Свет
Се обединија хакерите од Anonymous и LulzSec, најавуваа апокалипса
Две од најголемите и најпопуларни хакерски групи во светот Anonymous и Lulz Security, објавија дека ќе се обединат за да извршат најмасовната акција против светските влади
Како што соопштија хакерите, целта на нивната операција „Operation Anti-Security“ (Операција анти-безбедност) е кражба на сите чувствителни информации од различни влади во светот. „Ќе ја споиме секоја возможна група, мала или голема, да отвори оган врз секоја влада или агенција, којашто ќе ни се испречи на патот“, се наведува во соопштението на Lulz Security што го цитираа светските агенции.„Навистина сакаме да го видиме зборот AntiSec на секоја од владините интернет страници, нешто како пишување графити. Распространувајте го зборот AntiSec на долго и широко, зашто тој се помни. За да се случи тоа се обединуваме со Anonymous и сите други групи“, се додава во соопштението. Lulz Security стои зад неколку од најголемите хакерски напади извршени последните седмици, меѓу кои беа и нападите врз серверите на Nintendo, како и партнерската организација на американското ФБИ – InfraGard. Организацијата ја презема одговорноста и за „туркањето“ на интернет страницата на американскиот Сенат, што го сторила „само за загревање“.Според твитот на официјалниот профил на хакерската група „сега е време за анархија“. Главен приоритет на хакерите ќе биде кражбата на класифицирани владини информации и преписки. „Основна цели се банките и другите организации од тој ранг. Ако сакаат да го цензурираат нашето напредување, ние ќе ја спречиме цензурата со оружен оган“, се наведува во соопштението на Lulz Security.Група хакери кои себеси се нарекуваат Lulz Security или Lulz Boat продолжи во понеделникот минатата седмица со серијата силни „хакнувања“ а на својата интернет страница објави за успешен напад врз внатрешната мрежа на американскиот Сенат.„Здраво пријатели! Не сме и’ многу мили на американската влада. Нивните бродови се слаби, нивните шеги не се смешни, но и нивните интернет страници не се многу сигурни“„ се вели во соопштението на сајберхулиганите, по што следува долг список на датотеки наводно украдени од серверите на Горниот дом на Конгресот на САД.„Ова е мало, направено за објавување на дел од внатрешните податоци од (страницатат) Senate.gov“, предупредуваат од Lulz Sec..Експерти за компјутерска безбедност за Reuters потврдија дека хакерите навистина ја пробиле внатрешната мрежа на Сенатот, но не можеат да кажат дали објавените со јавен пристап фајлови се класифицирани како „строго доверливи“.Претставникот на парламентарните служби одговорни за безбедноста на американскиот Конгрес, рече дека неговата служба ќе го испита инцидентот.При крајот на мај, истата група хакери, незадоволни од документарниот филм за активностите на Wikileaks, прикажан од американската телекомпанија Public Broadcasting Service (PBS), ја хакираа интернет страницата и на неа поставија материјал од починатиот рапер Тупак Шакур, кој наводно се’ уште живее во Нов Зеланд.Покрај прилог за Тупак, хакерите на интернет страницата на телевизиксата компанија поставиле и украдени лозинки и други сопственички информации од PBS. Неколку дена подоцна, од Lulz Sec. соопштија за кражбаат на податоци за милион корисници на интернет сервисот PlayStation Network, во сопственост на електронски гигант Sony..На 25-ти мај беше објавено за хакерскиот напад врз интернет страницата на Sony Ericsson кој резултираше со истекување на личните податоци на околу две илјади клиенти. Според експертите, нападот врз страницата на јапонско-шведската компанија Sony Ericsson првенствено бил насочен кој јапонскиот Sony. Неодамна во целиот свет беше изведен бран од сајбер напади а само последните неколку дена од мај стана познато дека се компромитирани четири интернет ресурси на Sony.При последниот напад неидентификувани лица успеале да добијат неовластен пристап до базата со податоци која содржи информации за регистрирани корисници на канадската онлајн продавница на Sony Ericsson eShop.