Македонија
Градете куќи до 10,2 метри високи
Куќите за живеење да бидат високи 10,2 метри, а станбените згради 25, односно 30 метри, се пропишува со предложените измени на Законот за просторно и урбанистичко планирање
Деловите од касарните во Македонија, кои нема да ги користи Министерството за одбрана, во иднина ќе може да се користат за друга намена. Тоа ќе се овозможи со предложените измени на Законот за просторно и урбанистичко планирање, врз основа на кои без промена на генералните урбанистички планови, и само со детален урбанистички план, земјиштето на касарните ќе се планира и за други намени. “Голем дел од касарните во генералниот план се ставени како сиви зони. Сега директно со детален урбанистички план просторот од касарните кои нема да ги користи Министерството за одбрана може да се користат за различни намени“, рече денеска на прес-конференција министерот за транспорт и врски Миле Јанакиески. Запрашан од новинарите дали просторот на сегашната касарна Илинден во Скопје ќе се намени за изградба на резиденцијален објект, Јанакиески потврди дека ќе има пренамена на дел од просторот, но не прецизира каква. “Во соработка со другите министри и со општините деновиве треба да одлучиме што ќе се планира на дел од просторот на касарната Илинден, додека другиот дел ќе остане во функција на Министерството за одбрана“, рече Јанакиески. Како што објасни министерот за транспорт и врски, законските измени ќе овозможат дополнителна децентрализација во планирање на просторот и можности за граѓаните да ги урбанизраат своите простори за покусо време, без да бидат изложени на какви било манипулации и административни бариери.Со новите законски измени се пропишуваат и максимално дозволени вредности на урбанистичките параметри за градби на куќи и на станбени згради. “При изработка на урбанистички планови за куќи процентот на изграденост на градежната парцела мора да биде 70 отсто. Висината на градбата, пак, е фиксна и мора да биде максимум 10,2 метри“, вели Јанакиески. На тој начин, според него, ќе се овозможи поголема искористеност на просторот за градба. За станбените згради, просторот на кој ќе се наоѓаат, исто така, ќе биде со 70-отстотна искористеност, со тоа што, во однос на висината, за градежна површина од 500 до 1.000 метри квадратни, пропишано е најмалку 25 метри, а за површина над 1.000 метри квадратни, најмалку 30 метри.Сите граѓани ќе имаат законска можност да покренат иницијатива за урбанизирање на просторот, на која општината ќе мора да одговори во рок од три месеци. Во спротивно, одговорното лице од општината ќе биде казнето со глоба од 3.000 до 5.000 евра. Со предложениот закон се предвидува и мислењето на нацрт-плановите кое сега го издава Министерството за транспорт и врски, да го дава комисија формирана од градоначалниците на општините и градоначалникот на Градот Скопје. Дел од Предлог-законот е и воведување државна и локална урбанистичка планска документација, како нови инструменти во планирањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мојсоска: На 8 мај младите ќе стават крај на истрошените елити кои немаат што да понудат
Левица како нова генерација млади политичари на овие избори настапува со радикална антикорупциска платформа. Битола од економски гигант во време на криминалната приватизација стана рекордер на невработеност. Младите паметат како нашите родители остануваа на улица додека се богатеа поединци, изјави Јована Мојсоска, генерален секретар на Левица
– Се бориме за донесување Закон за потекло на имот на сите носители на јавни функции од почеток на транзиција до денес. На овој начин мора да се стави крај на криминогените партии кои ја уништија иднината на младите генерации. Наместо амнестија која ја видовме во Собранието, нашата автентична програма се залага за незастарливост на криминалот извршен од јавни функционери. На 8-ми мај младите ќе се обединат околу идејата на Левица за да стават крај на владеењето на корумпираните и истрошени политички елити кои немаат веќе што да понудат – вели Мојсоска.
Македонија
Глас за СДСМ е глас за поголеми плати и унапредени работнички права, велат од СДСМ
Глас за СДСМ на 8-ми мај е глас за поголеми плати и унапредени работнички права, велат од СДСМ.
„СДСМ ја зголеми минималната плата за скоро три пати од 8.000 на 22.500 денари и таа ќе продолжи да расте со воспоставена методологија. Просечната плата е двојно зголемена, во однос на 2016 година на речиси 40.000 денари. Платите во образованието и здравството се двојно поголеми, покачени се платите во образованието, полицијата, армијата, социјалните служби, во сите сектори. СДСМ беше рамо до рамо со работниците во време на големите кризи – економската, енергетската и здравствената, помогна да се спасат илјадници работни места“, дополнуваат од СДСМ.
Како што велат, со СДСМ е можен европски животен стандард, со просечна плата од 1.100 евра и минимална плата од 600 евра.
„Програмата за млади предвидува по 200 евра за прво вработување за млади до 26 години, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра. Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари. Работниците и нивниот труд се двигател на секоја економија, на секоја држава. СДСМ нема да се откаже од унапредување на работничките права, раст на платите, подобро платени работни места“, завршуваат од СДСМ.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.