Македонија
Гешовски нов претседател на Комисијата за лустрација
Благоја Гешовски во следните шест месеци ќе претседава со Комисијата за лустрација, чие назначување денеска беше изгласано на собраниската Комисија за прашања на изборите и именувањата.
Негов заменик ќе биде Даут Даути.
Пратеничката Роза Каревска – Топузовска, од ЛДП, единствената опозициска партија која не ја бојкотира работата на Собранието, како што рече, им порача на новоизбраните претседател и заменик на Комисијата за лустрација доследно да го почитуваат и да работат според постојниот закон, а не да се надгласуваат.
Според неа Комисијата изминатиот период не го почитувала до крај законот.
Претседателот на Комисијата, пратеникот од ВМРО-ДПМНЕ Илија Димовски и пратеникот од ДУИ Рафис Алити на ваквата забелешка од Топузовска вратија дека и Уставниот суд на Република Македонија донесува одлуки со надгласување.
Алити потсети дека се поднесени и измени на Законот за лустрација.
„Поради тоа што не бевме задоволни од Законот за лустрација, поднесовме негови измени. Одлуките не треба да се носат со надгласување, но истото начело треба да го има и во Уставниот суд. Не сме задоволни од работата на Уставниот суд. Законите кои во Собрание се донесени со консензус и со двотретинско мнозинство таму се случи да се надгласуваат“, рече Алити. На Комисијата беше изгласана и смена на два члена на Националниот совет за евроинтеграции.
Комисијата за прашања на изборите и именувањата изгласа и смена на два члена на Националниот совет за евроинтеграции.На местото на Сашо Стефков, кој ќе ја предводи дипломатската мисија на Македонија во канцеларијата за врски во Атина, ќе биде Андреј Лепавцов, советник за надворешна политика во Кабинетот на претседателот на Владата. А Насер Селмани, новиот претседател на Здружението на новинарите на Македонија ќе ги претставува новинарите на местото на поранешниот претседател Роберт Поповски./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Доста ни е од веќе видени пратеници и од гласање за помалото зло
„Во програмата имаме 13 поглавја кои го опфаќаат секој аспект од општественото живеење. Главната порака до граѓаните е да го заокружат бројот 5 на гласачкото ливче и да дозволат млади неподмитливи луѓе да ги застапуваат, бидејќи доста ни е од веќе видени пратеници и од веќе видено гласање за помалото зло. На тој начин ќе спречиме многу штетни политики“, рече лидерот на Левица, Димитар Апасиев од Прилеп, презентирајќи ја предизборната програма на неговата партија во пресрет на парламентарните избори.
-По првиот круг не паѓаме со духот, туку продолжуваме со првичната замисла, додаде Апасиев.
Партијата Левица очекува поддршка од прилепчани каде, како што велат од оваа партија, имаат реална основа за тоа.
– Земјоделството мора да биде планско. Планираме да се пополнуваат стоковите државни резерви строго со домашно производство, со однапред склучени договори за земјоделците да имаат некаква сигурност во производството. Планираме фиксни откупни цени, државни откупни центри за да не можат прекупците да ја местат цената како што ним им одговара, ладилници за складирање на произведената храна од кои ќе се снабдуваат Армијата, градинките, училиштата, болниците. Мерките, генерално ни се насочени кон државна интервенција во земјоделството, а не да биде оставено стихијно. Во стопанството планираме рестартирање или отворање државни профитабилни фирми во секоја стратешка стопанска гранка, рече носителот на кандидатската листа на пратеници во четвртата изборна единица, Сашко Јанчев при претставувањето во Прилеп.
Македонија
Спасовски од Шуто Оризари: Да не се попречува изборниот процес
Носителот на листа на кандидати за пратеници од СДСМ и коалицијата за европска иднина од ИЕ2, Оливер Спасовски, имаше свое обраќање во Шуто Оризари.
„Денеска продолжуваме со изборната кампања во Шуто Оризари на разговор со граѓаните за претседателските и парламентарните избори на 8 мај. Сакам да се сретнеме со сите граѓани, да влеземе во секоја куќа во општината Шуто Оризари, да поразговараме со секого за нашата перспектива на Македонија”, рече Спасовски. Притоа, тој ја истакна важноста да се гласа на 8 мај.
„Многу е важно граѓаните да останат смирени и овој втор круг од изборите да помине во демократска атмосфера. Упатувам порака до сите оние се дрзнуваат на било кој најчин да го попречуваат изборниот процес, да се закануваат, да навредуваат, да останат на ниво на демократски вредности. Да ги почитуваат граѓаните и на мирен, фер и демократски начин да заврши изборниот процес. Воедно ги повикувам сите граѓани масовно да излезат на изборите на 8 мај, да гласаат за нашиот претседател Стево Пендаровски заокружувајки го бројот 1, и да гласаат за листата на пратеници исто така под број 1 за коалицијата за европска иднина”, порача Спасовски.
Македонија
Меџити: Сите бегаат од ДУИ како од корона
Изет Меџити, лидерот на Демократското движење, чија партија е дел од коалицијата ВЛЕН рече дека „на ВМРО-ДПМНЕ ѝ треба албански партнер како ВЛЕН, за да биде целосна сликата“.
-Од ДУИ денес сите бегаат како од корона. Дури и ВМРО-ДПМНЕ и Максим Димитриевски бегаат од ДУИ и не сакаат влада со нив, рече Меџити на средби со граѓани во општина Чаир и во Сарај.
Ветува решавање на клучните проблеми на граѓаните во нивните општини.
За Меџити, само на тој начин ќе се претендира за европски вредности и европски фронтови. Немањето канализација и елементарни услови за живот е недозволиво, истакнува тој.