Свет
Русија и Киргистан потпишаа договор за останување на руската војска
Русија и Киргистан потпишаа во четвртокот повеќе договори, вклучувајќи ја и спогодбата за останување на руските воени бази на територијата на Киргистан, во рамките на посетата на рускиот претседателот Владимир Путин на оваа средноазиска земја.
Договорот за „статусот и условите на останувањето на руските воени бази во Киргистан“ ќе стапи на сила во 2017 година. Потпишан е на 15 години, со можно продолжување за уште пет години, а, исто така, со него се одредува и износот кој Русија ќе го плаќа за базите, но кој не се соопштува за јавноста.
Меѓу Москва и Бишкек претходно годинава се јавија несогласувања околу плаќањето на наемнината за четирите рускиот воени бази на територијата на Киргистан. Киргистанскиот министер за одбрана предупреди во јули дека Бишкек ќе бара повисока цена за наемнина на базите коишто останаа на територијата на неговата земја по распадот на некогашниот Советски сојуз.
Двете страни,исто така, потпишале и договор за решавање на киргистанскиот долг на Русија кој изнесува 489 милиони долари. Русија ќе му отпише на Киргистан заем до 189 милиони долари, додека другиот заем од 300 милиони долари ќе го отпишува следните десет години, почнувајќи од 2016 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Украинскиот министер за финансии: На земјата и недостасуваат пет милијарди долари за воени трошоци
На државниот буџет на Украина му недостигаат 5 милијарди долари потребни за воени трошоци, изјави денеска министерот за финансии Сергеј Марченко во интервју за радио Хромадске.
Според него, откако САД го усвоија долгоочекуваниот пакет помош од 61 милијарда долари, новите средства ги покриваат социјалните и хуманитарните трошоци на Украина.
„Во пракса, имаме голем фискален проблем, нерешеното прашање со воените трошоци“, тврди тој.
Свет
Раиси беше погребан во неговиот роден град Машхад во присуство на три милиони граѓани
Иранскиот претседател Ебрахим Раиси беше погребан денеска во светилиштето на Имам Реза во Машхад, најсветото место за шиитските муслимани во Иран.
Според градоначалникот Мохамадреза Каландар Шариф, околу три милиони луѓе присуствувале на погребот во родниот град на Раиси.
Авионот со телото на починатиот претседател Раиси, кој загина во хеликоптерска несреќа во северозападен Иран, пристигна претходно денеска на аеродромот Хашеминеџад во Машхад.
Европа
Децата од Британија прават најмалку физички вежби во Европа
Истражувањето објавено од Светската здравствена организација (СЗО) покажало дека децата на возраст од 11, 13 и 15 години од Велика Британија прават најмалку физички вежби на дневна основа во споредба со децата од другите земји во Европа, централна Азија и Канада.
Околу 11 отсто од девојчињата и 16 отсто од момчињата во Англија го прават препорачаниот час физички тренинг дневно, пишува британски „Тајмс“.
Физичката активност, од умерена до енергична, вклучува работи како брзо одење, возење велосипед и возење ролери.
„Имаме голем јаз меѓу половите и големи социо-економски разлики. Две третини од 15-годишните момчиња во Велика Британија учествуваат во енергична физичка активност четири или повеќепати неделно, но само една третина од девојчињата“, рече координаторот на оваа меѓународна студија, Џо Инчли, од Универзитетот во Глазгов.
Таа изјавила дека посилните вежби, во кои срцето чука малку побргу, исчезнуваат од животот на младите.
„Порано, кога младите поминуваа многу време надвор, тој број ќе беше многу поголем. Сега гледаме дека многу опаѓа и мислам дека тоа е многу загрижувачки бидејќи може да има големо влијание врз здравјето и благосостојбата на младите“, рече Инчли.
Регионалниот директор на СЗО за Европа, Ханс Клуге, истакна дека редовната физичка активност, здравите навики во исхраната и одржувањето здрава телесна тежина се клучни делови од здравиот живот.
„Наодите од истражувањето укажуваат на потребата од насочени интервенции за да им се овозможи на адолесцентите да усвојат поздрави навики и да избегнуваат навики што влијаат не само на нивното сегашно здравје и благосостојба туку и на нивните идни траектории“, рече Клуге.