Министерот за социјална политика, демографија и млади Фатмир Лимани, денеска учествуваше на конференцијата насловена „Од Словенија до Северна Македонија: Синергијата на образованието и бизнисот во Северна Македонија, во организација на Амбасадата на Република Словенија, Македонската студентска организација во Словенија и Друштвото на словенечки и македонски стопанственици.

Целта на оваа конференција беше на едно место се соберат младите студенти, претставниците на институциите и стопанствениците, да се слушнат предизвиците со кои сме соочени како држава и заеднички да се работи на изнаоѓањето на решенија со кои ќе се подобри демографската слика на државата односно ќе ги вратиме младите дома, а на идните генерации да им се обезбедат услови за образование и напредок во својата земја.

Во своето обраќање пред присутните министерот Лимани се осврна на сериозноста на состојбата со младите од Македонија, кои се повеќе иднината ја гледаат во други држави. Притоа ја истакна заложбата на оваа Влада која ги препознава предизвиците со младите и заради подигнување на нивното значење во општеството, секторот млади го вгради како приоритетна област во Министерството за социјална политика, демографија и млади.

„Би сакал да се осврнам на едно од последните истражувања на Фондацијата Вестминстер за учеството на младите во социјалниот и политичкиот живот во државата, според кое 62% од младите би се отселиле од Македонија доколку им се пружи шанса, а уште посериозно е дека дури 77% од младите не би се вратиле назад во Македонија доколку се отселат. Како фактори кои влијаат на овие нивни одлуки се вбројуваат состојбите во образовниот систем, студентскиот стандард, здравството, како и можностите за вработување. Овие бројки, се алармот кој веќе е вклучен. Оваа состојба во која се наоѓа нашата држава е многу сериозна. И наша одговорност како Влада е да преземеме сериозни чекори ВЕДНАШ, за да го смениме овој негативен тренд,“ посочи Лимани.

Тој посочи и дека презентацијата на резултатите од анкетата спроведена од Македонската студентска организација во Словенија и излагањата на студентите од Универзитетите во Словенија за тоа како младите гледаат на можноста да се вратат во својата земја за да бидат дел од општествената заедница се патоказите кои треба да ги следиме, ако сакаме да постигнеме успех во решавањето на овој предизвик.

„Следејќи го овој негативен тренд на заминување на младите од државата и нивно останување таму, резултираше со креирање на конкретни политики и стимулативни мерки од страна на оваа Влада, која се обврзува да ги реализира по секоја цена. Еден од главните приоритети на кои ќе работиме е отворањето на нови работни места за млади, кое може да се постигне преку поддршка за претприемништво и стартапи, обезбедување финансиска поддршка и грантови за млади претприемачи, како и обуки и менторски програми за развој на бизнис вештини,“ рече Лимани.

Тој ги посочи и партнерства со приватниот сектор, поттикнување на инвестиции од домашни и странски компании, даночните олеснувања и субвенции, формирање на јавно-приватни партнерства за развој на нови проекти, поддршката на новите технологии и иновации, инвестициите во инфраструктурата и услугите во руралните подрачја, како дел од мерките кои ќе ги преземе оваа Влада.

„Сликата на заминување на младите студенти надвор од државата затоа што тука не успеале да се вработат и нивниот потенцијал не бил препознаен, ќе го замениме со нова слика. Ќе обезбедиме загарантирана понуда за работа за најдобрите студенти. Оваа мерка ќе придонесе кон намалување на невработеноста меѓу младите и да помогне во задржување на талентираните млади луѓе во земјата,“ посочи Лимани.

Тој на крајот на своето обраќање им порача на младите: „Нашите врати се отворени за вас, ајде заедно да ги креираме и реализираме идните младински политики.“

Од денес, Кисела Вода е првата општина во Македонија во која децата што имаат потреба, ќе добиваат бесплатни психолошки, логопедски и дефектолошки третмани, а професионална поддршка ќе има и за нивните семејства., најавија од општината.

Градоначалникот Орце Ѓорѓиевски заедно со „Гаспар” центар за психофизичко здравје и официјално го пуштија во употреба новоотворениот центар во Припор, за кој локалната самоуправа го обезбеди просторот, а Центарот за психофизичко здравје ,,Гаспар”, како што појаснија од општината го обезбеди стручниот кадар-тимот од логопеди, психолози, специјални едукатори и рехабилитатори. Обуки ќе има и за кадрите во училиштата и градинките, со цел сите деца да добијат соодветна и квалитетна поддршка.

