Македонија
Низ соработка против пограничниот криминал
Најдобрата борба против криминалот може да се оствари низ соработка и добра координација меѓу македонската и косовската полиција сметаат прлвите луѓе на македонската и косовската полиција, Јанкулоска и Реџепи
Македонската министерка за внатрешни работи, Гордана Јанкулоска му доставила листа или список на сторители на тешки кривични дела за кои имало основано сомнение дека ја преминале државната граница кон Косово и се наоѓаат на нивна територија, на косовскиот министер, Бајрам Реџепи, кој се наоѓа во посета на Македонија.Ова следува се со цел да се лишат од слобода сторителите на ваквите кривични дела кои се бараат и со меѓународна потерница.По полициските акции во Блаце, Радуша и тетовско Желино двете министерства размениле информации и во однос на одредени лица од косовската страна кои можеби се поддршка или логистика на лицата вклучени во овие инциденти.
Косовскиот министер за внатрешни работи, Бајрам Реџепи, истакна дека ја цени соработката меѓу девет министерства, која според него е во интерес на безбедноста не само на двете земји, туку и во целиот регион на Западен Балкан.„Мислам дека инцидентите во една од држава се рефлектираат и во другата држава. Не треба да мислиме дека овие криминалци се добредојдени и во Косово, туку спротивно. Тие имаат врски не само во Македонија и Косово, туку и во Србија и Црна Гора“, изјави Реџепи.Околу потеклото на оружјето кое пред неколку дена полицијата го заплени кај Радуша, Реџепи вели дека не располагаат со голем број на информации во врска со ова, но признава дека на Косово има големо количество на оружје од воениот период.
Според него, таа мрежа на транспорт на нелегално оружје е развиена и дека оружјето може да биде земено и од Србија и Црна Гора.„Не би сакал од ваша страна Косово да се оценува како извозник на оружје, туку спротивно на тоа“, додава Реџепи.Според анализите, Јанкуловска вели дека овие групи се со криминални мотиви.„Инцидентите од ваков тип секако дека креираат тензија кај граѓаните, но не претставуваат опасност од дестабилизација од поголем степен, ниту за Македонија ниту за регионот“ вели Јанкуловска.Министерката вели дека добиле информации за групата која беше приведена кај Качаник, за нивниот идентитет и мерките кои се преземани против нив. Косовските власти воделе правни постапки, се додека не завршеле овие информации не биле достапни за јавноста. Поканата до косовскиот министер за внатрешни работи доаѓа непосредно по инцидентите што се случија на македонско-косовската граница, каде беше запленето огромно количество оружје, кај Блаце, Радуша и синоќешната акција на полицијата во тетовско Желино.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Македонија
Јовановски за пријавата од Кичеец: Ова е почеток на една битка со цела криминална банда
Зоран Милевски-Кичеец го пријавил Бојан Јоавновски-Боки 13 во полицијата.
Ова се однесува на статусот што Јовановски го објави вчера, а каде што посочи дека лица блиски до Кичеец му се закнуваат.
Јовановски вели дека Кичеец е човек што згрешил пред законот, а не одговарал за тоа и неговата реакција е очекувана.
„Ова е почеток на една битка и разрешница со цела криминална банда, а во оваа криминална банда еден од предводниците е Зоран Милевски-Кичеец“, рече Јовановски.
Неговиот адвокат Владимир Туфегџиќ ги оцени наводите на Кичеец како неосновани и укажа дека за лажното пријавување очекува одговорност.
Како што појасни Туфегџиќ, пријавата се однесува на три кривични дела – загрозување на сигурноста, демнење и кривично дело лажно пријавување. Ги отфрламе сите наводи, рече Туферџиќ, бидејќи сметаме дека не постојат законски основи за понатамошно процесирање.
Јовановски претходно на „Фејсбук“ објави дека лица блиски и под команда на Зоран Милевски-Кичеец веќе неколку дена кон него дејствуваат преку разни форми на закани и притисоци со цел да го откаже второто гостување во поткастот кај Лазаров. Воедно, како што објави Јовановски, заканите и уцените кулминирале кога пред влезот на неговиот стан го пречекале две лица да му пренесат порака од Кичеец.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.