Македонија
Се уште се расветлува убиството во кумановско Липково
МВР се уште трага по лицата кои вчера го убија триесет и седумгодишниот Муамед Салији и го повредија неговиот братучед триесет и тригодишниот Бурим Салији.
МВР се уште трага по лицата кои вчера го убија триесет и седумгодишниот Муамед Салији и го повредија неговиот братучед триесет и тригодишниот Бурим Салији. Не се познати ниту мотивите за убиството во кумановско Липково.
Повредениот Бурим Салији синоќа беше префрлен во Ургентниот центар во Скопје, со повреди во левиот препон и левата надколеница. Неговата состојба е стабилна и моментално се наоѓа на КАРИЛ.
Убиството се случи во среда пред продавницата, која се наоѓа во центарот на селото.
Бурим отишол во локалната продавница, најверојатно да купи нешто. Пред продавницата се паркирала „Мазда“ со скопски регистарски таблици.
Од автомобилот излегло едно лице, а уште тројца го чекале внатре.
Лицето влегло во продавницата и почнало да се расправа со Бурим Салији, по што се вратил во автомобилот и заминале од пред продавницата.
Во меѓувреме пред продавницата дошол и Муарем, братучед на Бурим, со своите две малолетни деца.
Додека двајцата братучеди разговарале, Маздата се вратила и повторно започнала расправија.
Првично, кон братучедите пукало едно лице од Маздта, најверојатно со пиштол. По пукањето избегале со автомобилот во непознат правец.
Триесет и седумгодишниот Муарем починал на пат кон кумановската болница, а Бурим и пренесен во Скопје. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.