Како што објави интернет страницата The Hacker News, по влезот хакерите на интернет објавиле фајл со имиња, адреси на електронската пошта и лозинки (лозинките на корисниците не се дадени откриено, туку се трансформираат преку хеш-функцијата).Како што пишуваше Cnet, хакерите ја нападнале интернет страниците на јапонската, грчката и индонезиската подружница на Sony Music Entertainment. При хакирањето на грчката страница истекле лични податоци на повеќе од осум илјади корисници. Листата на компромитиран лични информации вклучува имиња и лозинки, телефонски броеви и адреси од електронска пошта.Според податоците на The Hacker News , нападите врз Sony Ericsson и Sony Music Entertainment биле технички слични, спроведени со помош на ткн SQL-инјекција. Овој метод овозможува со помош на специјално подготвен пребарувач на серверот да се добие пристап до системот ист каков што имаат администраторите во однос на просечниот корисник.Околу 18-ти мај интернет страницата на тајландската филијала на Sony, една од страниците на ресурсот, беше заменета од страна на непознати лица, најверојатно со цел да се измамат банкарски податоци на посетителите на ресурсот. Покрај тоа, исто така кон средината на минатиот месец, хакери успеале да ги турнат ресурсите на јапонски интернет провајдер So-net, во сопственост на корпорацијата Sony.Серијата напади против Sony започна во април, кога хакерската група Anonymous извесен период извади од функција неколку веб сајтови на корпорацијата. Скорешниот потоа напад на забавните сервиси Sony PlayStation Network, Qriocity и Sony Online Entertainment беше причината за истекување на личните податоци на повеќе од 100 милиони корисници. Како што очекува корпорацијата, загубата поради хакерскиот напад би можела да изнесува повеќе од 170 милиони долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
ЕУ подготвува план Б доколку Трамп ги напушти преговорите за Украина
Европската унија подготвува план Б за тоа како да ги задржи економските санкции против Русија доколку администрацијата на американскиот претседател Доналд Трамп ги напушти мировните преговори за Украина и се приближи до Москва, изјави денеска за „Фајненшл Тајмс“ високата претставничка на ЕУ за надворешна политика и безбедност, Каја Калас.
„Гледаме знаци дека размислуваат да ја напуштат Украина и не се обидуваат да постигнат договор со Русите бидејќи е тешко“, рече Калас, мислејќи на САД.
Таа додаде дека постои план Б, но дека прво мора да се работи на остварување на планот А.
Калас, исто така, рече дека се водат разговори со Вашингтон и другите меѓународни партнери за да се осигура дека западните санкции против Русија ќе останат во сила, пренесе Ројтерс.
Регион
Уапсен шпион во Грција, осомничен за поврзаност со Русите
Етнички Грк од Грузија е уапсен во Александрополи, североисточна Грција, под обвинение за шпионажа, откако властите пронашле фотографии и видеа од воени објекти и опрема на неговиот мобилен телефон, пишува грчки Екатимерини.
Според грчката полиција, осомничениот испратил чувствителни материјали на неидентификуван примач во странство користејќи шифрирана апликација за комуникација. Според грчките медиуми, постои сомневање дека мажот фотографирал, снимал и дистрибуирал материјали од воено значење најмалку шест месеци.
Апсењето е извршено за време на заедничка операција на Националната разузнавачка служба (ЕЈП) и Одделот за криминалистичка истрага и гонење во Александрополи.
При прелиминарниот распит, осомничениот, наводно, признал дека фотографирал и снимал воени локации за друго лице. Според државната телевизија ЕРТ, властите веруваат дека мисијата можеби вклучувала планови за можна саботажа на воени објекти.
Лицето кое го регрутирало осомничениот е наводно член на меѓународна криминална мрежа и поврзан со руската воена разузнавачка служба ГРУ. Човекот признал дека првично му била понудена парична отштета, но на крајот постапил доброволно „за мајка Русија“. Тој, наводно, им рекол на истражителите дека во младоста служел во руската армија во Сибир.
