Македонија
Македонија се прилагодува кон Копенхашкиот запис
Консензус и заедничко гледиште за потребните акции кои што треба да се превземат на државно ниво за што поскоро прилагодување кон Копенхашкиот запис (Copenhagen Accord), се очекува да биде усвоен во Македонија.
Консензус и заедничко гледиште за потребните акции кои што треба да се превземат на државно ниво за што поскоро прилагодување кон Копенхашкиот запис (Copenhagen Accord), се очекува да биде усвоен во Македонија.
Ова беше истакнато на денешниот состанок на Националниот комитет за климатски промени, прв по Самитот на државите членки на Рамковната конвенција за климатски промени, одржан во декември во Копенхаген.
Министерот за животна средина и просторно планирање Неџат Јакупи потсети дека во Копенхаген е усвоен необврзувачки запис, со кој сите држави се согласија да преземат акции за намалување на климатските промени
„Република Македонија како држава со кандидатски статус за членство во ЕУ има за цел да постигне значително намалување на емисиите на стакленички гасови преку интегрирање на мерките за намалување на емисиите во развојните патеки на националната економија“, изјави Јакупи.
Наташа Марковска претседател на Националниот комитет за климатски промени истакна дека Република Македонија се труди со својот пристап да биде лидер во регионот, имајќи предвид што досега има дефинирани мерки и сценарија за смалување на емисиите за стакленички гасови.
„Од она што треба да се направи во Македонија, приоритет има секторот енергија затоа што нашите емисии се базираат главно од секторот производство на електрична енергија, преку огромно учество на домашниот ниско квалитетен јаглен“, рече Марковска.
Таа информираше дека одредени мерки треба да се преземат и во секторите индустриски трансформации, греење, отпад, транспорт и во земјоделството и шумарството. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Земјава нема развиен концепт за менаџирање со дијабетесот, вели Велев
Во организација на Сојузот на здруженија на дијабетичари и Здружението на лица со дијабетес „Алегрија“, денеска во Градскиот парк во Скопје под мотото „Сѐ за нас – за нас“, се одржа едукативен настан за подигнување на свесноста за тоа како живеат лицата со дијабет.
Претседателот на Здружението на лица со дијабетес „Алегрија“, Диме Велев, рече дека со реализацијата на проектот се укажува дека лицата со дијабетес се нормални луѓе кои што се дел од заедницата и се придонесува кон уривање на стереотипите кои постојат за лицата со дијабетес.
„Почнавме реализација на проект за подигнување на свеста за користење на новите во технологии во менаџирање со дијабетесот, пред сѐ „CGM“ системите или системи за континуирано мерење на гликоза, за новите технологии во делот на апарати со дигитална размена на податоци, како и за рушење на стереотипите за тоа дека лицата со дијабетес се нешто посебни, тие се многу нормални луѓе кои што се во заедницата“, рече Велев.
Посочи дека целта на целиот проект е да се убедат властите дека луѓето кои што користат „CGM“ системи се работноспособни и присутни во заедницата, како и да се освестат за потребите на луѓето дека имаат многу кратко време за навремена реакција. Вели земјава нема примена на доволно развиен концепт на менаџирање со дијабетес.
„Сѐ уште имаме пречки, затоа што ние немаме доволно луѓе кои што се поставени на „CGM“ системи, во Македонија немаме примена на доволно развиен концепт на менаџирање со дијабетес. Кога сето тоа ќе се воведе, ќе се изгради сета таа нова дијабетес култура, дека е многу нормално да се користи, дека е многу поквалитетно да се користи, тогаш нема да има потреба од нови правила за некое право на човек со дијабетес после пет минути да отиде настрана да касне нешто или да се освежи и да се врати на работа или на училиште“, рече Велев.
Преку интерактивен собир, денеска лицата со дијабетес ТИП 1, особено младата популација до 25 години, имаше можност да се потсети на основните постулати при секојдневното живеење со дијабетес.
На настанот беа поставени штандови со глукомери и ленти за мерење на нивото на шеќер во крвта, како и штандови со корпи и обучени лица на кои граѓаните имаа можност да видат колку јаглехидрати содржи секое овошје или зеленчук.
