Македонија
Потпишаан Меморандум за соработка на проектот „Поддршка за реформите во јавната администрација“
Министерот за информатичко општество и администрација, Иво Ивановски и амбасадорот на Обединетото Кралство во Република Македонија, Кристофер Ивон, во вторник го потпишаа Меморандумот за соработка за финансирање на проектот „Поддршка за реформите во јавната администрација“.
Целта на проектот е да се поддржи воспоставување и менаџирање на процесот на управувањето со човечки ресурси базиран на компетенции во администрацијата на Република Македонија.
Министерот Ивановски истакна дека досега се преземени и остварени повеќе иницијативи за соработка со Обединетото Кралство, кои помогнаа во создавањето и развојот на сервисно ориентирана професионална администрација.
„Воведовме признати меѓународни методи за оценка и подобрување на квалитетот на работата и управувањето во администрацијата, како што е CAF програмата. Остваривме подготовки и обуки на средното раководство за примена на системот темелен на компетенции во уредувањето на систематизациите, постапките на вработување, стручно усовршување и развој на вработените. Во тие рамки спроведени се 22 обуки на централно и на локално ниво, со преку 440 обучени вработени лица од средното раководство“, рече министерот Ивановски.
Тој додаде дека новите програми во наредниот период, преку експертска и техничка помош, ќе придонесат кон професионален развој на вработените и унапредување на нивните компетенции за да обезбедат ефективен сервис за граѓаните, преку обуки, менторство, дебати и работилници, прирачници и сл.
„Во наредната година, програмата ќе биде насочена и кон подготовка на кандидатите за вработување и интервјуирање темелено на компетенции, кое има за цел да придонесе кон понатамошна професионализација на администрацијата во Република Македонија“, додаде Ивановски.
Британскиот амбасадор, Кристофер Ивон, од своја страна истакна дека резултатите од овој проект ќе бидат видливи за неколку месеци, што ќе придонесе за поголема професионализација на администрацијата и поголема услужност за македонските граѓани.
Според него, тоа е уште еден чекор на Обединетото Кралство во поддршката за Република Македонија на патот кон членството во ЕУ. /крај/со/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Поединци на Европскиот фронт избегаа од Али и се во секојдневна комуникација со Мицкоски“, рече Изет Меџити
Лидерот на Демократското движење и носител на Листата за пратеници во првата единица на коалицијата ВЛЕН, Изет Меџити изјави дека Европскиот фронт ќе се распадне по изборите на 8 мај, притоа потенцирајќи дека експонентите на ЕФ веќе контактираат со Мицкоски.
„Не знам што ќе остане од Фронтот, бидејќи отсега некои поединци на Европскиот фронт избегаа од Али и се во секојдневна комуникација со Мицкоски. И некои експоненти јавно кажаа, како што е господинот Тачи, малите заедници, така што не знам што ќе остане од Фронтот“, рече Меџити.
Македонија
Случајот со писмото на Битиќи до компаниите е сличен на „Траекторија“, вели Мицкоски
Шокантно, самобендисано, претенциозно и криминално. Ќе го потсетам господинот Битиќи но и Обвинителството дека за нешто слично се водеше судски процес во минатото наречен „Траекторија“, вака претседателот на ВМРО-ДПМНЕ, Христијан Мицкоски одговори на новинарско прашање во врска со писмото коешто го испратил вицепремиерот Фатмир Битиќи до компанииите кои добиле помош од државата и во коешто бара поддршка за изборите.
„Јас го повикувам Обвинителството да нема двојни аршини и да постапи исто и со господинот Битиќи. Ако не постапи, тогаш се потврдува нашата теза дека имаме работа со октруирано обвинителство, партизирано обвинителство, но наскоро и тоа ќе го ослободиме“, додаде Мицкоски.
Мицкоски исто така додаде дека ова што го направил Битиќи е кршење на членот 353 од КЗ, бидејќи ја злоупотребува положбата со цел да прибави политичка корист.
„Јас ви гарантирам дека истражните органи ќе отворат истрага за ова што го прави Битиќи. Тој во својство на вицепремиер испраќа писма до компании каде што наведува дека, внимавајте јас како вицепремиер ви дадов пари, а сега треба мене да ме гласате на овие избори. Тоа е кршење на членот 353 од КЗ, односно злоупотреба на службена положба и овластувања за прибавување корист, а таа корист е политичка“, рече Мицкоски.
Тој уште еднаш го повика обвинителството да постапи, бидејќи во спротивно ќе се потврди тезата на ВМРО-ДПМНЕ дека Обвинителството е октруирано и партизирано и дека е потребно целосно распуштање на Судскиот совет, на советот на обвинители и проверка на нивните имоти и на нивните семејства.
„Ќе ве потсетам, случајот „Траекторија“ токму за нешто вакво слично се водеше и го повикувам јавниот обвинител, овој новиот, го повикувам него или тие надлежните коишто се, да отворат веднаш истрага. Во спротивно ќе се потврди нашата теза дека имаме работа со октруирано и партизирано Обвинителство и уште еднашка ќе се потврди нашата заложба за целосно распушатање на Судскиот совет, на советот на обвинители и проверка на нивните имоти и на нивните семејства, бидејќи навистина не може македонија понатаму да се развива со вакви луѓе ако тие не постапуваат согласно закон“, нагласи Мицкоски.
Македонија
ДУИ: Изет, на линија со Силјановска и ВМРО, му се заканува на Али Ахмети
„Изет Меџити и албанската опозиција на линија со Гордана Силјановска од ВМРО. Впрочем, истите ја презедоа улогата на „маша“ на Мицкоски против се што е албанско. Недалеку од денеска, губитникот на изборите на 24 април, Изет и неговите партнери се осмелуваат и им се закануваат на Албанците и на лидерот на ДУИ, Али Ахмети, обидувајќи се да внесат страв и неизвесност во пресрет на 8 мај, исто како што тоа го прават Силјановска и Мицкоски“, велат од ДУИ.
„ДУИ и Европскиот фронт изразуваат загриженост за валканиот речник на Изет и албанската опозиција, а истовремено ги повикуваат граѓаните да не станат плен на мрачните и дестабилизирачки агенди со центар во Белград и Москва.
Им ставаме до знаење на Изет и неговите следбеници, дека Северна Македонија е веќе полноправна членка на НАТО и наскоро членка на Европската Унија.
Трасираниот пат и демократските институции не можат да се уништат со полициски закани, а тоа најдобро ќе го дознаете на 8 мај, кога Европскиот фронт ќе освои +20 пратеници.
Во оваа прилика ги повикуваме граѓаните на 8 мај масовно да го заокружат бројот 4 и да го спречат враќањето на полициската држава и истовремено да ја заверат длабоката историска победа на ДУИ и Европскиот фронт“, се наведува во соопштението на ДУИ.