– Општина Кисела Вода уште еднаш покажа дека е лидер во креирање на социјални мерки и услуги во интерес на граѓаните и дека наш врвен приоритет во работењето се нашите најмлади жители. Работејќи кон создавање подобри услови за живеење и активно вклучување на сите граѓани во заедницата, од денес во Припор функционира Центар за психофизичко здравје кој нуди логопедско-дефектолошки и психолошки услуги. Наша заедничка цел е да им овозможиме поголема достапност и полесен пристап на услугата на жителите на општината и да им помогнеме на семејствата во социјален ризик. Жителите на општина Кисела Вода кои согласно Закон за социјална заштита спаѓаат во категоријата на ранливи семејства и имаат потреба од оваа услуга ќе може да се обратат во новоотворениот центар во Припор. За сите останати наши жители, обезбеден е попуст. Соработката со Центарот за психофизичко здравје ,,Гаспар” продолжува и понатаму како на локално така и на национално ниво и наскоро ќе бидат промовирани и нови услуги кои им се потребни на нашите жители – изјави градоначалникот Орце Ѓорѓиевски.

Поминете 8 дена на Егејското Море, посетете ги Кушадаси и Ефес на турскиот брег и грчките острови Крит, Санторини, Миконос, Милос, посетете ја Атина. Едно од најпопуларните крстарења кај нас е Идиличниот Егеј. Крстарењето трае 8 дена (7 ноќевања) и вклучува застанувања во Кушадаси (Турција), Хераклион (Крит), Санторини, Миконос, Милос и Пиреа (Атина). Осмиот ден бродот се враќа на почетната точка – Солун.

Октомври е совршен за едно вакво патување. Ја нема гужвата на островите кои во текот на целото лето се преполни со туристи, а вие ќе имате можност поинаку да ги доживеете единствените Санторини и Миконос, да уживате во најубавото зајдисонце.

Кушадаси е најпрометното пристаниште за крстарење во Турција и е едно од најпознатите туристички центри на Егејско Море. Големиот избор на хотели, богатиот и ноќен забавен живот, благата медитеранска клима, неговите плажи го прават Кушадаси една од наајпосакуваните дестинации за одмор. Шаренилото од мали продавници и гостопримливоста на локалните жители се привлечни за секој турист и шопингот е неизбежен.

Крит е втората дестинација од ова крстарење. Крит е остров кој повторно и повторно ве повикува да се вратите. Доволно е само еднаш да го посетите за да се поврзете со него и засекогаш да ве следи во животот. На ова незаборавно крстарење, ќе имате можност да да се запознаете со богатата грчка историја, култура и традиции на локалното население и да ги пробате уникатните специјалитети од локалната кујна.

Санторини е познат како еден од најинтересните грчки острови по својата визуелност – со своите вулкани и бели куќички поставени наспроти живописното сино небо, не е тешко да се разбере зошто. Без разлика дали сте заинтересирани за фотографирање или едноставно само ве воодушевуваат прекрасните погледи, Санторини ќе ве натера да воздивнете на секој агол. Бели или сини фустани, кошули, е она што треба да го имате при посета на овој прекрасен остров. Сувенири има на сите страни, а рестораните и баровите кои се наоѓаат на самата калдрма се секогаш полни.

Островот Миконос е најпрестижната дестинација за одмор. Речиси и да нема светска ѕвезда која не го посетила овој остров. Тој е популарен како место за забава и деноноќни журки, но на островот може да уживате и во вистински луксуз.

Посетата на еден од најсончевите градови во светот токму во октомври е полн погодок. Во Атина, сонцето сјае приближно 270 дена годишно. Атина годишно ја посетуваат околу 18 милиони туристи а Акропол, Партенон и Храмот на Олимпија Зевс се три од многуте атракции што мора да се видат и кои привлекуваат милиони посетители секоја година.

Крстарењето е забава која треба да се доживее. Ноќен клуб, театар, барови, базен, ресторани со изобилство на храна… во ниеден момент нема да ви биде досадно. Нареден термин е 20 октомври со поаѓање од Солун. Бродот нуди можност за сместување во внатрешни и надворешни кабини ( цени од 1309 евра по лице).

ПР