Македонија
Филип Гордон: Решение за името – поради стабилноста на целиот регион
Американскиот заменик-државен секретар Филип Гордон на сенатски распит во средата ги повика првите луѓе на Македонија и Грција да преземат смели и решителни одлуки за да го решат прашањето, еднаш-засекогаш.
Американскиот заменик-државен секретар Филип Гордон на сенатски распит во средата ги повика првите луѓе на Македонија и Грција да преземат смели и решителни одлуки за да го решат прашањето, еднаш-засекогаш.Ова го јави радио Глас на Америка на македонски јазик, додавајќи дека според Гордон, Западниот Балкан како дел од евроатлантската заедница е високо на листата на приоритети на САД, а во регионот последниве 20-тина години е направен голем напредок – од војна, кон евроатлантска интеграција. „Сепак, остануваат предизвици, како политичкиот компромис во Босна, стабилизацијата на Косово и спорот меѓу Македонија и Грција“, резимираше уште на самиот почеток на распитот средата во Сенатската поткомисија за европски прашања заменикот-државен секретар со иста географска надлежност, Филип Гордон.За Гордон, американската поддршка за македонската интеграција во ЕУ и НАТО останува витален елемент за промовирање на мирот и стабилноста на целиот Балкан. Тој ја истакна Македонија за задоволување на речиси сите реформски мерила што ги постави ЕУ, за демаркацијата на границата со Косово и за учеството во меѓународните мировни мисии на НАТО, но и ја повика да даде обновен приоритет на меѓуетничките односи – на дело и во духот на Рамковната спогодба и да продолжи со реформите, особено во правната држава.Решавањето на спорот со Грција е од клучно значење и е потребно што поскоро, подвлече американскиот владин претставник, образложувајќи дека „во интерес на обете земји, и на стабилноста на целиот регион, водачите на двете земји треба да преземат смели и решителни одлуки за да го решат прашањето, еднаш-засекогаш“.Заменикот-државен секретар за одбрана Александар Вершбоу, задолжен за меѓународна безбедност, рече дека Македонија, по бројот на мировници во сооднос на бројот на жители, дава голем придонес, а во Авганистан е меѓу првите пет земји. Членството на земјата во НАТО го нарече „незавршена работа“, како што и беше насловот на распитот, и важно за регионалната безбедност и стабилност.Иван Вејвода од Германскиот Маршалов Фонд укажа на, како што ги нарече, претпазливи назнаки дека можеби 2010-та ќе биде годината за решавање на спорот околу името.Говорејќи за идната американска политика на Западниот Балкан, Филип Гордон рече дека никаде на друго место на Стариот континент од Балканот не е поважна соработката САД-ЕУ, со крајна цел – комплетирана евро-атлантска интеграција, јави радио Глас на Америка на македонски јазик./крај/воа/мп
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска: Како никој не се сети да им каже во ЕУ дека самите во член 4 гарантираат немешање во внатрешните работи и почитување на уставните структури
Како може некому да ветите дека ќе го смените Уставот, кога Уставот може да го сменат само пратениците во Уставот. Како знаете, дека вие можете однапред да ветите нешто што не е ваша надлежност?, му порача кандидатката за претседателка од ВМРО-ДПМНЕ, Гордана Силјановска-Давкова на нејзиниот опонент Стево Пендаровски во телевизиско соочување вечерва.
„Деновиве Макрон даде изјава дека ЕУ не е само територија, туку е концепција на човештвото и правото. Е, од тоа тргнувам и јас кога размилувам за ЕУ. За нејзините темелни вредности и принципи без кои таа не е политине заедница туку е само машинерија. Значи таа не е догма. Што ќе направам јас? Најпрво ќе направам регионални чекори. Штом ќе завршат изборите јас сакам да разговарам со моите соседи и заради регионалната политика и заради очекуваната поддршка од нив. Сакам да објаснам дека и кога има една преговарачка рамка не е логична заканата со вето. И дека може, дури и кога преговарачката рамка е ваква, низ интерпретација поинаква да се примени. Од типот, ако вие речете дека нема да употребувате вето за идентитески прашања, за историските дилеми и слично, протоколите, туку за Копенхагенските критериуми, јас ќе бидам сосема согласна. Значи, мислам дека е време кога ќе се смени власта, да чуе што мислиме и ние. Оти тоа е дијалогот што е нужен за добрососедски односи. Ако некој не го кажувал и ова досега, веројатно и тогаш било се во нивни раце“, рече Силјановска-Давкова.
Понатаму, како што додаде, како никој не се сетил да им каже на оние од Советот и од Европската комисија и сите останати со тоа се рушат темелните вредности на ЕУ? Бидејќи ЕУ гарантира во членот 4 почитување на уставните и политичките структури, немешање во внатрешните работи, почитување на дигнитет и интегритет, различности, неставање на билатерални спорови во рамката. Ако тоа не го кажете, вие ќе останете на прагматичните решенија.
Доаде и дека ниту еден од темелите на кои почивала програмата на Пендаровски во 2019 година не останале. Сите се урнале и ништо не е остварено.
Македонија
СДСМ за Димитриевски: Ароганција е кога човек-партија одработува против своите довчерашни сопартијци
Ароганција е кога човек-партија одработува против своите довчерашни сопартијци и во тоа нема ништо социјалдемократски ниту вредносно туку единствено и само личен интерес, реагира СДСМ по обвинувањата кои ги упати Максим Димитриевски од ЗНАМ, дека дозволиле отварање на бугарски клубови во Македонија и нивната ароганција е ненадминлива.
„За тоа кој ги отвораше клубовите со имиња како Ванчо Михајлов адресата е Белиот дворец на ДПМНЕ. Многу позната адреса каде ЗНАМ ги договара идните чекори за соработка заедно со поддршката на Гордана Силјановска Давкова.
Освен сликите на Ванчо Михајлов по штабовите на ДПМНЕ доволно говорат сликите на Мицкоски со основачите на тие клубови по манастирите низ државава за кои не слушнавме ниту збор од ЗНАМ.
Дали е тоа поради враќање на стари долгови за локалните избори 2021 година во Куманово или нови долгови јавноста ќе види многу скоро“, се вели во реакцијата на СДСМ.
Македонија
Утревечер и во петок нестабилно време со пороен дожд и грмежи
Времето утре ќе биде променливо облачно.
Од пладневните часови на повеќе места ќе биде нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта. Минималната температура ќе биде во интервал од 6 до 12, а максималната ќе достигне од 18 до 25 степени.
Во Скопје променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени, јавува УХМР.
Во наредните денови, следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град.
Дневната температура од утре до сабота ќе биде во постепено опаѓање, а во недела ќе се покачи за 2 до 4 степени..