Свет
За две пратенички години – пензија од 600 евра
Пензија од околу 36 илјади или близу 600 евра ќе може да добијат сите пратеници кои најмалку две години биле професионално ангажирани во Собранието.
Пензија од околу 36 илјади или близу 600 евра ќе може да добијат сите пратеници кои најмалку две години биле професионално ангажирани во Собранието. Пратеничките ќе може да заминат во пензија откако ќе го прослават 53 роденден, а пратениците на 55-годишна возраст, под услов дотогаш да имаат 25 години работен стаж.
Со тоа пратениците ќе имаат можност да се вбројат во посебна категорија пензионери, бидејќи ќе го урнат досегашниот пензиски рекорд кој изнесува околу 26.800 денари, колку што добиваат околу 500 пензионери, меѓу кои се и борците од НОВ. Од пратениците повисока пензија ќе имаат само поранешните претседатели на државава, кои имаат право на пензија во висина на платата што ја добивале додека биле на функцијата.
Со новиот закон на пратениците им се овозможува бенефициран работен стаж во висина од 80 проценти од просечната пратеничка плата исплатена во последните три месеци. Основицата на просечниот пратеник сега е околу 45 илјади денари. Во случај на смрт, повластената пензија ќе може да ја користи семејството на пратеникот, согласно условите од Законот за пензиско и инвалидско осигурување. Во таа пензија ќе може да уживаат сите пратеници што барем две години биле во Собранието, без разлика што работеле во другите 23 години и колкави примања имале.
По изгласувањето на законот пратениците се обидоа да ги релативизираат привилегиите што ги добија, изгласувајќи измени и во Законот за плати на функционерите. Со тие корекции пратениците сами си го укинаа функционерскиот додаток од 10.000 денари месечно. Тие се решија на таков потег бидејќи пред неколку месеци двојно им беа зголемени основиците на платите на сите избрани и именувани функционери.
Потоа седницата се прекина токму кога дојдоа на ред измените на Законот за пензиско и инвалидско осигурување што ги предлагаат пратеници од повеќе партии и со кои се предвидува преоден рок од две години пред да стапат на сила новите правила за пензионирање на „обичните граѓани“.
За пролонгирање на рокот, покрај опозиционерите, се залагаат и петнаесетина пратенички од мнозинството. Но, претседателството на СДСМ донело одлука да не се поддржи тој предлог.
Старите услови предвидуваа во пензија да се замине со 60 години старост или 35 години стаж за жени и 63 години старост или 40 години стаж за мажи. Новиот закон ја зголемува границата за пензионирање, на 62 години старост за жените и 64 за мажите, со задолжителни 15 години стаж.
Според тоа, обичниот граѓанин ќе треба да работи десет години повеќе од еден поранешен пратеник за да заработи пензија во висина од 80 проценти од просечните примања што ги добивал во целиот работен век.
Според процените на Собранието, новите услови за пензионирање моментно може да ги искористат околу 80 пратеници од сите досегашни состави, од кои дваесетина се од сегашниот состав. Од овој мандат привилегиите ќе важат за сите пратеници, бидејќи пратеничката функција се професионализира.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украина ја забрани употребата на Телеграм на официјалните уреди на службениците
Украина ја забранува употребата на апликацијата за пораки Телеграм на официјални уреди што ги користат владини функционери, војска и друг клучен персонал поради загриженост за руска шпионажа, соопшти денеска украинскиот Совет за национална безбедност и одбрана.
Безбедносното тело ги објави новите ограничувања откако Кирил Буданов, шеф на украинската воена разузнавачка агенција ГУР, му претстави на Советот докази за способноста на руските специјални служби да ја следат платформата, се вели во соопштението.
Во соопштението на Советот за безбедност се наведува дека Буданов дал докази дека руските специјални служби можеле да пристапат до пораките на Телеграм, вклучувајќи избришана содржина, како и лични податоци на корисниците.
Свет
(Видео) Израелците го нападнаа Бејрут, цел бил Ибрахим Акил, командант на операциите на Хезболах
Густ облак од чад се издигна над главниот град на Либан Бејрут откако израелската војска соопшти дека извршила „цеден напад“. Жителите на јужните предградија пријавиле дека слушнале силна експлозија, пренесува Ројтерс.
BREAKING: A security source in Lebanon:
“Israeli bombing targeted the southern suburb of Beirut. It is not yet known whether a specific person was targeted, but the damage is great.” pic.twitter.com/EvMBFxOa24
— Sulaiman Ahmed (@ShaykhSulaiman) September 20, 2024
Израелците не дадоа никакви детали за нападот, но нагласија дека нема промена во советите за израелските цивили да останат безбедни. Нападот на Бејрут се случи откако Хезболах истрела 140 ракети во северен Израел.
Новата размена на оган доаѓа по серијата експлозии на комуникациски уреди во вторникот и средата, при што загинаа најмалку 37 лица, меѓу кои две деца, а повеќе од 3.000 беа ранети во Либан.
Либанската влада и милитантната група Хезболах го обвинија Израел за нападот. Тел Авив не ги коментираше тие наводи, но министерот за одбрана Јоав Галант најави дека Израел влегува во „нова фаза“ од војната.
Цел на израелското гранатирање на Бејрут бил Ибрахим Акил, командант на операциите на Хезболах, објави израелското воено радио.
Медиумите јавуваат дека Акил е убиен во овој напад, а тој е еден од клучните луѓе на Хезболах, за чија глава Америка понудила дури седум милиони долари.
Новинската агенција АФП цитираше извор близок до Хезболах дека Акил бил убиен во нападот.
Американското Министерство за правда понуди награда од 7 милиони долари за информации за клучниот лидер на Хезболах Ибрахим Акил.
Свет
Либанско Министерство за здравство: Најмалку осум загинати и 59 ранети во израелскиот напад
Во денешниот воздушен напад на израелската армија на периферијата на Бејрут загинаа најмалку осум лица, а 59 се ранети, соопшти либанското Министерство за здравство, пренесува Ројтерс.
Израелската војска претходно денеска соопшти дека извршила „целен напад“ врз либанската престолнина, додека два безбедносни извори изјавија за Ројтерс дека е погодено јужно предградие на Бејрут и дека цел бил лидер на Хезболах.
Нападот погодил локации во близина на клучни објекти што ги користи Хезболах, објави британската агенција, повикувајќи се на неименувани безбедносни извори во Либан.