Свет
Три фирми добиваат 30 милиони евра за лекови
Фармацевтските компании „Реплек“, „Д-р Пановски“ и „Промедика“ се први на листата на веледрогерии според парите што им биле исплатени од Фондот за здравство за набавка на лекови од позитивната листа, велат од Фондот.
КАКО СЕ ДЕЛИ КОЛАЧОТ ОД ПОЗИТИВНАТА ЛИСТА
Адријана Георгиев
Фармацевтските компании „Реплек“, „Д-р Пановски“ и „Промедика“ се први на листата на веледрогерии според парите што им биле исплатени од Фондот за здравство за набавка на лекови од позитивната листа, велат од Фондот.
Во 2005 година, по тендери распишани од Фондот за здравствено осигурување, набавени се лекови од позитивната листа во вредност од приближно 61 милион евра. Од овие пари, кај „Реплек“ отишле 11, 5 милиони евра, „Д-р Пановски“ добила околу 11 милиони евра, а „Промедика“ 8,5 милиони евра. Следни на листата се „Алкалоид“ и „Алкалоид конс“ со 5,4 милиони, односно 1,4 милиони евра. Во поделбата на колачот од позитивната листа учествувале и фирмите „Зегин“ со 4,7 милиони евра, „Кемофарм“ со 4,3 милиони евра, „Крка фарма“ со 3,2 и „Фарматрејд“ со 2,4 милиони евра. Со помалку од 16 милиони евра учествувале фирмите „Хемофарм комерц“, „Макимпорт“, „Ветфарм“, „Варус“ и уште 15 помали веледрогерии.
Новата позитивна листа, која се уште се наоѓа на процена во Фондот за здравствено осигурување ќе биде проширена за околу 130 нови генерики на лекови. Предложени биле препарати што се продаваат и по цена од 2.000 до 3.000 евра. Ова значи дека борбата да се земе што поголем дел од колачот, овој пат ќе биде уште поголема.
Лани трошоците на Фондот за здравствено осигурување биле околу 247 милиони евра. Од нив, 98 отсто се трошоци за здравствената дејност и осигурување, а само 5 милиони евра биле одделени за администрација и за функционирање на Фондот.
Во трошоците за здравствена дејност се вклучени здравствените услуги, на кои минатата година се потрошени 223 милиони евра, надоместоци за осигурениците и капитални расходи во јавните здравствени установи. Околу 216 милиони евра мината година биле префрлени во здравствените установи и од нив најмногу добиле болниците. Во распределбата на парите, Клиничкиот центар добил најмногу.
Според извештаите на Фондот, болниците во 2005 година трошеле многу повеќе пари за плати и надоместоци, отколку за лекови за болните.
За лекување во клиниките во странство, Фондот лани рефундирал само 2,6 милиони евра.
Покрај лекови за примарната здравствена заштита, за болници, за импланти, за потрошен материјал и за реагенси, Фондот одделил високи суми пари и за набавка на цитостатици, за лекови за дијабетес, за интерфероните и за лекови и материјали за дијализа.
Заради парите со кои располага Фондот за здравство, директорската функција во оваа институција е исто толку посакувана колку и министерската. Фондот раководи со здравствените пари, па оттаму не е чудно што досега речиси сите директори од оваа функција заминуваа со некаков скандал. Војо Михаловски заради злоупотреба на службената дејност заврши на суд, а Рубинчо Заревски беше сменет само неколку месеци по назначувањето.
Контролата во работењето на Фондот ја прават комисии од Министерството за здравство и од Министерството за финансии. Независно од нив контроли еднаш годишно прави и Државниот завод за ревизија. На прашањето колкава е моќта на првиот фондовец, експертите велат дека се зависи од политиката и од личноста која е на функција.
– Директорот ја раководи здравствената каса, но не е комплетно независен бидејќи министерот има право да стави вето на секоја негова одлука. Тоа значи дека овие две функции се меѓусебно поврзани – велат експертите.
За да се спречат идните скандали, новата влада најави дека со Фондот во наредните четири години ќе раководи менаџер од странство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Путин се сретна со Виткоф
Рускиот претседател Владимир Путин денес го прими специјалниот пратеник на американскиот претседател Стивен Виткоф.
Средбата се одржува во Кремљ, соопшти прес-службата на рускиот претседател, пренесува ТАСС.
Специјалниот пратеник на Соединетите Американски Држави, Стив Виткоф, денес пристигна во Москва, каде што го пречека генералниот директор на Рускиот фонд за директни инвестиции (RFDIF), Кирил Дмитриев, по што го посетија паркот Зарјадје во Москва.
Двајцата функционери поминаа околу час и половина во ресторанот, по што прошетаа во паркот, ја посетија платформата за набљудување и ја разгледаа панорамата на Москва, пренесува Риа Новости.
Според извештајот, тие разговарале во „пријателска атмосфера“, со присуство на обезбедување.
Виткоф не одговори на прашањата на новинарите за претстојните преговори, ниту за планираните средби.
Портпаролката на Стејт департментот, Тами Брус, потврди дека Виткоф ќе ја посети Русија, но не коментираше конкретни детали од посетата.
Ова е петта посета на Виткоф на Русија од почетокот на годината.
Последните две посети беа на 11 и 25 април, кога се сретна со рускиот претседател Владимир Путин.
Фото: принтскрин
Регион
Одземен претседателскиот мандат на Милорад Додик: тој веднаш одговори
Централната изборна комисија на Босна и Херцеговина му го одзеде мандатот на правосилно осудениот претседател на Република Српска, Милорад Додик. Одлуката беше донесена едногласно на денешната седница.
