Македонија
ИЕП: Наместо соодветна акција, има несоодветна реакција
Оценките во извештајот на Европската Комисија за напредокот на Македонија може да се опишат како статус кво ситуација, велат од Институтот за европска политика од Скопје.
Оценките во извештајот на Европската Комисија за напредокот на Македонија може да се опишат како статус кво ситуација, велат од Институтот за европска политика од Скопје.
Според ИЕП, ако во 2009 година било констатирано дека имало „суштествен напредок“, во 2010 година беше дадена оценката „натамошен напредок, но со нерамномерно темпо“, оваа година се констатираат „суштествени предизвици“, кои се лоцираат во имплементацијата на донесеното законодавство, слободата на изразувањето во медиумите, независноста на судството, реформата на јавната администрација, борбата против корупцијата.
За оваа организација, најзаслужни за останувањето на препораката за членство се изборите и ефикасното формирање на новата влада, но која е засенета со, како што велат, силната констатација преземена од ОБСЕ за засновани тврдења за недоволна одвоеност на државата и партијата, како и притисок врз државните службеници.
Но, од ЕИП сметаат дека наместо соодветна акција по објавувањето на извештајот, следела несоодветна реакција на македонските власти.
„Се спротивставуваат две тези: првата – дека оценките во Извештајот се намалени за дасе зголеми притисокот за решение за името и втората – дека решавањето на спорот со името и почетокот на преговорите ќе помогне да се обезбеди внатрешна кохезија за реформите.
Во ваквиот маѓепсан круг, Република Македонија е во опасност да ги губи позициите на два фронта – и во спорот со името и во демократизацијата на државата.
Демократизацијата, вклучувајќи ја културата на дијалогот е она што на Република Македонија и го дава кредибилитетот во неспорно легитимната битка за името и идентитетот. Во оваа ситуација Република Македонија не може да си дозволи и натаму да губи сојузници“, велат од ИЕП. /крај/со/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Лимани: Судот ја прифати жалбата на коалицијата ВЛЕН за „бугарскиот воз“ во Липково, се докажа изборниот инженеринг на ДУИ
Валбон Лимани од коалицијата ВЛЕН денеска на прес-конференција го презентираше решението на Управниот суд со кое се прифаќа жалбата на коалицијата ВЛЕН за полнење кутии во Липково.
„Управниот суд ја прифати жалбата на Коалицијата ВЛЕН за гласачко место во Липково, каде што имало полнење на кутија од страна на блиски луѓе на носителот на листа на ДУИ во оваа зона, со техника позната како „бугарски воз“. Во судската одлука стои дека тужбата на кандидатот на претседателските избори во 2024 година, Арбен Таравари, е прифатена“, рече Лимани.
Според Лиман, со ова се докажува изборниот инженеринг на ДУИ на претседателските избори на 24 април и ги повика надлежните институции да постапат за кражбата на гласови и чинителите да се изведат пред правдата.
„По парламентарните избори нод 8 мај, режимот на ДУИ ќе се сруши. Коалицијата ВЛЕН, како следна влада, ветува дека ќе го санкционира секој обид на владата во заминување да краде или купи гласови“, рече Лимани.
Македонија
Над 150 пијани возачи затекна полицијата на 1 Мај
Санкционирани се 157 возачи на територијата на целата држава, при полициски контроли за време на празничниот 1 Мај.
Од нив 41 на територија на СВР Куманово, по 34 на територија на СВР Битола, објави МВР.
За време на контролата санкционирани се и 183 други видови на сообраќајни прекршоци.
Сообраќајните контроли продолжуваат и во наредните денови. Се апелира до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.
Македонија
Османи: Со Рамковниот договор неопходни се две мнозинства за формирање Влада – парламентарното од 61 плус Бадентеровото
Со Рамковниот договор неопходни се две мнозинства за формирање Влада – парламентарното од 61 плус Бадентеровото, вели портпаролот на ДУИ, Бујар Османи.
На прес-конференција тој тврдеше дека не може да има Влада без двојно мнозинство, повикувајќи се на Рамковниот.
„Охридскиот рамковен доведе до две мнозинства, 61 и мнозинство по Бадентер. Забораваме и размислуваме само за едното мнозинство од 61. Едното секогаш оди со Бадентеровото. Ќе треба време за да ја сфатиме логиката на Охридскиот договор. Рамковниот договор има механизми за заштита на заедниците од надгласување, не е за заштита на мнозинската заедница. Затоа бара покрај 61 и Бадентерово мнозинство. Јалови се сите обиди да се потцени второто мнозинство при било кои избори по 2001 година“, рече Османи.
Тој упати низа обвинувања до ВМРО-ДПМНЕ, мѓу кои дека секојдневно рециклираат националистички тези, флертуваат со проруски интереси, отворено се закнуваат на, како што рече, славното востание од 2001, ги зголемуваат тензиите меѓу етничките и верските заедници, додека ДУИ гарантираат стабилност и соживот.
Во врска со тоа како ќе настапат во вториот круг од претседателските избори, односно дали и кој од двајцата кандидати ДУИ ќе го поддржат, одлуката ќе биде соопштена во наредните денови.