Македонија
Потребна буџетски финансирана програма за борба против дискриминацијата
Потребно е донесување на буџетски финансирана програма за борба против дискриминацијата, стигмата и социјалното исклучување што ќе биде посебно фокусирана на припадниците на маргинализираните групи
Потребно е донесување на буџетски финансирана програма за борба против дискриминацијата, стигмата и социјалното исклучување што ќе биде посебно фокусирана на припадниците на маргинализираните групиОва е препораката на тематската група на ОН за ХИВ/СИДА, која денеска го промовираше извештајот од Анализата на законодавството во земјата поврзано со ХИВ/СИДА од аспект на човековите права.Според анализата, во Македонија во 2010 вкупно 134 лица се регистрирани како ХИВ позитивни. Од нив, 99 се случаи на СИДА, од кои повеќето од половината се веќе починати. Во најголем број од регистрираните случаи, ХИВ позитивните лица пријавиле дека се инфицирале преку хетеросексуален начин на пренос на оваа инфекција, а три четвртини од случаите (70%) се мажи.„Мошне значаен сегмент од оваа анализа е областа на социјалната сфера и делот со работните односи, каде се согледува дека во нашето национално законодавство не постојат специфични одредби со кои би се определила обврска во случај на утврден ХИВ позитивен статус со можен ризик за трансмисија, вработеното лице да биде префрлено на друго соодветно работно место“, рече Нинослав Младеновиќ, национален експерт и еден од авторите на анализата.Шелдон Јет, Претставник на УНИЦЕФ и член на Тематската група на Обединетите нации за ХИВ/СИДА истакна дека бројките на луѓе кои живеат со болеста во светски рамки се тројно зголемени. „Одредени закони и политики, стигмата и дискриминацијата може да ја блокираат ефективната здравствена заштита со тоа што ги оддалечуваат ХИВ позитивните од добивањето на здравствените услуги“, рече тој.Експертите препорачаа изработување на генерална стратегија за борба против дискриминацијата, стигмата и социјалното исклучување која ќе ги земе во предвид потребите на припадниците на маргинализираните групи. Апелираа до Владата да изготви програми за образование за сексуално и репродуктивно здравје, за жените, мажите и адолесцентите во кои ќе се промовира одговорно сексуално поведение и во кои на адолесцентите ќе им се обезбедат точни и сеопфатни информации за ХИВ/СИДА, вклучително и за употреба на кондоми, за посакувана/непосакувана бременост, како и за правото на безбеден абортус. /крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова телефонски разговарала со Зеленски: украинскиот народ може и во иднина да смета на македонското сојузништво и пријателство
Претседателката Гордана Сиљановска Давковa денеска оствари телефонски разговор со претседателот на Украина, Володимир Зеленски.
„Во разговорот со украинскиот претседател Зеленски, Сиљановска Давкова ја нагласи нашата цврста и недвосмислена поддршка кон Украина во однос на неиспровоцираната и неоправдана руска воена агресија. Осврнувајќи се на меѓународното право, принципите на Повелбата на ОН и Статутот на Советот на Европа, претседателката рече дека украинскиот народ може и во иднина да смета на македонското сојузништво и пријателство во справувањето со историскиот предизвик со трајни и несогледливи последици.
Двајцата соговорници разменија мислење и за претстојниот Самит чиј домаќин ќе биде Швајцарија, а со цел да создаде рамка поволна за сеопфатен и траен мир во Украина“, соопштија од нејзиниот кабинет.
Претседателот Зеленски во текот на разговорот ја поканил претседателката да ја посети Украина, за што тие, како што е појаснето, дополнително ќе се консултираат на Самитот во Швајцарија.
За време на разговорот биле нагласени одличните билатерални односи меѓу двете земји, карактеризирани со идентични вредности, меѓусебна почит и разбирање, силно потврдени со континуираната соработка во сите области од заеднички интерес.
Сиљановска Давкова и Зеленски ја реафирмирале посветеноста од натамошна заемна поддршка во меѓународната дипломатија, во насока на исполнување на европската аспирација на двете држави.