Националната разузнавачка служба ја продолжува истрагата за да го утврди целосниот обем на операцијата, заклучува Екатимерини.
Свет
Лондон и Париз разговараат за признавање на палестинската држава
Велика Британија ќе води разговори со Франција и Саудиска Арабија за признавање на палестинската држава на конференција во јуни, која двете земји ја организираат за да го задржат политичкиот пат кон решение за две држави на Блискиот Исток, изјави денеска британскиот министер за надворешни работи Дејвид Лами.
Ова е првпат Обединетото Кралство јавно да потврди дека е во преговори со Франција за процесот на признавање на Палестина во контекст на претстојната конференција.
Британското и француското признавање на Палестина би испратило силна политичка порака, но таа се соочува со голем број дипломатски пречки, вклучувајќи ја потребата од поголема јасност околу француските предлози и прашањето дали признавањето може да биде дел од кредибилен процес кон решение со две држави, на што се противи Израел, пишува Гардијан.
Лами изјави пред Комитетот за меѓународни односи на Домот на лордовите дека Обединетото Кралство сака да го преземе тој чекор доколку има вистинско влијание на теренот, а не само симболично, додавајќи дека неговиот тажен заклучок е дека недамнешните признавања на Палестина немале ефект.
Потсетувајќи дека 160 земји веќе ја признаа Палестина, вклучувајќи ги неодамна Шпанија, Норвешка и Ирска, Лами рече: „Никој нема право на вето кога Обединетото Кралство ќе признае палестинска држава… Секогаш сме тврделе дека признавањето не е цел сама по себе и дека претпочитаме признавање како дел од процесот на две држави“.
„Претседателот Макрон зборуваше за тоа, последен пат заедно со Саудијците, и секако во моментов сме во разговори со нив“, додаде Лами.
Тој посочи дека во разговорите со Катар минатата недела, нагласил дека секое долгорочно решение ќе бара Хамас да не биде на власт во Газа и неговото раководство да го напушти регионот.
Тој прифати дека брзото проширување на населбите ја поткопува одржливоста на решението за две држави и го оцени нивото на насилство поврзано со населбите како „шокантно“. Минатата година, рече тој, на Западниот Брег биле изградени 59 нови диви населби, додека просекот за претходните 25 години бил седум.
Последните шпекулации за признавање на Палестина ги поттикна претседателот Емануел Макрон по неговото враќање од Египет на 9 април, кога рече дека Франција веројатно би можела да ја признае Палестина на конференција во јуни. Тоа ќе биде првпат членка на Г7 да ја признае Палестина.
Неколку дена подоцна, Макрон појасни дека потегот треба „да поттикне низа други признавања… вклучувајќи го и признавањето на Израел од страна на земјите кои во моментов не го признаваат“, што би можело да и дозволи на Франција да го повлече признавањето доколку не се постигне напредок.
Израелскиот премиер Бенјамин Нетанјаху потоа му се јави на Макрон и му кажа дека признавањето на Палестина ќе биде победа за Хамас и Иран.
Доналд Трамп треба да ја посети Саудиска Арабија овој месец, каде Ријад сигурно ќе му каже дека нормализацијата на односите меѓу Саудиска Арабија и Израел не е можна без кредибилен пат кон решение со две држави.
ССМ утре на протест со истото барање како и лани: Протестираме за најмалку 500 евра минимална плата
Исто како и на ланскиот првомајски протест, и оваа година Сојузот на синдикатите на Македонија (ССМ) ги повика работниците и...
Незаконски и неуставно е одобрението за отворање на приватното средно училиште „Медресеја Иса Беу“ во Кондово, одлучи Уставниот суд
Уставниот суд денеска ја укина одлуката за давање одобрение за основање на приватното средно училиште „Медресеја Иса Беу“ во село...
(Фото) Злато, сребро, лаптопи, велосипеди и друга стока запленети од Царинската управа при откриени обиди за шверцување
Царински службеници на граничен премин Богородица спречија обид за криумчарење на сребрен накит во вредност од 430.880 денари. Сребрениот накит...
