Свет
Ербасите А330 имале дефектни брзински сензори
Компанијата Ербас детектирала погрешни брзински отчитувања на сензорите во авионите од серијата А330 и ги советувала клиентите да го заменат делот
Компанијата Ербас детектирала погрешни брзински отчитувања на сензорите во авионите од серијата А330 и ги советувала клиентите да го заменат делот, соопштија денеска француските истражни органи.
Според првиот човек на Француската Агенција за воздушни несреќи(БЕА) Пол Луи Арсланиан, прерано е да се говори дека проблемите со сензорите за брзина кај Ербасот на некој начин се одговорни за катастрофата над Атланскиот Океан, во која загинаа 228 патници и членови на екипажот.
„Некои од сензорите(на А330) беа обележани за замена…но тоа не значи дека без тие заменети делови, авионот (Ер Франс) бил во дефект“, рече Арсланиан.
Компанијата Ербас упати уште една препорака до пилотите да ја следат стандардната процедура – да ја одржуваат пропишаната брзина на летање и аголот – доколку се сомневаат дека нивните индикатори за брзина не покажуваат точна брзина.
Екипажот на авионот “Ер франс“ Ербас А330, кој минатата недела се урна во Атлантикот, испратил во рок од пет минути 24 пораки за проблеми со леталото, соопшти денеска француското Биро за истрага и анализа. /крај/рој/ст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.