Македонија
Генерално Собрание на асоцијацијата на национални новински агенции од Балканот

Македонската информативна агенција годинава е организатор и домаќин на XXI Генерално собрание на асоцијацијата на националните новински агенции од балканскиотрегион, односно од државите од Југоисточна Европа – АБНА-ЈИЕ.
Генералното собрание ќе се одржи во Скопје од 1-ви до 4-ти ноември.
Генералното собрание на АБНА-ЈИЕ е еминентен собир на претседатели на надзорни и управни органи, генерални директори и главни и одговорни уредници на националните новински агенции од споменатиот регион.
Во рамките на работниот дел од Генералното собрание во петок, меѓу другото, ќе биде организирана и трибина на тема: „Заштита на авторските и издавачките права за вести и други новинарски прилози на новинските агенции“, на која покрај директорите и главните уредници на членките на АБНА-СЕЕ, ќе учествуваат и универзитетски професори, локални експерти и претставници на медиумите од Македонија.
Асоцијацијата на националните новински агенции на земјите од Балканот и од Југоисточна Европа (АБНА-ЈИЕ) е формирана во 1995 година со цел да се развие целосна соработка меѓу националните новински агенции од регионот, но и да се придонесе кон создавањето на клима на мир, на пријателство и соработка во балканскиот регион.
Основачката конференција се одржа во Солун на 26 јуни 1995 година по иницијатива на тамошната Македонска новинска агенција, додека првото Генерално собрание на Асоцијацијата се одржа АБНА-ЈИЕ во Анталија, Турција на 15 и 16 декември 1995, само еден ден откако во Париз беше потпишан Дејтонскиот договор со кој се стави крај на крвавата граѓанска војна во Босна и Херцеговина.
Секретаријатот на АБНА-ЈИЕ е со седиште во Солун, а претседателството ротира секоја година. /крај/мф/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.