Димитровска: Осомничениот ми е семеен пријател, разговорите не се поврзани со „Адитив“
Петседателката на Комисијата за спречување на корупцијата, Татјана Димитровска, вели дека еден од осомничените од случајот „Адитив“, во кој и...
50-годишник од Охрид повеќепати силувал малолетничка, која се породила во март годинава
СВР Охрид поднесе кривична пријава против 50-годишниот С.Т. од Охрид, поради постоење основи на сомнение за сторено кривично дело „силување...
Вонреден состанок на Божиновска и Бислимовски: МЕПСО може да исклучува фотоволтаици за стабилен систем за 1 Мај
По насока на министерката за енергетика Сања Божиновска, за претстојниот празник 1 Мај повторно ќе се активираат мерките што беа...
„Дали криминалот во „Глобал“ тежок 8 милиони евра, за кој Заев беше амнестиран, е дело на кое Филипче се воодушевува и од кое народот треба да учи“, прашува ВМРО-ДПМНЕ
„Владеењето на Зоран Заев, како на локално, така и на централно ниво беше проследено со криминални и корупциски скандали. Во...
СДСМ: Мерките на Владата за намалување на цените беа неуспешни, граѓаните плаќаат највисоки цени во регионот
„Економската криза сè повеќе го погодува џебот на граѓаните, а Владата предводена од ВМРО-ДПМНЕ не само што не успеа да...
„Влен“: По 22 години измама, носиме канализација во Зајас на Али Ахмети
„Кичево, градот што беше заборавен од минатите влади повеќе од две децении, денес се враќа на мапата на сериозни инвестиции...
(Видео) Кина објави драматична снимка со порака до САД: „Нема да потклекнеме“
Министерството за надворешни работи на Кина објави драматично видео на социјалните мрежи како директен одговор на политиките на американскиот претседател...
(Видео) Трамп: Златната доба на Америка доаѓа; УПС: Ќе поделиме 20.000 откази поради царините
Американскиот логистички гигант УПС вчера објави отпуштање на околу 20.000 работници и затворање на повеќе од 70 објекти низ САД,...
Човек на Трамп: Предлогот на Путин е апсурден
Кит Келог, специјалниот претставник на американскиот претседател Доналд Трамп за Украина и Русија, го отфрли предлогот на рускиот претседател Владимир...
Партиите од ВЛЕН отсега ќе делуваат како еден политички субјект
Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како...
(Видео) Запален домот на Александар Пандов: Нема да не запрат и нема да не поколебаат
Директорот на Управата за извршување на санкции, Александар Пандов на социјалните мрежи објави дека му бил запален домот. „Ова е...
Мицевски: Интерпелацијата за министерот Тошковски не доби поддршка
„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ. „Потребна е...
(Видео) Петровска: Тошковски ја контаминираше истрагата за Кочани
„Трагедијата во Кочани точно е дека е резултат на системски пропусти, ама системот, колеги, има име и презиме или имиња...
(Видео) Меџити: И покрај нашите понуди тие одлучија да бидат заедно со ДУИ и со Ахмети, Таравари има пофалби за владеењето на ДУИ, а избега од тоа владеење
Првиот заменик претседател на Владата и министер за животна средина и просторно планирање Изет Меџити на прес-конференција извести дека вечерва...
Родителите на загинатите му кажаа на Тошковски дека не му веруваат и прашаа зошто обвинетите кои се во домашен притвор шетаат по улици
Родителите на загинатите во Кочани успеаја да го извадат надвор министерот за внатрешни работи, Панче Тошковски откога јавно му порачаа...
Родителите на загинатите се пред МВР: И без душа и без дете, ние пеш дојдовме, сега нека излезе Тошковски место ние да влеземе
Родителите и роднините на загинатите во Кочани стигнаа пред Министерството за внатрешни работи. Решија да дојдат пред Министерството откога министерот...
Тошковски вели дека не е направен пропуст од страна на МВР во случајот со „Пулс“
Во Собранието почна расправата за интерпелација на министерот за внатрешни работи, Панче Тошковски, поднесена од пратеничката група на партијата Левица....
