запленет на пристаништето во Солун.
Во заедничка акција на српската, македонската и грчката полиција „Соја“, уапсени се вкупно единаесет лица кои учествувале во криминалната група и сакале кокаинот да го пренесат од Боливија, Јужна Америка, во Србија.
Пред повеќе од една недела на пристаништето во Солун биле запленети 169 килограми кокаин сокриен во преси со соја сместени во контејнер. Фирмата испраќач била од Боливија, како примач на стоката била наведена фирма од Скопје, чии податоци српската криминална група ги злоупотребила.
Главен организатор на пратката била српската криминална група, а македонските државјани биле ангажирани за преземање и транспорт на контејнерот од Солунското пристаниште до Србија.
Тројцата Македонци, Николче Нечевски и Миле Лазоровски од Битола и Есад Сејдиу од Куманово требало да изготват документација за фирмата која требало да изврши подигање на контенјерот и да го организираат транспортот на контенјерот до Србија.
Македонската полиција вчера привела четири лица и две биле повикани на разговор, но од нив тројца добиле кривична пријава.
Кокаинот бил исклучително квалитетен, со чистота од 78 проценти. Неговата вредност на наркопазарите во Европа би можела да достигне до осум милиони евра со продажба на големо, додека на мало би достигнала над 25 милиони евра.
Кај Ничевски при претрес на неговиот дом било пронајдено и оружје кое го поседувал без дозвола, па против него ќе биде поднесена кривична пријава и за ова дело. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кацарска: Судот ја покажува хуманата страна, над 30 вработени денес даруваат крв по повод 60 години Уставен суд
Со дарување крв вработените во Уставниот суд слават 60 години постоење на судската установа. Претседателката на Уставниот суд Добрила Кацарска вели дека крводарителската акција е само една од акциите кои ќе ги спроведат за одбележувањето на јубилејот.
„Уставниот суд на Република Северна Македонија оваа година слави значаен јубилеј. Тоа е 60 години од постоење на судот. Веќе беше најавено дека во текот на целата година во Судот ќе се преземаат најразлични активности токму заради одбележување на овој значаен јубилеј. Самите вработени дадоа идеја една од акциите кои ќе се спроведуваат во Судот да биде и крводарителската акција, што значи Судот ја покажува и онаа хумана страна. Повеќе од половина од вработените се пријавија за давање крв, што значи од вкупно 60 вработени повеќе од 30 денес се согласни да дадат крв“, рече претседателката Кацарска.
Крводарителската акција е под мотото „Биди хуман спаси живот“, а ја реализира Црвениот крст на Македонија.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.