Телефонскиот разговор со Зеленски, Сиљановска Давковa го оствари од Рим, за време на нејзината посета на Италијанската Република и Светиот Престол по повод манифестацијата „Македонија во чест на Св. Кирил“.
Македонија
Таравари уште размислува дали ќе биде министер за здравство: „Можноста не е исклучена, но не е дефинитивна“
Арбен Таравари, еден од партнерите на коалицијата „Влен“, а кој моментно е градоначалник на општина Гостивар, сѐ уште не одлучил дали ќе биде во идната влада како министер.
Тој потврди дека некои од пишувањата на некои медиуми за поделбата на владините ресори и службените места се точни. Според Таравари, конечниот договор меѓу идните владини партнери, „Влен“ и ВМРО-ДПМНЕ, најверојатно, ќе биде објавен денеска или утре, стои во напишаниот допис.
„Алијансата ќе има двајца министри, вицепремиер за добро владеење и транспарентност и министер за здравство и двајца заменик-министри, како и двајца државни секретари, и тоа заменик-министер за одбрана и заменик-министер за земјоделство. Државен секретар за здравство и уште еден на кој сега не ми текнува“, изјави Таравари.
Таравари вели дека сѐ уште не се дефинирани имињата на кадрите што ќе бидат назначени на овие позиции.
Запрашан дали ќе биде следниот министер за здравство, тој рече дека не одлучил и сѐ уште размислува дали ќе ја прифати оваа функција. „Не е исклучена можноста, но не е дефинитивна“.
Таравари ги коментира и резултатите од прегласувањето и истакна дека тие воделе на 8 мај и сега, како што рече тој, се во голема предност.
„ДУИ може да ги обжали резултатите, но резултатите се такви. Тоа беше очекувано и сега бранот промени не може да се запре, па ДУИ мора да го прифати резултатот. Граѓаните сега се ослободени, гласаат малку послободно од порано и посакувам ДУИ да ја прифати оваа реалност. Сега ‘Влен’ има еден пратеник повеќе, ДУИ еден помалку“, изјави Таравари.
Македонија
Црква изградена во 1874 година настрада од минирањата на „Бехтел и Енка“, велат од партијата Левица
Во селото Ореовец (Прилепско) се наоѓа црквата „Св. Димитрија“, која е гробиштен храм изграден во 1874 година. Црквата претрпе огромни штети по вршењето на минирањето од страна на американско-турскиот конзорциум „Бехтел и Енка“, велат од партијата Левица.
„Штетата е настаната по минирањето во непосредна близина од страна на преплатениот од народни пари конзорциум, што предизвикало земјотреси чија последица се одразила и на овој објект. Во Црквата има фрески постари од 150 години – дел од нив изработени на дрво и кожа, кои освен што се од огромно значење за месното население, туку тие претставуваат и богато културно наследство за овој крај.
Од потресите, оштетени и испукани се ѕидовите на Црквата и ако се продолжи со минирање, голема е веројатноста да настанат штети од поголеми размери, што не ја исклучува можноста да се случи и нејзино целосно рушење.
Покрај штетата на Црквата, од минирањето: загрозени се извори на вода од кои и денес се снабдува Прилеп со вода; оштетени се куќи во селото Ореовец; се крева прашина која поради струењето на воздухот и релјефот на теренот целосно паѓа во Прилеп и прилепските села и се уништуваат ендемични видови на животни.
Прилепчани десетина дена прават протесна блокада на патот кон село Ореовец и не дозволуваат машини и работници да продолжат со минирање и ископување. Пратеникот од редовите на Левица – Сашко Јанчев, присуствуваше на протестите и даде поддршка на блокадата.
Левица претходно го блокираше спроведувањето на договорот со „Бехтел и Енка” со илјадници амандмани. Сега најавуваме дека нашите активисти се спремни веќе и физички на терен да ја поддржат борбата на граѓаните“, соопшти партијата Левица.