Македонија
Пристапниот дијалог со ЕУ – бајпас за блокадата
Пристапниот дијалог на високо ниво меѓу Македонија и Европската Унија (ЕУ) е вид на бајпас на блокадата што сега постои околу отворањето на пристапните преговори, коментираат од Секретаријатот за Европски Прашања, пред неговиот старт на 15-ти март.
Пристапниот дијалог на високо ниво меѓу Македонија и Европската Унија (ЕУ) е вид на бајпас на блокадата што сега постои околу отворањето на пристапните преговори, коментираат од Секретаријатот за Европски Прашања, пред неговиот старт на 15-ти март.
Вицепремиерот за европски прашања Теута Арифи на 5-ти и 6-ти март заминува за Брисел, каде пред Европскиот Парламент ќе реферира за следните чекори во однос на исполнувањето на критериумите. Предвидени се средби со еврокомесарот за проширување Штефан Фуле, европратениците Ричард Ховит и Едуард Кукан, како и Директорот на Генералниот директорат за проширување на Европската унија Стефано Санино. Средбите, како што велат од СЕП, се во функција на стартот на пристапниот дијалог, што е предвидено да го водат премиерот Никола Груевски од македонска страна и еврокомесарот Фуле од страна на Унијата.
„Секако дека е вид на бајпасирање, затоа што и немавме многу можности. Искуството е дека три години по ред ние добивавме предлог за започнување на преговори, но тоа не се реализираше. Ефектот дома беше дека работите во однос на европските прашања стоеа на место. Во текот на овие шест месеци, колку што се обидувавме да отвориме прашања, дијалози, меѓу другото наше барање беше креативност во пристапот. Јасно е дека имаме проблем, но процесот на приближување кон Европската Унија не е процес што ќе заврши веднаш и дури и ако утре го решиме проблемот со името. Затоа баравме форма и ова фактички е скрининг, но не се вика скрининг“, коментираат извори од СЕП.
Први прашања што ќе се отворат во пристапниот дијалог се прашањата поврзани со поглавјата 23 и 24, вклучувајќи ги и посочените од Фуле: реформа на судството и јавната администрација, медиумите, изборите, анти-коруипциските мерки, економски мерки и Охридскиот рамковен договор.
Од СЕП коментираат дека процесот е важно да се води, а помалку важно е како ќе се нарекува. Затоа, велат од секретаријатот, оваа можност треба да се искористи.
Во однос на дијалогот со медиумите, од СЕП сметаат дека не е мала работа што ќе се декриминализира клеветата, процес за кој велат дека е многу близу до крајот. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Правилото победник со победник е прекршено, Владата ја формира мнозинството во парламентот
Жалам што сеуште раководството на ДУИ живее во некои времиња кој се минато во Македонија. Македонија е држава на сите граѓани во нејзе, ниту е федерација, ниту е би, три, четири национална држава. Македонија според Уставот е држава на сите граѓани, според демократијата оној кој има 61 пратеник ја формира идната влада во Македонија или ја формира владата, изјави претседателот на ВМРО-ДПМНЕ Христијан Мицкоски одговарајќи на новинарско прашање.
„Јас не знам како тие пресметале дека се претставници на мнозинското не македонско население во Македонија. Мислам дека сите ние сме граѓани на Македонија, Македонци и ценам дека политиката не треба да се гледа како условно кажано шведска маса, па ДУИ малце ќе земе сега од СДСМ, малку од ВМРО, малку од некоја друга политичка партија“, истакна Мицкоски.
Како што додаде, ДУИ беше шест и половина години со СДСМ во владата, а СДСМ се поразени во првиот круг претседателски избори и очекува да бидат поразени и после парламентарните избори.
„Очекувам ДУИ да биде опозиција за неколку недели од денес“, истакна Мицкоски.
Тој повторно нагласи дека демократијата се темели на принцип врз основа на тоа кој има мнозинството во парламентот ја прави Владата.
„Демократијата се темели на принципот кој има мнозинство во парламентот и ја прави владата, не знам за кој мајски договор зборува ДУИ, не знам за кое правило победник со победник. Имаше едно правило во минатото победник со победник кој е резултат од минатото, тој договор и тоа правило за жал самите тие го прекршија уште во 2017 година и повторно би потсетил дека политиката не треба да ја гледаме како шведска маса па малку со едните, другите, третите. Доколку ВМРО-ДПМНЕ освои мнозинство како што се очекува немаме ниту елементарна доверба да соработуваме со ДУИ, така што тие мора да одат во опозиција“, дециден е Мицкоски.
Македонија
Крмов: Покачување на пензиите, намалување на годините за пензионирање – 60 години за жени, 62 за мажи
На денешниот протест на пензионерите во Штип, даде поддршка и Носителот на ИЕ3, пратеникот Борислав Крмов.
Крмов првенствено ја посочи незавидната ситуација во која се наоѓаат македонските пензионери.
,,Имаме тука ситуација да таа додатна помош од социјалата којашто ја добиваат, сега, всушност, им е скратена. Власта се фали дека наводно им помогнала.
Пензионерите јасно и гласно кажаа: значи, покачување линеарно на сите од 3500 денари до 5000 денари! Минимална пензија од 18.000, дури и 20.000 денари. Они живеат со 12.000 ден. И сега на тие 12.000 земале по 2000 – 3000 ден. од социјалата како допуна, како помош и сега тоа е скратено на пола! Замислете, тие пензионери со тие примања немаат ни за храна! Нив, нивните деца им плаќаат сметки и храна, за да преживеат.
Јас и како пратеник во ИЕ3 имав апсолутна поддршка за пензионерите за сите нивни барања”.
Левица во својата програма има мерки за подобрување на квалитетот на живот на пензионерите.
,,Според Програмата на Левица, минималната пензија е две – третини од просечната плата; државни пензионерски домови за пензионерите и намалување на годините за пензионирање 60 години – за жени и 62 години – за мажи”, потенцираше пратеникот Крмов.
Македонија
Костадиновска-Стојчевска: Џезот е дел од македонската музичка традиција, џезерите се наша гордост
Министерката за култура, Бисера Костадиновска-Стојчевска го честита Светскиот ден на џезот, со почит и благодарност кон основоположниците на овој жанр, на сегашната генерација џезери и на сите љубители на џез-музиката.
„Џезот е составен дел од нашата музичка традиција, а нашите музичари се гордост по која сме препознаени и кои со својот креативен израз ја афирмираат нашата земја на регионалната и светската сцена“, истакнува Костадиновска-Стојчевска.
Таа додава дека наша заедничка цел е да ги зачуваме талентираните џез-музичари дома, да им овозможиме траен и одржлив ангажман, да им создадеме услови за нивна промоција и за негување на џез-културата низ целата држава.
„Затоа, чест ми е што со наша искрена поддршка, џез-музичарите, со своето активно дејствување и уметничка страст, се изборија за основање на Национален џез-оркестар“, вели министерката за култура, потенцирајќи дека бројната публика на нивните концерти, но и на традиционалната прослава по повод Светскиот ден на џезот, потврдува дека македонската култура е интегрален дел од интернационалното џез-семејство, кое ја слави моќта на слободниот израз, различностите, отвореноста и мултикултурализмот.