Македонија
ФФРМ и Конфедерацијата на работодавци ги унапредуваат односите
Федерацијата на фармерите на Македонија(ФФРМ) и Конфедерацијата на работодавачи планираат во иднина со заеднички активности да влијаат врз подобрувањето на работните услови во државата.
Федерацијата на фармерите на Македонија(ФФРМ) и Конфедерацијата на работодавачи планираат во иднина со заеднички активности да влијаат врз подобрувањето на работните услови во државата.
За таа цел, денеска во Скопје претседателите на ФФРМ Ѓоко Данаилов и на Конфедерацијата на работодавачи Миле Бошков, потпишаа Договор за соработка.
„На ваков начин ќе се овозможи двете организации да соработуваат и да ги усогласуваат своите ставови во врска со евроинтеграциите преку размена на информации, градење на заеднички ставови, подобрување на климата за деловни активности, како и соработка во насока на намалување на невработеноста и подобрување на економско-социјалниот дијалог во земјава“, изјави Данаилов.
Со договорот ќе се овозможи заеднички настап на Економско – социјалниот совет на Македонија и во Заедничкиот консултативен комитет на ЕУ и РМ, Копа-Кожека .
Според претседателот на Конфедерацијата на работодавачи Бошков потпишувањето на денешниот договорот значи уште една нова историја во подобрување на деловното опкружување во Македонија.
„Во заедничката активност планираме да ги подобриме работните услови во државата, со заедничко креирање на социјално – економските политики во земјата. Се надеваме дека ќе влијаеме и врз поттикнување на странски директни инвестиции, но мораме да потенцираме дека домашниот капитал според нас е најзначајниот“, изјави Бошков.
Тој најави и отпочнување на еден заеднички проект во истражувањето на сезонските вработувања во агробизнисот.
„Мислиме дека со оваа активност ќе придонесеме да се знае формалната бројка на вработените во овој сектор“, рече Бошков. /крај/со
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.