Владата ја прифати информацијата за склучување на Договорот за физичка демаркација на границата меѓу Македонија и Косово

Владата на Република Македонија на седницата што се одржа доцна вечерта во петок, ја разгледа и ја прифати информацијата за склучување на Договорот за физичка демаркација на границата меѓу Република Македонија и Република Косово, а исто така го разгледа и го прифати усогласениот текст на Договорот за физичка демаркација помеѓу Република Македонија и Република Косово.На истата седница, Владата го усвоила и Предлогот на закон за ратификација на Договорот за физичка демаркација на границата меѓу Република Македонија и Република Косово и истиот го достави до Собранието на Република Македонија.Воспоставувањето на дипломатски односи со Косово е прашање на часови, изјави лидерот на ДУИ, Али Ахмети со евроамбасадорот Ерван Фуере во петок во Тетово.„Со ова му покажуваме на Брисел дека како држави од Западен Балкан сме зрели сами да ги решаваме проблемите“, изјави Ахмети.„Ако вчера беше прерано, денес веќе е дојдено времето да се воспостават дипломатските односи, ова може да се случи денес, може да се случи утре или ден потоа, или за 24 часа, не ме држете за збор. Постои многу добра клима меѓу двете држави, и ова е од корист на Македонија и Косово“, рече Али Ахмети, претседател на ДУИ.Откако Договорот за демаркација на границата ќе биде ратификуван од двата парламента, преостанува уште двете држави да испратат амбасадори, а Македонија станува држава чии граници се демаркирани.Македонија го призна независно Косово на 9 октомври минатата година, а дипломатски односи не беа воспоставени, поради проблемот со одредувањето на границата.  Опозицискиот СДСМ не се согласува со итното свикување собраниска седница на која ќе се одлучува за демаркацијата на граноцата со Косово, но ќе присуствува на седницата, како што соопшти – за да оневозможи одлука да се донесе зад грбот на народот.