Свет
Ќе се оперираат деца на "Филип Втори“
Управниот одбор на Фондот за здравство донел одлука да склучи договор со специјалната болница "Филип Втори" за операции на деца, иако таа нема дозвола да отвора срце кај најмалите пациенти.
ИЗВРТЕНА ПРОЦЕДУРА: ФОНДОТ ЗА ЗДРАВСТВО ОДЛУЧИЛ ДА СКЛУЧИ ДОГОВОР СО Д-Р ЖАН МИТРЕВ ПРЕД ДА ДОБИЕ ДОЗВОЛА ЗА ДЕТСКА КАРДИОХИРУРГИЈА
Управниот одбор на Фондот за здравство донел одлука да склучи договор со специјалната болница "Филип Втори" за операции на деца, иако таа нема дозвола да отвора срце кај најмалите пациенти.
Управниот одбор на Фондот за здравство донел одлука да склучи договор со специјалната болница "Филип Втори" за операции на деца, иако таа нема дозвола да отвора срце кај најмалите пациенти. Од Фондот, преку соопштение, објаснуваат дека била донесена одлука да се склучи договор со болницата на д-р Жан Митрев, но тоа ќе се случи само откако Министерството за здравство ќе издаде одобрение со кое ќе се потврди дека установата ги исполнува неопходните критериуми по однос на простор, кадар и опрема.
Службата за информирање во Министерството за здравство, пак, тврди дека приватната кардиохируршка болница "Филип Втори" досега нема побарано никакво проширување на дејноста ниту, пак, побарала таму да се оперираат и деца. Иако се уште не се знае ни кој стручњак ќе оперира ни каква опрема за таа цел е набавена при носењето на одлуката, Управниот одбор ја договорил и цената што Фондот ќе му ја плаќа на д-р Митрев за детските интервенции.
"Договорот ќе биде склучен по досега најниска цена од 4.700 евра по операција. Целта е да се намалат трошоците за лекување во странство, да се поедностават процедурите и да се избегнат транспортот, визите и непријатноста на нашите најмали пациенти", објаснуваат од Фондот за здравство.
Д-р Митрев вчера одби да даде каква било изјава за тоа кој ќе оперира деца во неговата болница. Неговата секретарка кусо објасни дека јавноста за ова денес ќе биде информирана преку соопштение.
Директорката на Детската клиника проф. Мира Кочова нагласи дека се до добивањето на дозвола за операција на деца во "Филип Втори" нема да препраќа пациенти таму. "Се мора да биде законски, со јасни правила на игра, посебно кога се работи за деца", вели проф. Кочова. Лекарите од Детска, кои ги лекуваат децата со срцеви проблеми, велат дека за ваквата одлука на Фондот воопшто не биле консултирани.
"Ќе почекаме прво да ја добиеме одлуката од Фондот, ќе ја анализираме и ќе изградиме став во согласност со позитивните законски прописи", велат од Министерството за здравство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Силен земјотрес во Романија
Околу 17:40 часот земјотрес со јачина од 5,2 степени според Рихтеровата скала ја погоди Романија, јави ЕМСЦ.
Земјотресот се случил на 62 километри северозападно од Бузау и на длабочина од 137 километри под епицентарот во близина на Бузау.
#Earthquake (#cutremur) possibly felt 19 sec ago in #Romania. Felt it? Tell us via:
📱https://t.co/QMSpuj6Z2H
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/7MbYZOb2L7— EMSC (@LastQuake) September 16, 2024
Сеизмичките прелиминарни податоци покажуваат дека земјотресот не требало да предизвика значителна штета, но веројатно многумина го почувствувале како лесна вибрација во подрачјето на епицентарот.
Свет
Трамп ги обвини Бајден и Харис за обидот за атентат: Тие се вистинска закана
Поранешниот американски претседател Доналд Трамп денеска ги обвини сегашниот претседател Џо Бајден и потпретседателката Камала Харис за вториот обид за атентат во неговиот голф клуб во Флорида.
За време на интервју за Fox News Digital, Трамп рече дека осомничениот верувал во изјавите на Бајден и Харис и постапил според нив. „Тие пукаат во мене поради нивната реторика. Кога јас сум тој што ќе ја спаси земјата, а тие се оние кои ја уништуваат – и одвнатре и однадвор“, рече тој.
Тој алудираше на коментарите на Бајден и Харис дека Трамп е закана за демократијата.
„Тоа се луѓе кои сакаат да ја уништат нашата земја. Бајден и Харис се вистинска закана. Тие користат запаливи изјави. И јас би можел да го сторам тоа, многу подобро од нив, но не го правам тоа“, рече Трамп.
Европа
Бурата „Борис“ ќе се пресели во Италија
Обилни врнежи утре се очекуваат и во Австрија, Чешка и југоисточна Германија. Иако може да поминат уште неколку дена до падот на нивото на водата, времето ќе се подобри во централна Европа од средината на неделата. Бурата „Борис“ потоа ќе се префрли на југ во Италија, каде повторно ќе зајакне и ќе донесе силен дожд. Регионот Емилија-Ромања треба да биде најпогоден.
Научниците тврдат дека оваа рекордна количина на врнежи во Централна Европа е предизвикана од голем број фактори, меѓу кои и климатските промени. Различни временски елементи комбинирани за да создадат „совршена бура“ каде што многу студениот воздух од Арктикот се сретна со топлиот воздух од Медитеранот.
Моделот на атмосферскиот притисок значеше и дека бурата Борис долго време беше заглавена на едно место. Научниците велат дека потопла атмосфера задржува повеќе влага, што доведува до поинтензивни врнежи. Потоплите океани, исто така, доведуваат до поголемо испарување, хранејќи ги системите за бура.