Свет
Корумпираното судство треба да ни го обели образот
Јавното обвинителство по првиот круг покренало вкупно 31 обвинение против лицата за кои се верува дека учествувале во нарушување на избрниот процес.
ЕВРОПА ДАВА ПОПРАВЕН ИСПИТ ЗА НЕРЕГУЛАРНОСТИТЕ НА ИЗБОРИТЕ
Јавното обвинителство по првиот круг покренало вкупно 31 обвинение против лицата за кои се верува дека учествувале во нарушување на избрниот процес. Шест од нив веќе се ноаѓаат во притивор, но дипломатите ин
Нулта толеранција за изборните нерегуларности регистрирани на двата круга од локалните избори. Европа овој пат нема да ни прости за овие пропусти, тврдат дипломатски извори.
Оваа порака од највисоките европски претставници во Македонија е пренесена до сите политички фактори кои треба да ја слушнат, премиерот Владо Бучковски и лидерот на ДУИ Али Ахмети.
Евродипломатите се огорчени што кај нас низ изборните циклуси со години ни се повторуваат истите неправилности, полнење гласачки кутии, гласање за цело семејство или за цело село, вооружени инциденти на гласачките места…, а за нив досега нникој не одговара. Единствено почисти избори беа во 1998 година, а сите други беа проследени со нерегуларности. Во 2000 година на локалните избори имаше и едно убиство во скопското село Кондово.
ЕУ како поправен испит за изборните нерегуларности ни дава само уште една шанса, ако сакаме да се движиме напред во евроатланските интеграциии. Сите актери кои ги спречуваа граѓаните слободно да ја изразат нивната волја на локалните избори, мора да бидат санкционирани со судска завршница. Таквиот тека на работите ќе покаже дека системот во Македонија функцинира. Само така, велат европските дипломати, македонската влада може да ги убеди дека е сериозна во намерите за членство во НАТО и ЕУ.
Тие стравуваат дека поради високиот степен на корупција во судството и големото партиско влијание врз него, може сите покренати случаи да ја имаат судбината на оние од претходните изборни циклуси и да завршат во судските фиоки или процедурални лавиринти.
Премиерот Владо Бучковски на средбата со НАТО амбасадорите презеде дел од одговорноста за нерегуларностите, но побара одговорно да се однесуваат и другите актери на изборите, пред се политичките партии. Странците се посебно лути на Али Ахмети, кого го сметаат за одговорен за неправилностите забележани во Западиот и сверозрадниот дел од земјата, каде претежно живее албанското население. Сметаат дека е лицемерен нивниот обид вината за нерегуларностите да ја префрлат врз граѓаните, за кои портпаролот на ДУИ Ермира Мехмети изјави дека им треба “поголема политичка едункација”.
Посебно остар во критиките бил специјалниот претставник на ЕУ во Македонија амбасадорот Мајкл Салин. Опомена за Ахмети доаѓа и од американскиот стејт департмент, кој со дипломатски речник, во оценката за изборите, ги опоменува партиите кои што имаат влијание во регионите каде што се регистрирани неправилностите, да се агнажираат во нивно надминување.
На острите критики од Европа премиерот одговори со ветувања дека ќе се преземат мерки прво да се санкционираат прекршителите на изборниот процес, а потоа и измени на недостатоците на изборната регулатива, кои се покажале како сериозен извор на неправилности.
Бучковски ги уверуваше амбасадорите дека владата се залага за проноаѓање и казнување на лицата вмешани во нерегуларностите. Јавното обвинителство по првиот круг покренало вкупно 31 обвинение против лицата за кои се верува дека учествувале во нарушување на избрниот процес. Шест од нив веќе се ноаѓаат во притивор, а по другите се трага.
Министерството за внатрешни работи има поднесено кривични пријави потив 25 лица за кривични дела “спречување на избори и на гласање”, сторени на одделни бирачки места во Скопје, Кичево и Прилеп на 13 март 2005 година. Во врска со гласањата на 27 март се поднесени кривични пријави против 11 лица за истите кривични дела: против четворица во Прилеп, петмина во селото Ангелци, струмичко и против две лица од селото отља, општина Липково.
Но, дипломатски извори тврдат дека за нив побитно е поднесените обвиненија да се крунисаат со судска разрешница. “Тоа е одговорот што сакаме да го слушаме”, велат тие.
Портпаролот на владата Сашо Чолаковски вчера изјави дека сите поднесени кривични пријави од полицијата се процесуирани од јавното обвинителство. “Премиерот Бучковски и државниот јавен обвинител Прчевски се во постојана комуникација. Премиерот инсистира овие случаеви да имаат брза судска разрешница”, тврди Чолаковски.
Н.С.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.