Македонија
Парада на гордоста под слоганот „Спектакуларно непослушни“ во паркот „Жена борец“
Петтата по ред Парада на гордоста, Скопје Прајд, годинава ќе се одржи на 22 јуни под мотото „Спектакуларно непослушни!“
Националната мрежа против хомофобија и трансфобија денеска одржа прес-конференција посветена на овогодишното издание на Парадата на гордоста, чија што појдовна точка, како и досега, ќе биде во паркот „Жена борец“, каде во 17 часот ќе започне собирањето на учесниците, а во 19 часот по кратките поздравни говори ќе започне протестниот марш по скопските улици, според истата рута како и минатите години и ќе заврши со културно-музичката програма на стадионот на АРМ во Градскиот парк.
„Со гордост може да кажеме дека минатите четири Паради на гордоста поминаа во најдобар ред, со максимално ниво на безбедност и со ниту еден инцидент за време на парадите, освен два инциденти кои се случија по завршувањето на Парадата. За двата инциденти институциите реагираа навремено, а за едниот беше отворена и постапка што се водеше како кривично дело од омраза, за кое сметаме дека е соодветен одговор од страна на институциите и показател за тоа дека државата сака да ги заштити правата на сите граѓани на оваа држава“,порача Уранија Пировска, извршна директорка на Хелсиншки комитет за човекови права.
Нејзините очекувања се дека и оваа година нивото на безбедност ќе биде запазено.
„Очекуваме дека и оваа година ќе биде обезбедено тоа ниво на безбедност, како и во минатите години. Сега се наоѓаме во една деликатна ситуација бидејќи се’ уште официјално не се завршени изборите, затоа што имаше прегласување на неколку места, а Државната изборна комисија се’ уште не излегла со крајните резултати од изборите и поради тоа се’ уште немаме официјална комуникација со Министерството за внатрешни работи за да ги започнеме подготовките околу Парадата на гордоста од безбедносен аспект. Тоа ќе го сториме кога официјално ќе бидат завршени изборите, но сметам дека и новата владејачка гарнитура ќе сака да покаже дека оваа држава има демократски капацитети, бидејќи успешноста на една Парада на гордоста зборува токму за тоа какви се демократските капацитети на државата и колку институциите ги почитуваат правата на сите граѓани, па и на оние кои што не се мнозинство“,додава Пировска.
Оваа година слоганот на Парадата на гордоста во Скопје гласи „Спектакуларно непослушни!“
„Непослушни затоа што сакаме да ја реафирмираме таа наша опозиција на патријахатот кој не’ владее доста векови. Спектакуларно како едно обележје на самата заедница која е забележителна и како одбележување на јубилејот на петти Прајд. Дури и „Њујорк тајмс“ објави фотографии на првата Парада на гордоста во Скопје и ништо помалку спектакуларно не очекуваме и за овој Прајд. Тој ќе биде еден од најдобрите и најпосетените настани во Скопје како и претходните години“, рече Кочо Андоновски, програмски директор на ЛГБТИ Центар за поддршка и додаде дека говорот на омраза што ескалира после најавата на Парадата само докажува колу има потреба од одржувањето на Скопје Прајд.
Тој додава дека парадата на гордоста е само еден ден во кој ЛГБТИ луѓето можат да бидат видливи, свои и автентични.
„Во нашиот слоган оваа година го одбравме концептот на непослушност, како политички концепт токму затоа што желбата да се живее слободно на ЛГБТИ+ луѓето често пати била обележана како каприц, како претерано барање или како непотребна желба за внимание. Барањето да се живее достоинствено и без насилство не е каприц. Потребата да бидеме видени, да се движеме во јавниот простор, да учествуваме во политичкиот живот- наместо постојано да сме затрпувавани во нашите четири ѕида, не е желба за внимание, туку барање за нашето еднакво место како и на сите други луѓе во ова општество. Можноста ЛГБТИ+ луѓето да ги посетат своите партнери во болница, да го наследат имотот на луѓето со коишто живееле цел живот, да не мора да се соблекуваат до последно парче облека за да го докажат својот родов идентитет- ова се наши основни права. Ако нашата идеја за еднаквост, за достоинство и буквално право на живот е спорно, тогаш ДА, одбираме да бидеме непослушни“, истакна Ангел Димитриевски, извршен директор на ЕКВЛИС и додаде дека се чини дека желбата и отпорот ЛГБТИ+ заедницата да биде замолчена и уште повеќе избришана од јавниот простор се’ повеќе расте.
Македонија
Стоилковски: Дали има бактерија МРСА во хируршките сали на „Клиника“?
„Ќе даде ли некој одговор од Владата или од ДУИ и СДС што се случува во хирургија, наместо да се префрла топката од здравството кон ЈО“, праша Наум Стоилковски, портпаролот на ВМРО-ДПМНЕ.