Македонија
Џонс ќе бара државен став за името
Помошникот на државниот секретар на САД, Стујарт Е. Џонс, на средбите со претседателот Бранко Црвенковски и премиерот Никола Груевски како централна тема ќе го отвори прашањето околу спорот за името помеѓу Македонија и Грција
Американскиот политичар ќе инсистира Црвенковски и Груевски што побрзо да ги услогласат позициите и да излезат со заеднички став за последниот пакет идеи на медијаторот Метју Нимиц, дознава forum.com.mk од нефицијални дипломатски извори.Помошник државниот секретар, наводно ќе му посочел на државниот врв дека имаат само уште десетина дена рок за да се дојде до заедничко прифатливо решение за името, а државата „да го фати последниот воз“ за членство во НАТО. Впрочем дека администрацивецот на американскиот претседател Џорџ Буш доаѓа со пораки за спорот со името покажува и неговата агенда да се сретне со сите страни кои се инволвирани во спорот, претседателот Црвенковски, премиерот Груевски и министерот за надворешни работи Антонио Милошоски. „На средбите ќе се разговара за состојбите на домашната и на меѓународната политичка сцена, вклучувајќи ги билатералните односи меѓу САД и Република Македонија, регионалната стабилност и процесот на интегрирање на Република Македонија во евроатлантските структури“, пишува во официјалното соопштение на Американската амбасада. Насоките на Џонс одат и во насока на агендата на медијаторот Метју Нимиц според која државите треба да се изјасанат по неговиот последен предлог до крајот на неделава. Нимиц пред три недели во Њујорк предложи решение според кое Македонија треба да го прифати името Северна Македонија за широка меѓународна употреба, како и можност за одредени варијации за македонскиот идентитет и јазик. Државниот врв заедно со преговарачите Никола Димитров и Мартин Протуѓер двапати неуспешно ги услогасуваа своите ставови. Двете страни, Црвенковски и Груевски, не можат да се усогласат дали да се оди на целосно одбивање на предлогот, или пак да се дадат крупни забелешки. Остана тајна со какви позиции настапиле Груевски и Црвенковски на последната коориднативна средба во петокот. Наспроти македонската страна, шефицата на грчката дипломатија Дора Бакојани, во интервју за грчкиот весник Та неа изјавила дека официјална Атина е стабилна во своите позиции во спорот за името и највила вето за Македонија во Европската Унија и НАТО се додека не се дојде до решение за проблемот. „Нашата политика во однос на Скопје има единствена цел, а тоа е решавање на спорот со името. Само кога ќе дојдеме до една спогодба, која ќе биде заемно прифатливо решение за името, ќе се согласам на членство на Скопје во Европската Унија и во НАТО“, децидна била Бакојани.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.