Свет
Дрвокрадец вперил пиштол во полицајци
Дрвокрадец, завчера кај бензиската пумпа “Давос” на влезот од скопското село Арачиново им вперил пиштол на двајца полицајци кои се обиделе да го легитимираат, а потоа им избегал. Полицијата презема засилени мерки за негово пронаоѓање и фаќање како и за целосното расветлување на случајот.
ВООРУЖЕН ИНЦИДЕНТ НА ВЛЕЗОТ ОД СКОПСКОТО СЕЛО АРАЧИНОВО
Полициска патрола кај бензинската “Давос” сопрела камион полн со дрва, во кој покрај возачот биле уште две непознати лица, а кога на возачот му побарале возачка дозвола и документи за дрвата, тој почнал да се ра
Дрвокрадец, завчера кај бензиската пумпа “Давос” на влезот од скопското село Арачиново им вперил пиштол на двајца полицајци кои се обиделе да го легитимираат, а потоа им избегал. Полицијата презема засилени мерки за негово пронаоѓање и фаќање како и за целосното расветлување на случајот.
Како што информираа во полиција, инцидентот се случил околу 20 часот пред бензиската пумпа “Давос” кога полициска патрола сопрела камион полн со дрва, во кој покрај возачот биле уште две непознати лица. Тогаш еден од полицајците од возачот побарал да му даде возачка дозвола и документи за дрвата. Изреволтиран од полицајците кои си ја вршеле службата возачот на камионот почнал да се расправа и во еден момент го извадил пиштолот и го вперил во полицајците држејќи ги на нишан. Додека тие се расправале и се убедувале возачот да не пука, околу нивпочнале да се собираат минувачи. Кога бројот на насобраните се зголемил, возачот успеал да се пробие, се качил во камионот и со голема брзина избегал кон Арачиново. Тогаш полицијата со намера да го спречи бегството припукала, но никој не бил повреден.
За инцидентот биле известени и во полициската станица во Арачиново кои извршиле увид и трагаат по дрвокрадецот. (П.А.Л.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Свет
Четворица тинејџери под истрага за нападот на германскиот пратеник во Европскиот парламент Матијас Еке
Четворица германски тинејџери се под истрага за нападот врз германскиот пратеник во Европскиот парламент (ЕП) Матијас Еке, кога беше тешко повреден и му беше потребна операција, соопшти полицијата.
Полицијата соопшти дека 17-годишникот дошол во полициската станица во саботата и рекол дека бил вклучен во нападот врз Еке, а полицијата идентификувала уште тројца напаѓачи во неделата, откако ги пребарала нивните домови и собрала докази, објави Ројтерс.
Сите четворица се германски државјани на возраст од 17 до 18 години.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.