Македонија
Шефер нема оптимизам за членство на Македонија
Генералниот секретар на НАТО нема зголемен оптимизам за надминување на спорот за името,по последните разговори со властите во Македонија
Генералниот секретар на НАТО во заминување нема зголемен оптимизам за надминување на спорот за името – што е предуслов за членство во Алијансата, по минатонеделните разговори со властите во Македонија.
Јаап де Хоп Шефер по вчерашните разговори со грчкиот државен врв на македонските власти им порача дека мора да покажат флексибилност за прашањето на името.
„Морам да додадам, отворено и искрено, дека по мојата посета на Скопје минатата недела, мојот оптимизам не зајакна, слушајќи ги властите во Скопје. Се надевам дека тие ќе разберат дека за решавање на прашањето за името, тие мора да покажат флексибилност“, рече Шефер во Атина, по средбата со грчката министерка за надворешни работи Дора Бакојани..
Првиот човек Алијансата, одговарајќи на новинарско прашања во врска со грчката блокада за приемот на Македонија во НАТО на самитот во Букурешт, рече.
„Никогаш немало вето. НАТО не го познава зборот вето. НАТО го познава зборот консензус. Иако луѓето можеби се разочарани, имаше консензус лани во Букурешт и повторно имаше консензус во Стразбур и Кел“, вели Шефер, кој на крајот од јули заминува од функцијата.
Министерката Бакојани рече дека Грција сака да ги види „своите соседи и пријатели во семејството на НАТО“, но откако ќе се реши прашањето за името./крај/с/ил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.