Македонија
Младите од ДОМ апелираат за толеранција
Младинската организација на ДОМ – МОДОМ, по повод 17-ти мај, меѓународниот ден за борба против хомофобијата и трансфобијата, упатија апел за толеранција и почитување на луѓето со различна сексуална ориентација.
„Нашиот став како организација со зелена политичка платформа е дека говорот на омраза кој е резултат на предрасудите, стереотипите и недоволната информираност треба да биде спречуван преку изнаоѓање соодветни законски решенија и нивна примена. Ние сме убедени дека македонското општество има потенцијал да биде толератно кон ЛГБТ заедницата доколку институциите на системот се вклучат во обезбедување поволна клима”, се наведува во повикот на подмладокот на Демократска обнова на Македонија (ДОМ).
Се додава дека МОДОМ смета дека сите досегашни напади врз луѓето со различна сексуална ориентација треба да бидат осудени од страна на надлежните институции и да се преземат конкретни мерки за нивно надминување во иднина. Значаен чекор во овој правец би било внесувањето на сексуалната ориентација како основа за дискриминација во Законот за спречување и заштита од дискриминација.
Тие се залагаат Македонија да биде место каде што „разликите ќе можат да комуницираат меѓу себе со почит и разбирање, место каде што индивидуалните квалитети ќе дојдат до израз без страв од формите на омраза, агресија и маргинализација врз основа на сексуалната ориентација”./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.