Додик е осуден на една година затвор и шест години забрана за вршење службени функции, потсетуваат медиумите во регионот.
Според Изборниот закон на БиХ, на секој што ќе биде осуден на правосилна затворска казна од шест месеци или повеќе, ќе му биде прекинат мандатот.
Одбраната на Додик има право да поднесе жалба на оваа одлука до Апелацискиот оддел на Судот на БиХ, кој ги разгледува изборните жалби. По завршувањето на жалбената постапка, одлуката ќе биде конечна, објавува „Кликс“.
По тоа, ЦИК, во законскиот рок од 90 дена, мора да распише предвремени избори за претседател на ентитетот РС.
„Уште едно срa*е од Сараево. Последното“, напиша Додик на „Икс„ по одлуката на ЦИК.
Додик претходно објави дека додека е претседател на РС, нема да дозволи предвремени избори.
Суад Арнаутовиќ, член на Централната изборна комисија на БиХ, изјави дека поради разните толкувања на правните експерти, постојат сомнежи за постапките на ЦИК по пресудата на Додик.
„Донесуваме декларативна одлука според одредбите од законот. Како што е случајот според член 1.10 од Изборниот закон, кога некој ќе почине, кога некој ќе поднесе оставка и кога некој ќе биде осуден. Ние дејствуваме според силата на законот, нема можност ЦИК да не ја спроведе оваа одлука“, рече Арнаутовиќ.
Исто така, ЦИК побара од надлежните полициски органи да обезбедат полициска заштита на своите членови откога биле под притисок пред наведената одлука, пишува „Н1 БиХ“.
Инаку, Додик од 2010 година трипати ја извршуваше функцијата претседател на РС, со исклучок на периодот од 2018 до 2022 година кога беше член на Претседателството на БиХ, пишува „Дневни аваз“.
Фото: принтскрин
Регион
Додик по одземање на мандатот: Уште едно с**** од Сараево
Централната изборна комисија на БиХ (ЦИК) денес му го одзеде мандатот на Милорад Додик како претседател на Република Српска, врз основа на конечна пресуда на Судот на БиХ, со која тој беше осуден на една година затвор за неспроведување на одлуките на високиот претставник на меѓународната заедница.
ЦИК едногласно му го одзеде мандатот на Додик (66) како претседател на ентитетот, на седница одржана во Сараево, заклучувајќи дека тоа е во согласност со одредбите од Изборниот закон на БиХ, кој предвидува таква мерка за секој избран функционер осуден на затворска казна од повеќе од шест месеци.
Додик сè уште има можност да поднесе жалба на оваа одлука, која може да ја поднесе до Апелациониот оддел на Судот на БиХ, што е механизам што се применува во случаите на сите одлуки на ЦИК на БиХ.
Конечната пресуда на Судот на БиХ, објавена на 1 август, исто така му забрани на Додик политичка активност во период од шест години. Во пракса, ова значи дека тој не може да биде кандидат на избори за која било функција или да биде назначен на која било позиција во органите на извршната, законодавната или судската власт, или во која било институција чија работа е целосно или делумно финансирана од јавни средства.
Доколку сака да ја продолжи својата политичка кариера, Додик ќе може да го стори тоа дури откако ќе наполни 72 години, откако суверено ги управуваше политичките процеси во РС речиси две децении, доведувајќи го во прашање опстанокот на БиХ како држава, поради што беше под санкции од САД, Велика Британија и некои земји-членки на ЕУ.
Тој не мора нужно да оди во затвор бидејќи може да побара оваа казна да се замени со парична казна со плаќање на 100 конвертибилни марки, или 50 евра, во државниот буџет за секој ден што го поминува зад решетки. Таквото барање мора да биде одобрено од судот што ја донел пресудата.
Изборниот закон на БиХ предвидува нови избори да се распишат во рок од 90 дена по завршувањето на мандатот на претседателот на РС, но уставот и законите на ентитетот не утврдиле прецизно кој ќе ја извршува претседателската функција во меѓувреме.
Веднаш по изрекувањето на пресудата, првата лута реакција на Додик беше дека нема да се повлече од функцијата претседател на РС, ниту пак ќе дозволи предвремени избори или отворање на гласачки места на територијата на тој ентитет.
Још једно срање из Сарајева.
Посљедње.— Милорад Додик (@MiloradDodik) August 6, 2025
„Уште едно срање од Сараево. Последното“, напиша тој на X.
Фото: ЕПА
Хелсиншкиот комитет го осудува националистичкото скандирање на фудбалскиот натпревар меѓу Шкендија и Карабах
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
Над 360 лица ќе ја искористат мерката на Владата за пожарникари
Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе...
ОН предупреди на катастрофални последици ако Израел ги прошири своите воени операции во Газа
Висок функционер на Обединетите нации предупреди дека може да има „катастрофални последици“ ако Израел ги прошири своите воени операции во...
Хирошима: 80 години од првата атомска бомба во светот која уби над 100.000 луѓе
Јапонскиот град Хирошима одбележува 80 години од американскиот нуклеарен напад што го уништи градот и одзеде десетици илјади животи. Хирошима...
Трамп именува наследник
Претседателот на Соединетите Американски Држави, Доналд Трамп, денес посочи дека потпретседателот Џ. Д. Венс би можел да биде неговиот најверојатен...
Српскиот министер кој доживеа мозочен удар во емисија е свесен, но сè уште е во критична состојба
Министерот за јавни инвестиции на Србија, Дарко Глишиќ, се разбуди по операцијата поради мозочен удар и е свесен, но има...
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули, што е речиси 7 отсто од вкупната...
(Видео) Охридско лето со концерт на Ана Дурловски го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
